04.08.2023
04.08.2023

Баклажаны ў марынадзе. Пакрокавы рэцэпт

logo
Рэцэпты
0
Памер шрыфта:
  • A
  • A
  • A

Баклажан — летняя гародніна: яго з'яўленне на рынках і прылаўках крам — нібы сігнал да пачатку сезону найсмачнейшых і простых страў: салянак, рататуяў, ікры.

Баклажаны багатыя вітамінамі групы В. У іх шмат бэта-каратыну, ёсць вітаміны А, Е, К і С. Гэта гародніна — сапраўднае сховішча карыснага для сэрца калію, а таксама кальцыя, магнію і фосфару. Ёсць у іх натрый, жалеза, крыху цынку. Але больш за ўсё ў гэтай яркай гародніне крэмнія.

Гаспадыні гатуюць баклажаны абсалютна па-рознаму: салодкімі, кіслымі, вострымі. Блогер і гаспадыня харчэўні ў Тураве Алена Браніславаўна прапануе свой рэцэпт марынаванай гародніны.

Інгрэдыенты 2

Інгрэдыенты

  • Баклажаны
  • Цыбуля
  • Часнок
  • Вада халодная — 200 гр.
  • Соль — 2 ст. л.
  • Воцат 9% — 70 гр.
  • Алея для абсмажвання

Спосаб прыгатавання

Баклажаны памыць і парэзаць на кавалачкі, таўшчынёй каля 1-1,5 см..

Вымочваць баклажаны не трэба. Адразу абсмажваем злёгку на алеі з двух бакоў.

 

Цыбулю наразаем тонкімі паўколамі, часнок тонкімі палоскамі.

Зрабіць марынад з вады, солі і воцату. Будзе здавацца, што ён вельмі кіслы. Не турбуйцеся, так трэба.

Марынад для баклажанаў

Варыць марынад не трэба!

У посуд пластамі выкладваем спачатку баклажаны, потым цыбулю, часнок і так да самага верху.

Заліваем марынадам, ставім пад гнёт і пакідаем у халодным месцы на 24 гадзіны.

Гатова, можна паспрабаваць!

Гэтая страва падыходзіць да мяса, бульбы, шашлыка. Захоўвайце баклажаны ў холадзе.

Баклажаны ў марынадзе

Можна іх закатаць на зіму. Для гэтага складзіце ў чыстыя слоікі баклажаны з цыбуляй, расол пракіпяціце. Заліце гарачы расол у слоікі, пастэрылізуйце іх 10 хвілін, закатайце.

Смачна есці!

Духмяная лазання з кабачкоў. Пакрокавы рэцэпт

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0

Блогер і гаспадыня харчэўні ў старажытным Тураве. Чалавек, які ведае ўсё пра беларускую кухню і нават больш.