Грачанікі — адна з самых цікавых і смачных страў традыцыйнай кухні. Грэчка ў спалучэнні з фаршам — цікавая альтэрнатыва звычайным катлетам. Да таго ж, да такой стравы не патрэбны гарнір. Можна абыйсціся гароднінай ці салатай.
Грачанікі можна тушыць у падліўцы, тады яны будуць мяккімі і сакавітымі. Можна пакаштаваць грачанікі і ў выглядзе своеасаблівых катлет. Каму як падабаецца. Прапануем рэцэпт стравы ад блогера і гаспадыні харчэўні ў Тураве Алены Браніславаўны
Інгрэдыенты
- 0,5 кг любога фаршу
- 0,5 кг адварной грэчкі
- Цыбуля,соль,спецыі — па смаку
- Яйкі — 1 шт.
- Мука для паніроўкі
- Кроп і часнок (па жаданню)
Для соуса
- Морква
- Цыбуля
- Таматавы сок
- Зеляніна
Спосаб прыгатавання
Адварыць грэчку так, каб яна была рассыпістая ( абавязкова) змяшаць з фаршам, дадаць астатнія інгрэдыенты.
Цыбулю пакрышыць дробна, дадаць кроп.
Замясіць фарш. Ён павінен атрымацца крутым, інакш грачанікі разваляцца.
Сфарміраваць катлеты любой зручнай формы, абкачаць іх у муцэ.
Абсмажыць на алеі да румянасці. Не абавязкова даводзіць да гатоўнасці , бо далей будзем іх тушыць.
Для соўса моркву надзерці на тарцы, цыбулю парэзаць.
Абсмажыць да мяккасці.
Дадаць таматавы сок. Можна па смаку пасаліць.
Заліць соўсам грачанікі. Тушыць пад накрыўкай 20-30 хвілін на павольным агні.
Смачна есці!