Беларускае ці імпартнае? 9 асноўных пытанняў пра «гіялуронку» ў сустаў

Здароўе дарослых

0 24

Аўтар:

Святлана Стахоўская

Памер шрыфта:

Як зразумець, што суставы неабходна падсілкаваць гіялуронавай кіслатой? Як праходзіць сама працэдура? Хто яе павінен выконваць? Як граматна падабраць прэпарат гіялуронавай кіслаты для ўнутрысустаўнай ін'екцыі? Ці праўда, што ўсё дарагое – якаснае, а беларускае горш за імпартнае?

Працягваем гутарку пра карысныя ўласцівасці гіялуронавай кіслаты для суставаў з Андрэем Людчыкам, траўматолагам-артапедам, дырэктарам кампаніі «ГіялСін Тэхналоджы», якая спецыялізуецца на распрацоўцы і выпуску прэпаратаў гіялуронавай кіслаты.

1. Як зразумець, што суставу паказаная ін'екцыя гіялуронавай кіслаты?

Колькі можна трываць боль у суставе? Некаторыя жывуць з ім гадамі і не звяртаюцца па медыцынскую дапамогу. Аднак, як правіла, ужо пасля 3-4 месяцаў інтэнсіўнага болю можна казаць пра тое, што ў тканках сустава ідуць дэгенератыўныя працэсы. Паказана іх падсілкоўванне гіялуронавай кіслатой. Што, вядома, не адмяняе і іншых спадарожных мерапрыемстваў: адэкватнай фізічнай нагрузкі, збалансаванага харчавання і г.д.

Андрэй Людчык

Траўматолаг-артапед, дырэктар кампаніі «ГіялСін Тэхналоджы»

Часцяком скаргі пацыента пачынаюцца задоўга да звароту да ўрача. Самы просты спосаб пазбавіцца ад іх – абязбольвальныя таблеткі. І толькі тады, калі чалавек разумее, што яны не вырашаюць праблему, ён гатовы да больш адказнага лячэння. Як правіла, апісаць характар болю чалавеку, не звязанаму з медыцынай, складана. Таму ўрачу трэба вызначыць, якога роду прычыны прывялі пацыента да гэтага стану. Калі гэта, да прыкладу, сасудзістая недастатковасць, дык фізіялагічныя працэсы можна аднавіць больш простымі стымулюючымі спосабамі (гімнастыка, масаж, ванначкі). На жаль, статыстыка кажа пра тое, што людзі часцей за ўсё пражываюць гэты этап без дактароў. Прыходзяць тады, калі пачынаюцца працэсы разбурэння ў суставе. Самы эфектыўны спосаб падсілкаваць тканкі – лакальнае набліжэнне рэчываў, якія сілкуюць, непасрэдна ў зону паражэння. Г.зн. увядзенне гіялуронавай кіслаты ін'екцыйна. Для гэтага робіцца абколванне сустава.

2. Ці ёсць супрацьпаказанні?

Любыя запаленчыя працэсы ў арганізме ў актыўнай фазе (прастуда, скурныя хваробы, нават карыес і інш.) будуць супрацьпаказаннем да правядзення працэдуры, бо могуць спрыяць рэактывацыі запалення.

3. Хто можа вырабляць унутрысустаўныя ін'екцыі гіялуронавай кіслаты?

Уводзіць раствор гіялуронавай кіслаты ў сустаў можа толькі ўрач, часцей за ўсё гэта траўматолаг-артапед, які валодае методыкай па ўнутрысустаўнаму ўвядзенню. Каб выключыць інфіцыраванне сустава, працэдуру выконваюць толькі ва ўмовах медустановы.

Андрэй Людчык

Траўматолаг-артапед, дырэктар кампаніі «ГіялСін Тэхналоджы»

Як правіла, гіялуранат натрыю не выклікае пабочных эфектаў. Але існуюць спажывецкія нюансы. Калі мы гаворым пра каленны сустаў, дык ёмістасць яго досыць вялікая, каб «пераварыць» не адзін, а некалькі шпрыцаў уведзенай гіялуронавай кіслаты. У выпадках, калі гаворка ідзе пра больш дробныя суставы або тыя, што доўга хварэюць (у іх утвараюцца спайкі), аб'ём шпрыца можа быць большым за поласць, у якую ўводзіцца прэпарат. Тады можа ўзнікнуць эфект распірання і болю ў суставе. Такая сітуацыя не звязаная з якасцю гіялуронавай кіслаты, толькі з няправільна абраным аб'ёмам увядзення. Яшчэ адна прычына магчымых пабочных эфектаў – увядзенне ў калясустаўныя тканкі. Адбываецца гэта часцей за ўсё тады, калі колюць усляпую, без УГД-кантролю. У абодвух выпадках пабочныя эфекты праходзяць самастойна пасля 1-2 дзён. Папярэджанні такога роду ўскладненняў – увядзенне гіялуронавай кіслаты ў сустаў пад УГД-кантролем.

4. Дзе можна выканаць працэдуру?

Магчымасць для ўвядзення гіялуронавай кіслаты ў сустаў ёсць у большасці паліклінік Мінска, у многіх камерцыйных цэнтрах, РНПЦ траўматалогіі і артапедыі, 6-й ГКБ Мінска, Мінскай абласной клінічнай бальніцы і іншых абласных і рэгіянальных лячэбных установах. Амаль усюды гэтая паслуга платная. Аднак наш эксперт упэўнены, што гэта добрая навіна. Чаму?

Андрэй Людчык

Траўматолаг-артапед, дырэктар кампаніі «ГіялСін Тэхналоджы»

Платная паслуга – гарантыя таго, што працэдура будзе выкананая ў адпаведных умовах і пад УГД-кантролем, а значыць, шанц пабочных эфектаў будзе значна ніжэйшым.

5. Ці балючая працэдура ўнутрысустаўнай ін'екцыі?

Тут давядзецца выбіраць. Увядзенне гіялуронавай кіслаты ў сам сустаў абсалютна бязбольнае. Непрыемныя адчуванні дастаўляе толькі пракол скуры. Увядзенне абязбольвальнага ўколу ўсё роўна будзе адчувальным. Цалкам можна абысціся адной толькі ўнутрысустаўнай ін'екцыяй. Болевыя адчуванні пры ёй – як і пры звычайным уколе.

6. Як паводзіць сябе адразу пасля ўколу гіялуронавай кіслаты ў сустаў?

Адразу пасля ўколу пажадана паляжаць некалькі гадзін (пры гэтым перыядычна згінаць і разгінаць канечнасць для таго, каб гель раўнамерна размеркаваўся). Калі магчымасці прылегчы няма, абмежаваць нагрузку на суставы, пажадана хаця б гадзіну знаходзіцца ў становішчы лежачы або седзячы.

7. Які перыяд лячэбнага ўздзеяння гіялуронавай кіслаты на суставы?

Працягласць уздзеяння малекулаў гіялуронавай кіслаты – ад некалькіх гадзін да сутак. Ад чаго гэта залежыць? Які перыяд лячэбнага эфекту?

Андрэй Людчык

Траўматолаг-артапед, дырэктар кампаніі «ГіялСін Тэхналоджы»

Гэтае пытанне ўвесь час стаіць на парадку дня ў вытворцаў гіялуронавай кіслаты. Яно залежыць ад тэхналагічных магчымасцяў вытворчасці і стратэгіі вытворцы. Асноўныя цэнтры біясінтэзу гіялуронавай кіслаты, як правіла, размешчаныя ў азіяцкім рэгіёне. Цана канчатковага прадукту залежыць ад якасці і характарыстык атрыманай сыравіны. Ёсць сыравіна нізкай малекулярнай вагі (да 1,5 млн дальтон), прэпараты з яе характарызуюцца тым, што ўводзіць іх трэба часцей (курс лячэння – 5 уколаў) за кошт таго, што такая кіслата вельмі хутка разбіваецца на фракцыі і выводзіцца з сінавіяльнай вадкасці, тэрмін яе ўздзеяння кароткі. Малекулы высокай малекулярнай вагі (вышэй за 2-3 млн дальтон) вылучаюцца з дапамогай дадатковых метадаў фільтрацыі. У такіх прэпаратах малекула гіялуронавай кіслаты больш доўгая, таму даўжэй будзе цыркуляваць у месцы ўвядзення прэпарата. У сувязі з гэтым курс лячэння такімі ўколамі карацейшы – 2-3 працэдуры замест 5. Тэрапеўтычны эфект курсавога лячэння прэпаратамі гіялуронавай кіслаты можа захоўвацца ад 6 месяцаў да года і больш, у залежнасці ад комплексу спадарожных лячэбна-прафілактычных працэдур.

8. Як выбраць прэпарат?

У сучасным свеце маркетынгавых гульняў цана прэпарата можа адлюстроўваць не якасць сыравіны, а добра праведзеную рэкламную кампанію. Як жа разабрацца, які прэпарат будзе якасным і пры гэтым не так моцна ўдарыць па кішэні?

Для звычайнага чалавека, які сутыкнуўся з выбарам вялікай колькасці найменняў, важнымі будуць, мабыць, такія фактары:

вартасць;
брэнд;
мінімізацыя пабочных эфектаў;
якасць прэпарата;
рэкамендацыі ўрача.

Андрэй Людчык

Траўматолаг-артапед, дырэктар кампаніі «ГіялСін Тэхналоджы»

Некаторыя людзі лічаць, што дарагі прэпарат будзе працаваць лепш, а танны не вылечыць. Іншыя ўпэўненыя, што беларускія прэпараты не дапамагаюць, а патрэбны толькі замежны. Аднак у малекулаў гіялуронавай кіслаты няма пашпарта, яны ўніверсальныя! Ролю адыгрывае не цана і не брэнд, а характарыстыка прадукта. Калі вы хочаце мець больш доўгі эфект і менш наведваць урача (а таксама паменшыць рызыку інфекцыйных ускладненняў і пабочных эфектаў ад працэдур), дык вы можаце выбіраць больш канцэнтраваныя высокамалекулярныя саставы. На першы погляд, яны каштуюць даражэй за нізкамалекулярныя, аднак за кошт таго, што курс лячэння меншы, цана ў выніку атрымліваецца ніжэйшай. Сёння мы можам смела заявіць пра тое, што пры любых варыянтах прымянення гіялуронавай кіслаты, што рэалізуюцца нашай кампаніяй, гэта будзе самы эканамічна выгадны спосаб. Больш за тое, у наступным годзе плануем зарэгістраваць прэпарат з т.зв. «сшытых» малекул гіялуронавай кіслаты.

— Працягласць курсу лячэння складзе ўсяго адзін укол. Пастаянна працуем над тым, каб зрабіць лячэбны эфект ад уздзеяння гіялуронавай кіслаты яшчэ больш значным. Супрацоўнічаем з Нацыянальнай акадэміяй навук Беларусі, РНПЦ траўматалогіі і артапедыі, 6-й гарадской клінічнай бальніцай Мінска. У працэсе клінічных выпрабаванняў вымалявалася яшчэ і камбінаваная схема. Часам пры невыразнай карціне захворвання магчымае прымяненне нізкамалекулярнага раствору гіялуронавай кіслаты. А затым, пры станоўчым водгуку арганізма, другая доза – ужо высокамалекульным прэпаратам. Гэтыя два ўколы і складаюць увесь курс лячэння. Стратэгія нашай кампаніі: «Мы добрае чужое выкарыстоўвалі для таго, каб зрабіць яго сваім і прапанаваць па даступным рэальным кошце». Якасць нашых прэпаратаў ніколькі не саступае такім жа прапановам на рынку ад замежных вытворцаў. Але кошт больш камфортны для беларусаў.

9. Як часта ўводзіць прэпарат падчас курсу лячэння?

Калі казаць пра высокаканцэнтраваны прэпарат гіялуронавай кіслаты, дык пажадана праводзіць працэдуру раз у 2-3 тыдні. Нізкамалекулярныя растворы сталым людзям можна ўводзіць раз у 10 дзён, маладым людзям – раз у тыдзень.

Эфектыўнасць лячэння сустаўнай паталогіі пры дапамозе гіялуронавай кіслаты залежыць ад шматлікіх фактараў: канцэнтрацыі прэпарата, падыходзячага часу ўвядзення, прафесіяналізму ўрача... У пагоні за якасцю часам не варта гнацца за вядомым модным брэндам. Лепей уважліва прачытаць этыкетку і інструкцыю.

захворванні апорна-рухальнага апарата15

сучасная медыцына8

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by