Беларусы гатуюць з бульбы не толькі дранікі. Сёння прапануем пазнаёміцца з такой цікавай беларускай стравай, як цыбрыкі.
Гэта нешта накшталт смажаных клёцак з бульбы. Яны атрымліваюцца настолькі смачнымі і апетытнымі, што з'ядаюцца проста імгненна. Для іх гатавання вам спатрэбіцца толькі бульба, пару дробак солі, пару лыжак мукі і алей, каб іх абсмажыць.
Рэцэпт цыбрыкаў прапануе блогер і гападыня харчэўні ў Тураве Алена Браніславаўна.
Інгрэдыенты
- Бульба
- Соль
- Мука для паніроўкі
- Алей для абсмажвання
Для соуса
- Смятана
- Часнок
- Кроп
- Соль
Спосаб прыгатавання
Бульбу пачысціць і надзерці на дробнай тарцы.
Адціснуць пры дапамозе марлі сок.
Сок не выліваць, даць адстаяцца крухмалу. Злучыць крухмал з бульбай.
Цеста пасаліць і сфарміраваць кулькі велічынёй з грэцкі арэх.
Запаніраваць у муцэ.
Абсмажыць у алеі да румянай скарынкі.
Выкласці на папяровы ручнік.
Для соўса злучыць смятану, кроп, часнок.
Смачна есці!
Грачанікі. Пакрокавы рэцэпт