Няма часу гатаваць сытны і карысны сняданак? Зрабіце сэндвіч! Калі набыць правільныя інгрэдыенты, ён атрымаецца смачным і такім жа багатым пажыўнымі рэчывамі, як і каша. Акрамя таго, сэндвічы зручна браць з сабой, каб перакусіць пазней ці ў дарозе.
3 лістапада, у Сусветны дзень сэндвіча, прапануем вам простыя і хуткія рэцэпты смачнага сняданку.
да зместуЖытнія сэндвічы з сырам, авакада і травяным соусам
Інгрэдыенты
- 1 авакада
- 100 гр. сметанковага сыра
- 50 гр. нятлустага цвёрдага сыра
- 50 гр. казінага сыра
- некалькі лустачак жытняга хлеба
- лісце шпінату
- зеляніна (па смаку)
Спосаб прыгатавання
Для соуса зеляніну трэба дробна пасекчы і змяшаць са сметанковым сырам. Атрыманай масай раўнамерна змазаць кожную лустачку хлеба.
Наразаць цвёрды і казіны сыр. Авакада разрэзаць напалову і выдаліць костачку. Мякаць нарэзаць.
Сабраць сэндвічы. На лустачкі хлеба з соусам пакласці лісце шпінату, авакада, цвёрды сыр і казіны. Накрыць астатнямі лустачкамі.
да зместуСэндвічы з бурачным хумусам
Інгрэдыенты
Для хумуса
- 1 бурак
- 150 гр. белай фасолі
- 2 зубчыка часнаку
- 50 мл. аліўкавага алею
- соль, перац
Для сэндвічаў
- 1 агурок
- 1 чырвоны балгарскі перац
- 1 морква
- зеляніна (па смаку)
- лустачкі цэльназерневага хлеба
Спосаб прыгатавання
Для хумуса адварыць фасолю і запекчы бурак. Ачысціць бурак ад скуры, буйна нарэзаць і змясціць у чару блэндара. Дадаць фасолю, здробнены часнок і аліўкавы алей. Пасаліць і паперчыць, а затым узбіць усё да аднастайнасці.
Агурок і перац тонка нарэзаць. Моркву надзерці.
Лустачкі хлеба змазаць прыгатаваным бурачным хумусам. Зверху выкласці гародніну і зеляніну. Накрыць пакінутымі лустачкамі.
да зместуСэндвічы з тунцом і яйкамі
Інгрэдыенты
- 1 слоік кансерваванага тунца ва ўласным соку
- 1 агурок
- 2 яйкі
- 100 гр .сыра рыкота
- 2 цэльназерневыя булачкі
- рукала ці лісце шпінату (па смаку)
- соль, перац
Спосаб прыгатавання
Яйкі зварыць укрутую, ачысціць і нарэзаць пласцінамі. Агурок нарэзаць кружочкамі. Тунец пры неабходнасці расцерці відэльцам.
Булачкі разрэзаць уздоўж і кожную лустачку змазаць рыкотай. Выкласці на булку агуркі, тунец, яйкі і зеляніну. Пасаліць і паперчыць. Накрыць астатнімі лустачкамі.
да зместуДыетычныя сэндвічы з гароднінай
Інгрэдыенты
- 100 гр. тварагу
- 1 агурок
- 1 радыска
- булачка
- зеляніна (па смаку)
Спосаб прыгатавання
Гародніну нарэзаць тонкімі кружочкамі. Зеляніну пасекчы.
Булачку змазаць тварагом. Выкласці гародніну і зеляніну.
да зместуСалодкія сэндвічы з арахісавай пастай і бананам
Інгрэдыенты
- 100 гр. замарожаных ягад
- 100 гр арахісавай пасты
- 1 банан
- лустачкі хлеба з макам ці сухафруктамі
Спосаб прыгатавання
Ягады здрабніць блэндарам у пюрэ. Бананы нарэзаць кружочкамі.
Змазаць лустачкі хлеба арахісавай пастай, выкласці банан і паліць ягадным пюрэ. Кожны бутэрброд накрыць другой палоўкай хлеба.
Чытайце яшчэ нашы смачныя рэцэпты: