Убачыць падчас «ціхага палявання» сямейства лісічак — вялікі поспех! Гэтыя прыгожага колеру грыбы з прыемным водарам карысныя для здароўя.
Дзікія лісічкі вядомыя як выдатная крыніца харчовага вітаміна D. Як каштоўная крыніца пратэінаў іх карысна ўключаць у рацыён мужчын, якія займаюцца цяжкай фізічнай працай або рэгулярна трэніруюцца. Вараныя лісічкі кавалачкамі або ў выглядзе пюрэ можна даваць маленькім дзецям у складзе збалансаванага меню.
Грыбы дапамогуць разнастаіць рацыён і дзякуючы высокай канцэнтрацыі вітаміна A умацуюць здароўе вачэй і папярэдзяць парушэнні зроку. Па колькасці гэтага мінерала лісічкі практычна не саступаюць моркве, з іх можна прыгатаваць мноства смачных страў.
Блогер і гаспадыня харчэўні ў Тураве Алена Браніславаўна прапануе нам свой просты, але ж вельмі смачны рэцэпт лісічак у смятане.
Інгрэдыенты
- Свежыя лісічкі
- Цыбуля
- Соль
- Перац
- Смятана
- Бульба да гарніру
Спосаб прыгатавання
Цыбулю парэзаць і абсмажыць на алеі да мяккасці.
Лісічкі перабраць, памыць , буйныя парэзаць і дадаць да цыбулі. Смажыць хвілін 5.
Дадаць смятану, пасаліць, дадаць спецыі. Тушыць 15 хвілін на павольным агні.
Перад падачай пасыпаць кропам. Падаваць з адварной бульбай.
Смачна есці!
https://bel.24health.by/baklazhany-u-marynadze-pakrokavy-recept/