Каманда «ЗЛЖ» Брэсцкага абласнога цэнтра гігіены, эпідэміялогіі і грамадскага здароўя перамагла на абласной міжгаліннай спартакіядзе. Яна прайшла на турыстычнай базе «Лясное возера» Баранавіцкага раёна.
За прызавыя месцы спаборнічалі работнікі сістэмы камітэта па працы, занятасцi i сацыяльнай ахове Брэсцкага аблвыканкама, упраўлення аховы здароўя Брэсцкага аблвыканкама, Брэсцкага абласнога ўпраўлення Фонду сацыяльнай аховы насельніцтва Міністэрства працы і сацыяльнай аховы Рэспублікі Беларусь.
Лепшых вызначылі ў легкаатлетычнай эстафеце, настольным тэнісе, скачках у даўжыню з месца, кіданні мяча, валейболе, дартсе. Выпрабаванні былі як каманднымі, так і індывідуальнымі.
Удзельнікі каманды-пераможцы лічаць, што абыйсці супернікаў ім дазволіў моцны камандны дух і ўпэўненасць у сваіх сілах.
Маргарыта Сяргеева,
журналіст Брэсцкага абласнога цэнтра гігіены,
эпідэміялогіі і грамадскага здароўя.