Стрэс можа быць прычынай самых розных паталогій. Прайдзіце наш тэст – і даведайцеся, якім нечаканым чынам стрэс можа праявіцца праз арганізм і як не даць яму вас разбурыць.
Як зняць стрэс? Адказы і карысныя парады праз тэст
1. Даказана, што псіхаэмацыянальнае ўзрушэнне ў жанчын можа прывесці да ранняй менапаўзы, парушэнняў менструальнага цыклу. Але ці можа стрэс уплываць на рост дабраякаснай пухліны ў матцы?
А. Вядома ж, не. Інакш бы гінеколагі проста не справіліся б з патокам жанчынаў з пухлінамі.
Б. Можа. Гэта ўзаемазвязаныя працэсы.
В. Можа. Але толькі ў людзей з псіхічнымі захворваннямі.
2. Ці ўплываюць мышцы сківіцы на ўзровень стрэсавых гармонаў у крыві?
А. Не. Пры чым тут сківіца ўвогуле?
Б. Апасродкаваная псіхалагічная сувязь ёсць, нездарма існуе выраз «скрыгатаць зубамі».
В. Так. Падчас сціску сківіцы адбываецца стымуляцыя наднырачнікаў, і ў кроў выкідваецца вялікая колькасць стрэсавых гармонаў.
3. З-за перажытага і своечасова не прапрацаванага моцнага стрэсу могуць узнікаць панічныя атакі: стан моцнай трывогі, ажно да страху смерці, страта арыентацыі ў прасторы. Што рабіць падчас прыступу?
А. Спрабаваць супакоіцца самастойна, бо ад панічных нападаў не паміраюць, і прыступ праходзіць праз некалькі хвілін.
Б. Тэрмінова выклікаць «хуткую».
В. Клікаць на дапамогу людзей.
4. Энурэз у дзяцей вельмі часта ўзнікае з-за псіхатраўмуючай сітуацыі. Так дзіця можа зрэагаваць на моцны спалох, канфлікты ў сям'і, жорсткае выхаванне, нараджэнне брата альбо сястры. Як рэагаваць бацькам у такой сітуацыі?
А. Сказаць: «Ты ж ужо вялікі, можаш сябе кантраляваць».
Б. Не сарамаціць, а супакоіць: бывае, пройдзе. І паспрабаваць зразумець, што магло справакаваць нетрыманне мачы ў дзіцяці.
В. Не звяртаць увагі.
5. Калі вакол трывожная абстаноўка, стужка навінаў мільгае сцэнамі гвалту, трэба рэсурсы для аднаўлення псіхікі. Што з ніжэйпералічанага НЕ варта рабіць, каб «скінуць стрэс».
А. Заняцца сілавымі трэніроўкамі – пад'ём цяжараў здыме груз з душы.
Б. Абмежаваць чытанне навінаў, замяніць іх на аналітычны разбор падзей альбо апасродкаваны аповед іншага чалавека.
В. Разняволіць цела: басейн, масаж.
https://bel.24health.by/ci-mozhna-zabycca-na-cyazhkiya-emocyi-kab-zrabilasya-lyagchej-test/
