Традыцыйна калдуны гатуюць з мучнога цеста, у якое «запячатваецца» самае разнастайнае начынне. Па адной версіі, такі спосаб падрыхтоўкі мог прыйсці на беларускія землі з Захаду, а назва — ад лацінскага слова calduna.
Па іншай версіі, падобную страву прывезлі з Усходу татары, якія аселі тут у часы князя Вітаўта. Аднак сёння ўжо цяжка вызначыць, хто быў першым, тым больш што «сваякі» калдуноў ёсць у розных кухнях свету: пельмені, варэнікі, равіолі, манты, хінкалі…
І, вядома, беларускія калдуны маюць свае асаблівасці, тонкасці прыгатавання, унікальныя мясцовыя варыяцыі рэцэптаў і незвычайныя спалучэнні інгрэдыентаў.
Па спосабах гатавання калдуны — адна з тых страў, якая можа быць рознай па гусце пры адным і тым жа складзе: іх вараць, запякаюць, пякуць на патэльні ці ў вялікай колькасці алею.
Напрыклад, "палескія калдуны" з начыннем з рыбы з яйкам і зелянінай прынята гатаваць менавіта ў фрыцюры.
Блогер і гаспадыня харчэўні ў старажытным Тураве Алена Браніславаўна часта частуе сваіх гасцей смачнымі калдунамі, рэцэптам якіх падзялілася і з намі.
Інгрэдыенты
Для цеста
- Бульба
- Цыбуля
- Мука 1-2 лыжкі
- Соль
Для начыння
- Фарш (па гусце)
- Цыбуля
- Соль
- Спецыі
Спосаб прыгатавання
Бульбу пачысціць і патараваць на дробнай тарцы. Калі ваша бульба вадзяністая, можна зліць залішнюю вадкасць.
Дадаць муку, пасаліць па гусце.
Цыбулю для фарша дробна пакрышыць, прыправіць фарш спецыямі.
Патэльню з алеяй добра разагрэць. Выкласці бульбяное цеста ў выглядзе аладак па дзве лыжкі.
Зверху выкладваем фарш.
На фарш зноў выкладваем слой бульбы.
Абсмажваем з усіх бакоў да гатоўнасці на невялікім агні.
Падавайце на стол са смятанай.
Смачна есці!
https://bel.24health.by/strava-yakuyu-gatuyuc-u-roznyx-myastechkax-belarusi-recept-duxmyanaj-bulbyanoj-kaubasy/