25.08.2023
25.08.2023

Бананавы кекс. Пакрокавы рэцэпт

logo
Рэцэпты
0
Памер шрыфта:
  • A
  • A
  • A

Нават людзі, абыякавыя да выпечкі, рэдка могуць выстаяць перад бананавым кексам. А ўсё таму, што ён атрымліваецца вельмі смачным, далікатным, а ў дадатак — карысным. Выбірайце саспелыя мяккія бананы, але памятайце, што яны салодкія самі па сабе, так што асцярожна дадавайце цукар ці падсалодвальнікі.

Прапануем вам рэцэпт блогера і гаспадыні харчэўні ў Тураве Алены Браніславаўны.

Інгрэдыенты

Інгрэдыенты

Бананы (абавязкова саспелыя ) — 300 гр.

Мука пшанічная — 130 гр.

Цукар — 150 гр. (альбо па смаку)

Масла сметанковае — 120 гр.

Яйка — 1 шт.

Какава — 50 гр.

Сода — 1 ч. л. (не гасіць)

Карыца — 1 ч.л.

Соль — дробка

Шакалад — (па жаданню)

Спосаб прыгатавання

Бананы

Бананы бярыце як мага чарнейшыя, яны маюць моцны водар. Абчысціце і патаўчыце на пюрэ.

Пюрэ х банана

Масла растапіць і дадаць да бананавага пюрэ.

Далей узбіць яйка і перамяшаць добра (не ўзбіваць).

Яйка для кекса

Дадаць цукар.

Цукар

У місцы злучыць астатнія сыпучыя інгрэдыенты і усыпаць у бананавае пюрэ.

Бананавае пюрэ

Замясіць цеста кансістэнцыі густой смятаны.

Кансістэнцыя густой смятаны

Па жаданні плітку шакаладу парубіць нажом на кавалачкі.

Форму ( у аўтара 25/10 ) змазаць маслам альбо засцяліць пергаментам. Выліць цеста ў форму, параўняць лапаткай.

Выпякаць пры 170 градусах 50-60 хвілін (праверыць калыпком, кекс павінен быць сухім).

Бананавы кекс 6

Пасля выпякання кекс пакінуць у форме да астывання.

Кекс бананавы 5

Па жаданні ўпрыгожыць цукровай пудрай.

Бананавы кекс 6

Смачна есці!

Універсальны прадукт. Як з кабачка прыгатаваць шакаладны пірог і рулет з тварожным сырам

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0

Блогер і гаспадыня харчэўні ў старажытным Тураве. Чалавек, які ведае ўсё пра беларускую кухню і нават больш.