У гродзенскай мастачкі Вікторыі Ільіной ёсць асаблівая харызма. Яе прыроднае абаянне настолькі моцнае, што немагчыма не зацікавіцца яе творчымі матывамі. Зараз у сталічнай галерэі «Мастацтва» праходзіць выстаўка аўтара «І ў колеры, і ў манахроме».
Апынаючыся сярод работ аўтара, складваецца адчуванне, што ты патрапіў у цэлы горад. Вакол вокны, дамы, святло, якое дзецьці загасае, а дзецьці пылае колерам. Безумоўна, выстаўка не пра ўрбан-індустрыю, а пра ўнутранае адчуванне мастачкі пэўнай гарадской прасторы, яе тэмпа, настроя, архітэктуры.
— Практычна ўсе мастакі, якія жывуць сёння ў Гродна, практычна кожны з іх уяўляе сабой асобу, — падкрэсліла на адкрыцці праекта Першы намеснік старшыні Беларускага саюза мастакоў Наталля Шаранговіч. — З вялікім захапленнем я сачу на творчасцю Вікторыі і заўсёды адзначаю, як яно захоўваецца і мяняецца адначасова. Вікторыя нарадзілася ў сям'і паэтэсы. Яе дзяцінства, асветленае цудоўнай паэзіяй, безумоўна, паўплывала на яе творчасць. Таму, ідучы на выстаўку мастачкі, я дакладна ведала, што на гэтых карцінах убачу сапраўдную паэзію. Намаляваць з такой любоўю горад, менавіта такі горад, у якім ты жадаў бы жыць, зможа толькі па-сучаснасці натхнёны чалавек.
У работах Вікторыі Ільіной можна злавіць тое няўлоўнае адчуванне, якое мы можам адчуць побач з карцінамі Марка Шагала ці Пітэра Брэгеля. Іх хочацца не проста разгледзець, іх хочацца прачытаць. У карцінах мастачкі вельмі тонкая мяжа паміж выдумкай і рэальнасцю – кожная выява горада дапоўнена фантазіямі і перажываннямі аўтара. Гэта унутранае ўспрыманне і перажыванні.
Эфект казачнасці і рэальнасці адначасова дазваляе нам самім паглыбіцца ў фантазію, знайсці, магчыма, знаёмыя сэрцу месцы, альбо ўбачыць новыя, і больш ніколі іх не забыць. Тут для наведвальніка адчыняюцца дзверы ў самы спраўдны дыялог з аўтарам і яе героямі.
Важнае месца ў экспазіцыі займаюць нацюрморты. Традыцыйны жанр для Вікторыі вельмі важны. У дадзенай сітуацыі аўтар уражвае падборам колеравай палітры, ніякіх складаных злучэнняў, а толькі прыемнае зліццё адцённяў у адну нават сэнсавую фактуру.
Мастачка Вікторыя Ільіна нарадзілася ў Гродне, у 1960 годзе. Чатыры гады (з 1977 па 1981) вучылася ў Мінскім мастацкім вучылішчы імя Глебава, а пасля вучылішча яшчэ сем гадоў, з 1981 па 1988 гады, у Беларускай Акадэміі мастацтваў (аддзяленне станковага жывапісу).
У 1990 годзе Вікторыя стала сябрам Саюза мастакоў Беларусі. Зараз яна жыве і працуе ў родным горадзе, піша вельмі цікавыя краявіды і вучыць дзяцей у мастацкай школе. Яе работы набываюць музеі і калекцыянеры.
Пантэон легендарных асоб. Выстаўку Уладзіміра Стэльмашонка адкрылі ў НММ