Скажам прама, крапіва — той яшчэ далікатэс. З добрай крапівы, як вядома, атрымліваліся выдатныя вяроўкі і ліны. Гэтай уласцівасці ў яе не адбярэш. А вось наконт ежы...
І ўсё ж крапіву елі заўсёды. Не ад добрага жыцця, вядома, але елі яшчэ з антычных часоў. Сярэднявечныя людзі добра ведалі, як менавіта з яе зрабіць ядомыя і нават смачныя стравы. Увесь сакрэт у тым, каб выкарыстоўваць толькі вельмі маладыя, верхнія лісточкі. Галоўная страва нашай кухні з гэтай раслінай — боршч з крапівы. Дарэчы, у супе крапіва зусім не гарчыць і не колецца.
Блогер, гаспадыня харчэўні ў старажытным Тураве Алена Браніславаўна мае ў сваёй кулінарнай скарбонцы ўнікакльны рэцэпт баршчу з крапівой, які ўражвае не толькі сваімі інгрэдыентамі, але і знешняй прыгажосцю. Давайце гатаваць разам!
Інгрэдыенты
- Крапіва свежая
- Морква
- Цыбуля
- Бульба
- Проса
- Соль, спецыі
Спосаб прыгатавання
Мяса (пажадана на касці) адварыць да гатоўнасці.
Крапіву памыць і заліць кіпенем, пакінуць на 5 хвілін, ваду зліць.
Моркву з цыбуляй парэзаць на кавалачкі, абсмажыць.
У гатовы бульён дадаць абсмажаную гародніну, парэзаную бульбу і адну ці дзве цэлыя бульбіны.
Цэлую бульбу, як будзе гатовая, патаўкці і ўкінуць зноў у рондаль.
Проса прамыць і дадаць у бульен.
Як будзе гатовае, нарэзаць крапіву і дадаць яе ў булён. Давесці да кіпення, праварыць 5 хвілін, зняць з агню, даць настаяцца.
Падаваць да стала лепш са смятанай. Смачна есці!
https://bel.24health.by/dlya-amatarau-pershyx-strau-top-7-supou-belaruskaj-nacyyanalnaj-kuxni/