Просты і хуткі рэцэпт бісквітнага кекса з ягадамі будзе вельмі актуальны ў летні перыяд. Інгрэдыенты для кекса знойдуцца ў кожнай гаспадыні, таму ён просты ў гатаванні. Ягады можна выкарыстоўваць любыя, кекс атрымаецца духмяны і з лёгкай кіслінкай.
Гэта вельмі просты рэцэпт без выкарыстання соды. Толькі мука, яйкі, цукар і невялікая дробка солі. Менавіта такія інгрэдыенты выкарыстоўваюцца для класічнага пышнага бісквіту, які атрымаецца ў кожнай гаспадыні, калі прытрымлівацца ўсіх рэкамендацый.
Пакрокавы рэцэпт смачнага дэсерту прапануе блогер Святлана Карніцкая.
Інгрэдыенты
- Яйкі — 5 шт.
- Мука — 240 гр. (1,5 шклянкі)
- Цукар — 140 гр.
- Смятана — 2-3 ст.л.
- Разрыхляльнік — 2 ч.л.
- Крухмал — 3 ст.л.
- Соль — 1 дробка
- Разынкі — па смаку (траціну шклянкі)
- Любыя ягады
Спосаб прыгатавання
Яйкі з цукрам і дробкай солі ўзбіць да з'яўлення пены. Пачынаць з нізкіх абарачэнняў міксера і паступова павялічваць іх (хвіліны 2-5).
Вось так будзе выглядаць маса пасля ўзбівання яек.
Разынкі трэба добра прамыць і заліць кіпенем на некалькі хвілін, затым зліць ваду, а разынкі выкласці на сурвэткі і абсушыць.
Дадаём крухмал.
Дадаем смятану і пару лыжак разрыхляльніка.
Узбіваем міксерам, каб змяшаць усе інгрэдыенты. Пачынаем уводзіць муку і акуратна змешваць міксерам.
Пасля таго, як увялі муку, дадаем высушаныя разынкі. І змешваем ужо акуратна лапаткай.
У гэты час уключыце разагравацца духоўку да 180 градусаў.
Цеста перакладаем у форму, аўтар выкарыстоўвала керамічную, засцілаем пергаментнай паперай, можна выкарыстоўваць любую іншую форму. Дно формы можна не засцілаць пергаментам, а проста змзаць сметанковым алеем.
Наразаем ягады, кавалачкамі трускаўку, і зверху выкладваем буржмель.
Ставім кекс у разагрэтую духоўку, выпякаем пры 180 градусах каля 30 хвілін. Першыя 20 хвілін духоўку не адчыняем зусім.
Гатоўнасць дэсерту можна праверыць драўлянай шпажкай ці проста націснуць на бісквіт — ён павінен злёгку спружыніць. Гатоваму бісквіту даць астыць у форме хвілін 15. Пасля толькі перакласці ў іншы посуд.
Раніцай атрымліваем асалоду!
Смачна есці!
