Слойкі з карыцай — хрумсткая салодкая выпечка з непаўторным водарам. Гэты пачастунак стане лепшым варыянтам для падачы да гарачай какавы ці капучына. Апетытныя слойкі ацэняць усе каваманы і ласуны за вашым сталом. Пачастунак можна дапоўніць рэзкай ваніллю, цукровай пудрай ці горкім цёртым шакаладам.
Рэцэпт слоенага цеста вельмі просты, і атрымаецца ў кожнага. Калі няма часу, то можна набыць цеста ў краме, але хатняе цеста атрымліваецца далікатным і смачным. Слойкі з карыцай па восеньскім рэцэпце нададуць вам атмасферу ў хаце і не пакінуць абыякавымі вашых блізкіх.
Інгрэдыенты
Прыкладна на 9-12 слоек
Цеста:
- Сухія дрожджы — 5 гр.
- Малако — 150 мл.
- Цукар — 2-3 ст.л.
- Мука пшанічная — 280 г + 2-3 ст.л.
- Яйкі — 1 шт
- Сланечнікавы алей (можна аліўкавы) — 35 мл.
Начынне:
- Цукар — 60 гр.
- Молатая карыца —10 гр.
- Сметанковы алей або маргарын — 30-60 гр. (для змазвання выпечкі)
- Жаўток — 1 шт. (для змазвання выпечкі)
Спосаб прыгатавання
Гатуем рошчыну. Для гэтага падаграваем у мікрахвалеўцы малако, каб яно было цёплае.
Змешваем дрожджы з цёплым малаком, дадаем 2-3 ст.л. цукру і 2,5 лыжкі мукі.
Пакрываем плёнкай, і ставім у цёплае месца на 15 хвілін. Можна паставіць побач з плітой.
Дастаём наша цеста, якое ўжо паднялася. І дадаем яйка, сланечнікавы алей, муку і змешваем.
Праз гадзіну дастаем цеста і раскочваем тонка. Перад тым, як раскочваць, пасыпаем стол мукой.
Разразаем цеста на роўныя квадраты. З такой колькасці інгрэдыентаў атрымаецца прыкладна 9-12 слоек.
Гатуем начынне. Змешваем карыцу з цукрам у талерцы.
Разаграваем сметанковы алей у мікрахвалеўцы, альбо загадзя яго дастаем. Змазваем кожны кавалачак цеста.
Зверху сметанковага масла пасыпаем цеста начыннем з карыцы.
Для таго, каб у нас атрымалася сэрца, робім наступнае.
Спачатку скручваем цеста ў трубачку, прыціскаем пальцамі канец. Затым злучаем канцы трубачкі і прыціскаем. Нажом разразаем да сярэдзіны, як на малюнку і разгортваем вушкі.
Кладзём на засланую пергаментам бдяху нашы слойкі.
Узбіваем відэльцам жаўток і змазваем кожную слойку.
Адпраўляем у разагрэтую да 180 градусаў духоўку на 15-20 хвілін у залежнасці ад духоўкі.
Дастаём, даем астыць і атрымліваем асалоду ад смаку. Можна яшчэ пасыпаць цукровай пудрай.
Вельмі смачна і па-восеньску!