Смачныя дражджавыя булачкі з тонкай хрумсткай скарыначкай, прыгатаваныя з бульбянога пюрэ на раслінным алеі, атрымліваюцца мяккімі, паветранымі і нават на наступны дзень не чарсцвеюць. Для іх прыгатавання можна выкарыстоўваць самыя простыя прадукты — і духмяныя румяныя булачкі стануюць любімымі на вашым стале ў пост і не толькі!
Пакрокавы рэцэпт посных булачак прапануе блогер і гаспадыня харчэўні ў Тураве Алена Браніславаўна.
Інгрэдыенты
- Бульбяное пюрэ — 200 гр.
- Бульбяны адвар — 200 гр.
- Мука — прыкладна 400 гр.
- Цукар — 1 ст. л.
- Соль — 0,5 ч. л.
- Алей — 30 гр.
- Дрожжы свежыя — 15 гр. ( ці 5 гр. сухіх)
Для начыння
- Квашаная капуста ( альбо любое іншае начынне )
- Для змазвання: 100 гр вады , 0,5 ч.л соды
Спосаб прыгатавання
Спачатку трэба адварыць бульбу ў несалёнай вадзе. Праціснуць яе праз сіта, астудзіць. Змяшаць разам з адварам, у якім варылася бульба.
Дадаць усе інгрэдыенты акрамя мукі, добра перамяшаць.
Паступова дадаць муку, яе можа спатрэбіцца крышку больш ці меньш.
Замясіць мяккае, злёгку ліпкае цеста.
Паставіць на бражэнне на 1- 1,5 гадзін.
Цеста павінна падняцца і павялічыцца ў два разы.
Раздзяліць цеста на 8-10 кавалачкаў, падкатаць і пакінуць на 5 хвілін.
Сфарміраваць булачкі.
Даць расстаяцца 15 хвілін . Змазаць вадой з содай.
Капусту прамыць, адціснуць і патушыць на патэльні да мяккасці.
Булачкі па жаданню можна ўпрыгожыць.
Выпякаць пры 180 градусах 20 хвілін, да залацістай скарынкі.
Смачна есці.
Аўсяны кісель і раўгеня. Як выглядаў посны стол беларусаў у старажытныя часы?
