22 чэрвеня ў Беларусі адзначаецца Дзень памяці і смутку ў сувязі з пачаткам Вялікай Айчыннай вайны.
У гэты дзень у 1941 годзе фашысцкая Германія без аб'яўлення вайны напала на СССР. Былі нанесены авіяўдары па аэрадромах, чыгуначных вузлах, ваенна-марскіх базах.
У пачатку 1943 года савецкія войскі перахапілі ініцыятыву і перайшлі ў наступ. Гэта вайна працягнулася 1418 дзён і скончылася 9 мая 1945 года разгромам фашысцкай Германіі.
Сёлета 22 чэрвеня з Брэста па гарадах Беларусі і Расіі адпраўляецца «Цягнік Памяці». Гэтага цягніка няма ў раскладзе, але сустракаюць і праводзяць яго вельмі ўрачыста сотні людзей.
Маршрут «Цягнік Памяці» пройдзе па 14 гарадах Расіі і Беларусі. Удзельнікі маршрута наведаюць знакавыя месцы Гродна, Жлобіна, Магілёва, Полацка, Мінска, Санкт-Пецярбурга, Уфы, Самары, Масквы, Тулы і Валгаграда. Яго ўдзельнікамі сёлета сталі 200 хлопчыкаў і дзяўчынак не толькі з Расіі і Беларусі, але і з Арменіі і Кыргызстана.
Даваць старт праекту менавіта ў Брэсце — ужо традыцыя. Менавіта гэты горад стаў адным з першых, на які 22 чэрвеня абрынуўся вераломны ўдар фашысцкай Германіі.
https://bel.24health.by/pra-shto-maryla-ix-serca-vystauku-mastakou-frantavikou-adkryli-u-galerei-imya-leanida-shchamyalyova/