Сёння, 25 кастрычніка, ва ўсім свеце адзначаюць Дзень макарон. Гісторыя свята пачалася ў 1995 годзе. Тады ўдзельнікі кангрэса вытворцаў пасты, які праходзіў у Італіі, вырашылі заснаваць асобны дзень у годзе для гэтай падзеі.
Штогод свята аб'ядноўвае аматараў прадукта з усяго свету і прапагандуе разнастайнасць яго формаў. Асаблівую ўвагу надаюць культурным аспектам кулінарыі. У свеце існуе больш за 600 разнавіднасцяў макаронных вырабаў і дзясяткі спосабаў іх прыгатавання.
Аднак, якія макароны насамрэч з’яўляюцца карыснымі, і як правільна іх выбіраць у краме і гатаваць без шкоды для фігуры, давайце разбірацца.
да зместуЯкія макароны самыя карысныя?
Самымі карыснымі і якаснымі лічацца макароны з цвёрдых гатункаў пшаніцы. Уся справа ў рознай вугляроднай структуры цвёрдай і мяккай пшаніцы. У цвёрдых зёлкавых культурах змяшчаецца крышталічны крухмал, а ў мяккіх — крухмал мае аморфную форму. У працэсе перамолу зерня цвёрдай пшаніцы ў муцэ застаюцца ўсе карысныя мінеральныя рэчывы, вітаміны групы В, Е, РР і трыптафан — амінакіслата. Пасля перамолу мяккіх зёлкавых — у іх складзе не застаецца практычна нічога, акрамя крухмалу і клейкавіны, якія з'яўляюцца прычынамі лішніх кілаграмаў.
Карысць макаронаў з цвёрдых гатункаў пшаніцы відавочная. У такіх вырабах захоўваецца жалеза, марганец, калій, фосфар, клятчатка прыроднага паходжання і менш за 1% тлушчу.
да зместуВыбіраемы макароны правільна
Макаронныя вырабы з мяккіх гатункаў пшаніцы лёгка адрозніць, дзякуючы свайму ненатуральна яркаму колеру і падвышанай ломкасці. Якасныя макароны з цвёрдых гатункаў пшаніцы часцей за ўсё маюць залацісна-жоўты ці крэмавы колер, з ледзь прыкметнымі цёмнымі ўкрапінамі. Гэтыя кропачкі гавораць аб прысутнасці ў макаронах мукі грубага памолу. Калі адценне набытых вамі макаронаў практычна белае ці шэрае, ведайце: падчас вырабу дадзенага прадукта выкарыстоўвалася мука нізкай якасці, а ненатуральна-жоўтая афарбоўка кажа аб хімічных фарбавальніках.
Пры варэнні якасны прадукт не разварваецца і не развальваецца, а вада пасля прыгатавання застаецца адносна празрыстай.
да зместу7 правілаў варэння макарон
Каб добра запомніць усе правілы макаронаў, лепш іх сфармуляваць. Такім чынам:
- Для варэння макаронаў вам спатрэбіцца: вялікі рондаль, друшляк, лыжка на доўгай ручцы або шчыпцы для памешвання. А таксама таймер.
- На кожныя 100 г. макарон у ідэале патрэбены 1 л. вады. Гэта значыць на пачку 500 г. — 5 літраў.
- Пастаўце рондаль з вадой на моцны агонь, давядзіце да бурнага кіпення і пасаліце. На кожныя 100 г. пасты — 1 чайная лыжка солі.
- Пакладзіце макароны ў кіпень і пасаліце. Пакіньце на моцным агні да закіпання. Першыя 2 хвіліны памешвайце, каб яны не прыліплі да дна.
- Як толькі вада закіпіць — уключайце таймер. Варыце столькі хвілін, колькі напісана на пакаванні
- Загадзя падрыхтуйце друшляк (пастаўце ў ракавіну). Як толькі загучыць таймер, адкіньце макароны на друшляк, дайце сцячы вадзе. І адразу ж змяшайце з падліўкай або раскладзіце па талерках.
Каму нельга есці макароны?
Жанчынам на позніх тэрмінах цяжарнасці не рэкамендуюць макароны наогул — яны могуць выклікаць запоры. На ранніх — дазволеныя вырабы з цвёрдых гатункаў. Падчас кармлення груддзю трэба пачынаць уводзіць макароны ў рацыён паступова, не больш за 60 гр. у дзень.
Пры гастрыце і панкрэатыце макароны не забаронены, але важна зважаць увагу на тое, з чым іх есці — напрыклад, у пасце не павінна быць вострай і занадта тлустай падліўкі. Пры язве макароны можна есці толькі моцна разваранымі, сярэдняй тэмпературы і без вялікай колькасці соусаў і солі.
Пры дыябеце макароны з мяккіх гатункаў пшаніцы пад поўнай забаронай, некаторыя з цвёрдых гатункаў можна, але пры карэктаванні доз інсуліну і маленькімі порцыямі.
да зместуЦікавыя «макаронныя» факты
- Разнавіднасць макаронаў пад назвай «спагецці» з'явілася ў 1842 годзе.
- Слова «макароны» вядома з XIII стагоддзя. Музей спагецці ў Італіі захоўвае сярэднявечны дакумент са згадваннем стравы «макароніс», датаваны 1279 годам.
- Хоць самы знакаміты музей у гонар макаронаў знаходзіцца ў Італіі, аднак гісторыкі сцвярджаюць, што ўпершыню гэты прадукт з'явіўся ў Кітаі.