Правы і абарона дзяцей у Беларусі: статыстыка і дзяржаўная падтрымка

Ольга Стружинская

1 дзень ago

1 чэрвеня ва ўсім свеце адзначаецца Міжнародны дзень абароны дзяцей. У лістападзе 1949 года гэтае свята было афіцыйна зацверджана ў Парыжы рашэннем кангрэса Міжнароднай дэмакратычнай федэрацыі жанчын.

А ў першы раз адзначылі яго ў 1950 годзе. Менавіта пасля гэтага традыцыя стала штогадовай. Дарэчы, у свята ёсць і свой сцяг. На ім намаляваны зямны шар, вакол якога, ўзяўшыся за рукі, стаяць дзеці.

Паводле звестак Белстата агульная колькасць дзяцей на 1 студзеня 2026 года ў Беларусі налічвалася 1 716 303 дзіцяці — кожны пяты жыхар краіны.

На 1 000 хлопчыкаў прыпадае 951 дзяўчынка.

Права на адукацыю і абарону

На думку намесніка начальніка ўпраўлення выхаваўчай і сацыяльнай работы Міністэрства адукацыі Беларусі Алены Сімаковай, абарона дзяцей – гэта, у тым ліку, стварэнне ўмоў для годнага выхавання, знаходжання дзіцяці не толькі ў сям'і, але і ў розных дзяржаўных і недзяржаўных установах і арганізацыях.

У 1990 годзе наша краіна ратыфікавала Канвенцыю ААН пра правы дзіцяці. Такім чынам, Беларусь пацвердзіла сваю прыхільнасць да ўдзелу ў дзейнасці па стварэнні для дзяцей бяспечных і паўнавартасных умоў для жыцця і кіруецца пры гэтым міжнароднымі стандартамі. Кожныя пяць гадоў у рэспубліцы прымаецца Нацыянальны план дзеянняў па паляпшэнні становішча дзяцей і абароне іх правоў.

Алена Сімакова

Намеснік начальніка ўпраўлення выхаваўчай і сацыяльнай работы Міністэрства адукакацыі Рэспублікі Беларусь

Нацыянальны план дзеянняў – гэта найбольш важны дакумент, закліканы скаардынаваць дзейнасць усіх дзяржаўных органаў, грамадскіх арганізацый па выкананні Беларуссю палажэнняў Канвенцыі ААН аб правах дзіцяці. Гэта захаванне правоў і законных інтарэсаў дзяцей, стварэнне ўмоў для свабоднага i эфектыўнага ўдзелу дзяцей і моладзі ў палітычным, сацыяльным, эканамічным і культурным развіцці дзяржавы і грамадства.

Яна дадала таксама, што ў нашай краіне дзейнічае Нацыянальная камісія па правах дзіцяці, мэта якой – кантроль выканання правоў і законных інтарэсаў дзяцей.

Кожнае дзіця мае права на атрыманне даступнай і якаснай адукацыі. Напрыклад, толькі дашкольную адукацыю ў нашай краіне ў мінулых гадах навучальным годзе атрымалі больш за 95% дзяцей ад 3 да 6 гадоў.

Нямала робіцца і для таго, каб адукацыю маглі атрымаць дзеці з асаблівасцямі псіха-фізічнага развіцця. Так, акрамя дашкольных і агульнаадукацыйных устаноў, дзе могуць навучацца такія дзеці, створана сетка ўстаноў прафесійнай адукацыі, у якіх дзеці з асаблівасцямі псіха-фізічнага развіцця вывучаюць асновы прафесіі.

Выхаванне дзяцей у няпоўнай сям'і: міфы і рэальнасць

У краіне рэалізуюцца мерапрыемствы па арганізацыі безбар'ернага асяроддзя для дзяцей-інвалідаў. Тым самым для такіх дзяцей і іх бацькоў паляпшаецца даступнасць адукацыі, спорту і паслуг аховы здароўя.

Зрэшты, у юных беларусаў ёсць магчымасць атрымліваць не толькі асноўную адукацыю. Сістэма дадатковай адукацыі аб'ядноўвала 347,7 тыс. дзяцей у 224 цэнтрах і палацах, а таксама 115,9 тыс. навучэнцаў у 356 дзіцячых школах мастацтваў.

Алена Сімакова

Дзеці маюць магчымасць вучыцца творчасці, спяваць, выступаць, маляваць. Падтрымліваюць іх схільнасць да заняткаў фізічнай культурай і спортам.

Значная ўвага надаецца і аздараўленню дзяцей. Таму больш за трэццюю частку ўсіх дзяцей школьнага ўзросту адпачывае ў аздараўленчых установах адукацыі. За лета 2025 года ў 5 549 лагерах адпачылі 394,6 тыс. дзяцей. У 75 санаторыях аздаравіліся 108,1 тыс. дзяцей, у 13 дзіцячых рэабілітацыйна-аздараўленчых цэнтрах — 69,8 тыс.

Калі і як фарміруецца адказнасць у дзяцей? Меркаванне неўролага і псіхолагаў

Менавіта ў сям'і дзіця вучыцца адказнасці, любові і павазе, узаемадапамозе і прыхільнасці і таму захаванне сям'і з'яўляецца адным з важных напрамкаў у абароне правоў дзяцей.

Права на ахову здароўя

Медыцынскую дапамогу дзецям аказвалі 30 дзіцячых бальніц і 16 радзільных дамоў. У педыятрыі працавалі 4362 урача. Гэта 25,4 спецыяліста на 10 тыс. дзяцей.

Ахоп прышчэпкамі ад адзёру, паратыту і краснухі склаў 98,1%, ад коклюшу, дыфтэрыі і слупняка — 97,7%, ад туберкулёзу — 97,7 %.