Зіма — цудоўны час для адпачынку. І ў гэты перыяд года можна атрымаць мноства станоўчых эмоцый і незабыўных уражанняў. Сапраўдны зімовы адпачынак у Беларусі — гэта як асобны свет.
Прырода зімой вельмі прыгожая. Паўсюль на вуліцах ляжыць белы лёгкі снег, мароз малюе на вокнах цудоўныя ўзоры, а калі выглядае сонейка, то снег на зямлі і на дрэвах блішчыць і пераліваецца нібы сотні алмазаў. Асаблівы шарм зімоваму перыяду таксама надае чаканне свят і цудаў, якія ўносіць у жыццё кожнага чалавека добры настрой.
Мы прапануем вам падборку месцаў, куды можна паехаць зімой і атрымаць вялікую асалоду ад падарожжа.
да зместуЗімовыя шпацыры на прыродзе
Зіма — гэта час блукаць па лясных сцежках, лавіць сняжынкі і шукаць сляды нябачаных звяроў. Улетку для ўз'яднання з прыродай дастаткова выбрацца на пікнік у бліжэйшы парк, зімой жа раім заехаць далей, каб лепш адчуць зімовы лес.
Белавежская пушча — адзін з самых старажытных лясоў у Еўропе, які згадваецца яшчэ ў летапісе 983 года. Сярэдні ўзрост дрэў у пушчы — 100 гадоў, але многім ясеням і хвоям больш за 300. Тут жыве самы буйны еўрапейскі звер і адзін з беларускіх сімвалаў зубр і беларускі Дзед Мароз.
Тут цудоўна проста шпацыраваць па старажытным лесе. Па пушчы пракладзены сцежкі для пешых і веласіпедных прагулак, а для лянівых ёсць экскурсіі на аўтобусе, дзе вам пакажуць галоўныя прыродныя славутасці: 600-гадовы дуб, сасну-волата і бярозу з нарастам у выглядзе галавы зубра.
Калі вам не хапае воднай стыхіі, адпраўляйся на Браслаўскія азёры. Тут можна забрацца на гару «Маяк» і медытаваць на віды, прайсціся па адной з трох экасцеж (у маршруце велізарны парк XVIII стагоддзя і гарадзішча VI стагоддзя), паглядзець на дзікіх жывёл (у вальерах або, на адмысловай экскурсіі, у дзікіх умовах) ці схадзіць на зімовую рыбалку.
Дарэчы, адначасна можна заехаць у Глыбокае ці Полацак — там таксама ёсць што паглядзець.
Нарэшце, яшчэ адзін варыянт для зімовых шпацыраў — Бярэзінскі біясферны запаведнік, якая лічыцца прыроднай тэрыторый самага высокага рангу, якая аб'ядноўвае ў сабе і лес, і рэкі, і балоты. Тут таксама не абышлося без ляснога заапарка і экалагічных сцежак, а акрамя пешых экскурсій ёсць яшчэ конныя і лыжныя.
да зместуКалі хочацца пасядзець на печы
Уцёкі з горада — гэта заўсёды добрая задума. Асабліва, калі можна паваляцца ў снезе, глядзець на агонь у каміне, парыцца ў лазні і хадзіць басанож па драўлянай падлозе. Каб адчуць увесь гэты вясковы дзэн — адпраўляйцеся ў загарадныя сядзібы і выдаленыя хутары.
Аграсядзіб у Беларусі шмат — выбірайцк у залежнасці ад размяшчэння і водгукаў, а мы параім пакуль некалькі тых, што даўно карыстаюцца попытам у беларусаў.
Аграсядзіба «Купалінка» (Брэсцкая вобл., Кобрынскі р-н, в. Кляшчы, вул. Цэнтральная, 1) У аграсядзібе тры домікі, ёсць лазня (можна нырнуць у палонку) і басейн на вуліцы, які падаграецца, можна адправіцца на прагулку ў лес.
Загарадны комплекс «Шышкі» (Мінская вобл., Уздзенскі раён, в. Загоршчына) Тут ёсць лазня на дровах, бочка з гарачай вадой, санкі і лыжы, лес вакол і драўляныя домікі, якія нагадваюць пра Скандынавію.
Таксама можна з'ехаць на Нарач — у загарадны комплекс «Малінаўка». Тут аўтэнтычныя дамы 19 стагоддзя спалучаюцца з прыгожымі дызайнерскімі інтэр'ерамі. На выбар гасцям прапануюць некалькі драўляных хатак. У комплексе ёсць свой рэстаранчык з традыцыйнымі беларускімі стравамі, мангал, лазня на дровах і рака па суседстве, каб пасля парнай ліха сігануць у палонку.
Вельмі цікавая аграсядзіба «Трабуцішкі» (Віцебская вобл., Пастаўскі р-н, в. Трабуцішкі) На хутары ў краі Блакітных азёр (гэта не рамантычны эпітэт, а рэальная назва) акрамянаведвання звычайнага аграсядзібнага комплексу таксама можна пакатацца на санях у конскай запрэжцы або на снегаходах. Вельмі па-зімоваму! Фішка сядзібы — кавальскі майстар-клас.
да зместуКалі захацелася пакатацца па снезе
Калі валянне на печы зусім не для вас, тады даставайце лыжы і сноўборд. Хай у Беларусі самая высокая кропка толькі трыста з лішнім метраў — гэта не перашкодзіць вам добра пакатацца.
Адпраўцеся ў «Сонечную даліну». Калі вы не самы дасведчаны сноўбардыст ці лыжнік, раім пачаць з малога — не выязджайце за горад. У «Сонечнай даліне» ёсць асноўны і навучальныя схілы, невялікая рампа, а для самых лянівых катальшчыкаў – цюбінгі.
Добры адпачынак таксама можа быць у Лагойску. Гэта наступны ўзровень беларускага катальшчыка. Пяць схілаў і адзін навучальны, якія па пятніцах і суботах працуюць да дзвюх ночы. Ёсць пракат любога абсталявання, цюбінгі, пейнтбол, зімовая рыбалка і, вядома, лазня. Калі вырашыце падысці да пытання сур'ёзна, можна нават запісацца ў гарналыжную школу.
Пасля того, як падвучыцеся, варта наведаць «Сілічы». Праедзьце яшчэ ледзь-ледзь па трасе М3 і трапіце ў месца ўсіх лыжнікаў Беларусі. І не дзіўна: тут самыя прыстойныя схілы (чатыры), сноўпарк, хаф-пайп, трампліны (на тры апошнія ўваход толькі ў шлеме). Для пачаткоўцаў ёсць навучальная траса.
да зместуДля жадаючых пакатацца на каньках
Калі хочацца як у рамантычных фільмах пракаціцца на адкрытым катку пад знакамітую песню Фрэнка Сінатры, а пасля актыўнага адпачынку выпіць гарачага шакаладу, гэтыя месцы менавіта для вас.
Самы просты варыянт — зайсці на Нямігу, дзе на ўсю моц працуе каток. За выдатнае месцазнаходжанне давядзецца плаціць — людзей тут звычайна многа.
Яшчэ адзін варыянт «Чыжоўка Арэна». Прасторны каток з люстраным пакрыццём і шмат крам для камфортнага адпачынку
Вельмі прыемна заехаць у Раўбічы. Калі ў вас ёсць магчымасць выехаць за горад, то зрабіце гэта неадкладна: у Раўбічах можна не толькі пакатацца на катку з ідэальным пакрыццём, але і пагуляць па зімовым лесе, зазірнуць у царкву. Дарэчы, калі вырашылі ехаць у Раўбічы з канькамі, патэлефануй загадзя — час сеансаў пастаянна мяняецца, масавыя катанні праходзяць толькі ў выхадныя.
да зместуДля тых, хто марыць вярнуцца ў дзяцінства
Дзеці - гэта добрая нагода задаволіць і сабе вяртанне ў дзяцінства.
Напрыклад, можна сустрэцца з Дзедам Марозам - на яго тэрыторыі. Рэзідэнцый па Беларусі – вялікае мноства, ёсць нават савецкія. Але класіка жанру — рэзідэнцыя ў Белавежскай пушчы, у цэнтры якой 11-метровая навагодняя ялінка. Тут жа дом снягуркі, паляна 12-ці месяцаў. Калі дзіця любіць звяркоў, тут ёсць Музей прыроды з вальерамі.
Яшчэ адна ідэя для таго, каб прыгожа ўварвацца ў Новы год — святочны «Навагодні экспрэс», дзе на вясёлым цягніку можна будзе пракаціцца на лясную паляну разам з казачнымі персанажамі.
да зместуЗапланаваць незвычайнае
Зіма можа стаць нядрэнным часам зрабіць нешта незвычайнае: выбраць для цябе некалькі прыемных актыўнасцяў, якія сапраўды дапамогуць перажыць шэрыя зімовыя дні.
Напрыклад, пакатацца на хаскі. У Мінску можна з ветрыкам пракаціцца на сабачай запрэжцы .Тры хаскі, два пасажыры, гадзіна катання (10 кругоў), а потым можна колькі заўгодна ціскаць чароўных блакітнавокіх сабак.
Пакатацца на квадрацыклах. Гэта асаблівы выкід адрэналіну і зусім іншыя хуткасці.
Скаціцца з гары ў шары. Зорбінг – гэта катанне ў вялізных празрыстых шарах. Катацца на іх можна з горак, па роўнай паверхні ці па вадзе. Калі вы ніколі не скардзіліся на вестыбюлярны апарат — варта паспрабаваць.
Шчаслівых святаў!
Святы Мікалай, Дзед Мароз, Зюзя … Падрабязна пра адрозненні зімовых чараўнікоў
