Наш час вельмі адметны на разнастайнасць. Яна ёсць ува ўсім: жыцці, працы, адзенні, ежы, і ў мастацтве таксама ёсць. Але ці можа быць разнастайнасць роўнай індывідуальнасці? Вядома, не. Каб знайсці сваё, часцяком неабходна «паўсвета прайсці». У мастацтве ўвогуле ўсё складана: мы рэагуем не проста на малюнак, і сюжэт, мы рэагуем на падтэксты. І калі ўнутранае і знешняе супала, гэта і ёсць індывідуальнасць.
Калі казаць пра незвычайнасць і ўнікальнасць стылю віцебскага мастака Піліпа Кузьмічова, тут можна даверыцца інтуіцыі. Аўтар за кошт цікавага яму мінімалізму дасягае самых розных мэт: адлюстроўвае рэальнасць, правакуе мастацкі працяг, пачынае камунікацыю з гледачом… Калі не верыце, самі можаце ўбачыць у мастацкай прасторы «Арт-фабрыка». Там зараз прадстаўлены праект мастака «Правілы сыравараў».
Палотны Піліпа Кульмічова глыбока метафарычныя і напоўнены сімвалізмам. Ён звяртаецца да стылізацыі і мінімалізму ў дэталях, ствараючы часам вобразны адцягнены пейзаж-рэфлексію, а часамі партрэт-алегорыю.
Значную частку сярод работ мастака займаюць краявіды. І гэта невыпадкова. Загарадны ландшафт ці выгляд горада трансфармуюцца на палотнах творцы ў адлюстраванне яго настрою, роздумаў, унутранага стану душы. Павышаны лірызм і паэтычнасць спалучаюцца у іх з філасофскай сузіральнасцю.
Не гледзячы на свой мастацкі поспех, Піліп Кузьмічоў дастаткова сціплы чалавек. Таму шмат пра сваю дзейнасць не расказвае, толькі заінтрыгоўвае пэўнымі дэталямі. Напрыклад, аўтар, хоць і вельмі любіць пейзажы, ніколі не адмаўляецца пісаць вобраз чалавека, знайшоўшы ў ім пэўную цікавасць. Калі персанаж чапляе, калі ў яго ёсць гісторыя, з'яўляецца цёплае пачуццё, і зусім не важна кім ён працуе, і чым ён заняты. Унутры масака нешта пачынае варушыцца – з’яўляецца нейкі «чужы», якога трэба выпусціць з палону.
Асобным персанажам у работах Піліпа з’яўляецца колер. Нетыповыя злучэнні аденняў, рамантычныя і нават меланхалічныя тоны, разам такі сінтэз робіць карціны кінематаграфічнымі.
На выстаўцы карціны мастака напоўнены спакойнымі разважаннямі і ўспамінамі, невыразнымі і інтуітыўнымі, быццам кавалкі сноў.
https://bel.24health.by/lukas-u-belarusi-u-prastory-zal-2-adkryli-vystauku-suvyazi/