Хала — гэта традыцыйны яўрэйскі святочны хлеб. Смачная дражджавая здоба выдатна падыходзіць не толькі для свят, але і ў якасці лёгкага перакусу з малаком ці з джэмам на дэсерт да чаю.
У цеста для халы можна дадаць разынкі, а перад выпечкай у духоўцы халу можна пасыпаць кунжутным семем, семечкамі або макам. Асабліва смачна есці халу з маслам. Дарэчы, хала — выдатны падарунак для вашых гасцей.
Рэцэпт выпечкі прапануе блогер і гаспадыня харчэўні ў Тураве Алена Браніславаўна.
Інгрэдыенты
- Мука — 500 гр.
- Вада цёплая — 200 гр.
- Цукар — 50 гр.
- Соль — 5 гр.
- Алей — 50 гр.
- Дрожджы свежыя — 12 гр.
- Адно яйка + адзін жаўток
- Бялок для змазвання
- Па жаданню кунжут, мак
Спосаб прыгатавання
У вялікую міску адправіць яйка, жаўток, алей, ваду.
Узбіць міксерам да з’яўлення пены.
Дадаць усе астатнія інгрэдыенты. Мукі можа спатрэбіцца трохі больш альбо трошкі меньш.
Замясць мяккае, гладкае цеста.
Пакласьці ў змазаную алеем міску, накрыць ручніком і пакінуць на бражэнне ў цяпле да павелічэння цеста ўдвая.
Выбражанае цеста абмяць і раздзяліць на две роўныя часткі.
Кожны кавалак падзяліць на тры або чатыры роўныя часткі . Сфарміруйце з іх кулькі, пакіньце адляжацца на 5 хвілін.
Кожную кульку раскатайце ў тонкі пласт і звярніце.
На стале без мукі раскатайце 4 жгуты.
Потым пасыпце стол мукой і пракатайце па ёй жгуты , для таго , как пры фармоўцы яны не зліпліся.
Пакладзіце жгуты паралельна адзін аднаму , сашчапіце із зверху і запляціце касу.
Пакіньце на растойку пад плёнкай у цяпле да павялічэння ў два разы. Змажце бялком. Выпякайце пря 180 градусах 30 хвілін.
Смачна есці!
