За акном практычна лета, а гэта значыць, што надышла пара дзьмухаўцоў, дзіцячых пясочніц, марожанага і іншых цікавых рэчаў і падзей, якія пакідаюць плямы на адзенні і абутку нашым і нашых дзяцей.
Блогерка з Гродна Ганна Бурак — прафесіянал па лайфхаках, як змагацца з рознага роду забруджваннямі. Яна падзялілася з намі асабістымі знаходкамі, якія дапамогуць выратаваць ваша адзенне ад нечаканых плямістых «сюрпрызаў»:
Як адмыць любыя плямы з тканіны
Спрабуем стары бабулін спосаб, які заўсёды працуе. І нават старыя дзіцячыя рэчы ім можна прывесці да жыцця.
Патрэбна
- 0,5 шк сухога пральнага парашка
- 1 ст л плямавыводніка
- 1 ст л сланечнікавага алею
- 2-3 літры кіпеню
Замочваем адзенне на 5-10 гадзін у глыбокай ёмістасці ( у залежнасці ад плям)
Сціраем у пральніцы
Як адмыць пляму ад дзьмухаўца
Вельмі актуальна зараз, ці не так? Насамрэч, усё прасцей, чым вы думаеце.
Нам спатрэбіцца любы аловак-плямавыводнік.
Наносім на пляму, яна раствараецца на вачах.
Можна пакінуць на 5-10 хвілін. Пасля спалоскваем рэшткі.
Як пачысціць белы абутак
Самы незвычаны спосаб.
Патрэбна
- 1 ст л харчовай соды
- 1 ст л зубной пасты
- 1 ст л любога сродку для мыцця посуду
Змешваем. Зубной шчоткай наносім крэм і чысцім абутак.
Рэшткі праціраем вільготнай анучкай.
Калі абутак цалкам у плямах, змяшайце ў роўнай прапорцыі вадкі парашок і адбельвальнік або пятнавыводнік, нанясіце на абутак і пакіньце на 15-20 хвілін. Далей пачысціце зубной шчоткай.
Сцірайце абутак ад рэштак сродку на рэжыме спартыўны абутак альбо спартыўная адзенне.
Лайфхак: абавязкова пакладзеце да абутку ў барабан нешта мяккае —маленькі кілімок або ручнік.
Што рабіць, калі набытыя прадукты няякасныя? Памятка спажыўцу пры набыцці харчовых тавараў
