Працягваем замацоўваць карысную інфармацыю пра здароўе, якую здабылі, адказваючы на запыты чытачоў. Прайдзіце тэст – і даведайцеся, наколькі вы прасунутыя ў медыцыне. Паехалі!
Медыцынскі тэст
1.Ці можа хелікабактар выклікаць у дзяцей праблемы са скурай?
А. Вядома, не: гэтая бактэрыя выклікае толькі гастрыт.
Б. Можа, бо стан СКТ уплывае на здароўе скуры і іншых органаў.
В. Хелікабактар можа выклікаць алергію, але не экзэму.
Адказ Б: Хелікабактар пілоры выклікае гастрыт, язвавую хваробу страўніка, дванаццаціперснай кішкі, а хранічная інфекцыя СКТ правакуе, у сваю чаргу, развіццё экзэмаў і атапічнага дэрматыту ў дзяцей.
Падрабязна пра ўзаемасувязь скуры, харчавання і страўнікава-кішэчных інфекцый – тут.
2.Яйцаклетку апладняе не самы хуткі, а самы спелы сперматазоід. Ці можна павысіць спеласць спермы?
А. Можна: вітамінамі і адмовіўшыся ад курэння ды алкаголю.
Б. Нельга, гэты працэс па-за нашым уплывам. Колькі ёсць, столькі ёсць.
В. Думаю, ужо вынайшлі лекі ад гэтай праблемы.
Адказ А: Калі колькасць функцыянальна спелых сперматазоідаў 60-70%, паўплываць на працэс можна: вылечыць інфекцыі, нармалізаваць масу цела, адмовіцца ад цыгарэт і алкаголю, прапіць вітаміны, пасядзець у баракамеры. Калі працэнт спелых сперматазоідаў ніжэйшы за 60%, без рэпрадуктыўных тэхналогій не абысціся.
Падрабязна пра метады прафілактыкі і лячэння бясплоддзя – тут.
3.Ці трэба піць антыбіётыкі пры падлеткавых прышчах?
А. Яшчэ чаго! Прышчы самі пройдуць з узростам, галоўнае – не выціскаць.
Б. Трэба, калі прышчоў шмат і яны не праходзяць доўгі час.
В. Не, нашы бабулі спраўляліся з гэтым звычайным настоем рамонка.
Адказ Б: Праціраць скуру адварамі ваўчкоў, аптэчнага рамонка, святаянніка вельмі добра, але на пачатковай стадыі развіцця прышчыкаў. Пры прышчах сярэдняй цяжкасці, калі вузельчыкава-гнайнічковых высыпанняў больш 10 (10-40), магчымае прымяненне антыбактэрыяльных сродкаў. У гэтым выпадку дэрматолаг абавязкова бярэ гнойнае змесціва пустулы (гнайнічка) на мікрафлору і адчувальнасць яе да антыбіётыкаў.
Падрабязна пра лячэнне і прафілактыку падлеткавага акнэ – тут.
4.Людзям пасля інсульту рэабілітолагі часта прапануюць надзімаць паветраныя шары або пускаць бурбалкі праз трубачку ў бутэльку з вадой. Навошта?
А. Каб не памерці ад суму: пасля інсульту ляжыш цэлы дзень у ложку.
Б. Гэта дыхальная гімнастыка для заспакаення нервовай сістэмы, што немалаважна ў пасляінсультны перыяд аднаўлення.
В. Прафілактыка застойнай пнеўманіі.
Адказ В: У маларухомага або паралізаванага пасля інсульту чалавека ёсць рызыка развіцця застойнай пнеўманіі. Каб яе не было, важныя паўнавартасны ўдых і выдых. Таму можна спрабаваць надзімаць паветраныя шары або выдыхаць паветра праз трубачку ў бутэльку.
Падрабязна пра хатнюю рэабілітацыю пасля інсульту – тут.
5.Ці пазбаўляе выдаленне міндалінаў ад павышанага стрэптакока ў крыві?
А. Не, бо стрэптакок «жыве» не толькі ў міндалінах.
Б. Вядома, таму ўсе іх выдаляюць, калі часта хварэюць на ангіну.
В. Міндаліны нельга выдаляць, яны частка арганізма, як і апендыцыт.
Адказ А: Выдаленне міндалінаў не пазбаўляе нас ад стрэптакока, бо ён лакалізуецца ў лімфоіднай тканцы, якая ёсць ва ўсім арганізме. Пытанне пра выдаленне міндалінаў можна разглядаць у выпадку дэкампенсаванага хранічнага танзіліту, калі на міндалінах – рубцовыя змены, у лакунах – пастаянныя гнойныя пробкі.
Падрабязна пра кантроль паказчыка АСЛ-О – тут.
6.Ці можна ствалавымі клеткамі вылечыць астэапароз каленных суставаў?
А. Было б добра, бо страшна ставіць эндапратэз.
Б. Нам да гэтага яшчэ далёка. Трэба ехаць у Ізраіль.
В. Можна. Ствалавыя клеткі лёгка вылучыць з нашай жа тканкі.
Адказ В: Сёння ў Беларусі ствалавымі клеткамі лечаць шэраг захворванняў, у тым ліку дэгенератыўныя захворванні суставаў, у прыватнасці, астэаартоз. Методыка ўхваленая Міністэрствам аховы здароўя Беларусі як эфектыўная і бяспечная.
Падрабязна пра лячэнне ствалавымі клеткамі – тут.
7.Наведваючы родных і сяброў у бальніцы, мы разносім дадатковыя мікробы або, наадварот, нашы мікробы дапамагаюць змагацца з ўнутрыбальнічнымі?
А. Мікробы здаровага наведвальніка мацнейшыя за мікробы хворага пацыента, а значыць, перамогуць у гэтай сутычцы.
Б. Наведвальнікі могуць прынесці ў бальніцу дадатковую заразу.
В. Хутчэй наведвальнікі заразяцца, бо бальнічная флора – вельмі агрэсіўная і ўстойлівая да ўсяго.
Адказ А: Ужо даказана, што наведванне пацыентаў не звязанае з павелічэннем распаўсюджвання інфекцыйных захворванняў у стацыянарах. Наадварот, адзначаецца зніжэнне агульнага ўзроўню інфекцый, бо прыўнесеныя арганізмы дапамагаюць змагацца са шпітальнай флорай.
Падрабязнасці аб правілах наведвання бальніц – тут.
https://bel.24health.by/ci-mozhna-zabycca-na-cyazhkiya-emocyi-kab-zrabilasya-lyagchej-test/