Беларускія чэмпіёны прэзентавалі на свяце ў Александрыі лагатып Еўрагульняў-2019.
Вясляр Аляксандр Багдановіч, самбіст Сцяпан Папоў і лёгкаатлетка Эльвіра Герман на народным свяце Купалле («Александрыя збірае сяброў») паказалі лагатып Еўрапейскіх гульняў.
Стваральнікаў эмблемы натхніў лозунг «Ідзі за марай». Нацыянальная легенда пра кветку папараці дорыць чароўную надзею выканання жаданняў з дапамогай цудоўнай расліны. Знайсці яе можна толькі ў летнюю ноч на Івана Купалу.
Так і атлеты з усіх куткоў Еўропы збяруцца ў Мінску ў чэрвені 2019 года, на шляху да сваёй мары, каб заваяваць ўзнагароду.
Госці свята ў Александрыі паўдзельнічалі ў фотасесіі са спартсменамі і талісманам алімпійскай каманды Агрыкам. Аматары здаровага ладу жыцця змаглі ўзяць аўтографы ў алімпійскага чэмпіёна і прызёра, пераможцы Еўрагульняў у веславанні на каноэ Аляксандра Багдановіча; чэмпіёна Еўрапейскіх гульняў, шматразовага пераможцы сусветных і кантынентальных першынстваў па самба Сцяпана Папова; чэмпіёнкі свету і Еўропы сярод юніёраў, сярэбранага прызёра Юнацкіх Алімпійскіх гульняў, уладальніцы спецыяльнай прэміі Прэзідэнта "Беларускі алімпійскі Алімп» Эльвіры Герман.
Афіцыйны дэвіз II Еўрагульняў – Bright Year, Bright You ( "Яркі год, яркі ты"). Беларускамоўны варыянт лозунгу – "Гадзіна яскравых перамог".
Беларусь атрымала права правядзення II Еўрапейскіх гульняў на 45-м пасяджэнні Генеральнай асамблеі Еўрапейскіх алімпійскіх камітэтаў, якое ў кастрычніку 2016 года адбылося ў Мінску. I Еўрапейскія гульні прайшлі ў чэрвені 2015 года ў сталіцы Азербайджана Баку. На іх беларускія атлеты заваявалі 43 узнагароды.