Калі пюрэ не выклікае радасці, а дранікі ўжо прыеліся, бульбяныя пончыкі — гэта як раз тая страва, якая дапаможа ацаніць зусім іншы смак бульбы. Менавіта так разважаюць гаспадыні, калі жадаюць прыгатаваць што-небудзь небанальнае на вячэру.
Паветраныя пончыкі ацэняць нават тыя, хто не можа глядзець на пюрэ, а дранікі не выклікаюць асаблівага захаплення. Гатовую страву падаюць да стала са смятанай, зелянінай ці любімай падліўкай.
Пакрокавы рэцэпт прапануе блогер і гаспадыня харчэўні ў Тураве Алена Браніславаўна.
Інгрэдыенты
- 400 гр. адварной бульбы
- 300 гр. адвару, у якім варылася бульба
- 20 гр. свежых дрожджаў
- 500-600 гр. мукі
- Соль — 1 ч.л
- Цукар — 2 ст.л
- Алей — 2 ст.л.
- Яйкі — 1 цэлае, альбо 2 жаўткі
Спосаб прыгатавання
Бульбу добра патаўчы, каб не было камякоў, змяшаць з гарачым адварам і астудзіць да цёплага стану.
Дадаць дрожджы, добра размяшаць і дадаць усе астаінія інгрэдыенты, акрамя мукі.
Муку дадаваць паступова, каб атрымалася мяккае цеста. Добра замясіць, але цеста будзе злёгку ліпнуць да рук. Пакласці ў змазаную алеем міску на браджэнне на 40 хвілін ці да павелічэння цеста ў 2-3 разы.
Цеста атрымаецца вельмі мяккім.
Дошку трэба змазаць алеем, выкуліць на яе цеста, трохі яго абмяць і змазанымі алеем рукамі падзяліць на невялікія кавалачкі.
Абсмажыць у гарачым алеі з двух бакоў да румянай скарынкі.
Падаваць са смятанай і халодным малаком.
Смачна есці!
