23.12.2022
23.12.2022

Чым здзівіць труса падчас навагодняга застолля? Гатуем салат «Морква»

logo
Рэцэпты
0
Памер шрыфта:
  • A
  • A
  • A

Ва ўсіх сем'ях падрыхтоўцы святочных страў да навагодняга і каляднага застолля надаецца шмат увагі. Гаспадыні хочуць паказаць усе свае ўменні і падаць да ўрачыстага стала лепшыя пачастункі.

2023 год паступіць у распараджэнне Чорнага Вадзянога Труса, таму меню святочнага стала павінна адпавядаць запатрабаванням жывёлы. Гэтым разам мы прапануем рэцэпт смачнага салата «Морква», які, безумоўна, можна назваць лайфхакам кулінарнага меню навагодняй вечарыны.

Рыцэпт маркоўнага салата

Інгрэдыенты для салата "Морква" - Рыцэпт маркоўнага салата

Інгрэдыенты

  • Бульба (адварная) — 2 штукі
  • Морква (адварная) — 2-3 штукі
  • Яйкі (адварныя) — 1-2 штукі
  • Вэнджаная курыца (кумпяк або іншыя часткі) — 1 штука альбо 100 г
  • Салёны ці марынаваны агурок (сярэдні) – 1 штука
  • Цыбуля — 1 штука (па гусце)
  • Маянэз — па гусце
  • Соль — па гусце
  • Перац — па гусце
  • Пятрушка (для дэкору)

Стравы навагодняй ночы. Захоўваючы вернасць традыцыям здаровага меню

Падрыхтоўка інгрэдыентаў

Зварыць бульбу (2 штукі), моркву (2-3 штукі), яйкі (1-2 штукі). Астудзіць і ачысціць.

Бульбу націраем на буйнай тарцы, яйкі таксама. Моркву націраем на сярэдняй тарцы. Солім па гусце. Калі морква вадзяністая — адціскаем лішнюю вадкасць.

Салёны або марынаваны агурок (1 штука) наразаем маленькімі кубікамі. Вэнджаную курыцу наразаем невялікімі кавалачкамі (замест вэнджанай курыцы можна выкарыстоўваць адварную: філе альбо вяндліну).

Калі любіце стравы з рэпчатым лукам, тады наразаем адну цыбуліну дробна квадрацікамі.

Смачны, як быццам торт. Рэцэпт маркоўнага кекса

Спосаб прыгатавання

Выкладваем інгрэдыенты пластамі, у форме морквы, акуратна прыціскаючы і выкладваючы. Маянэз можна дадаваць не ва ўсе пласты, у залежнасці ад вашых смакавых пераваг.

Першы пласт з бульбы для салата "Морква"

1-шы пласт — выкладваем бульбу, соль, перац, маянэз.

2-гі пласт — цыбуля. Калі не любіце цыбулю,можна без яе.

3-ці пласт для салата "Морква" з агурком

3-ці пласт — марынаваны агурок.

3-ці пласт для салата "Морква" - вэнджаная курыца

4-ты пласт — вэнджаная курыца.

4 пласт для салата "Мокрва" - курыца

5-ты пласт  —  маянэз.

5-ты пласт для салата "Мокрва" з яйкамі

6-ты пласт — яйкі, соль, перац.

Маянэз для салата "Морква"

7-мы пласт  —  маянэз.

Морква для салата "Морква" - Рыцэпт маркоўнага салата

8 пласт — морква на дробнай тарцы, усю паверхню накрываем ёю, лапаткай разраўноўваем, і робім ёю баразёнкі такія, як у морквы.

І апошняя дэталь — пятрушка. Яна выконвае ролю бацвіння.

З надыходзячымі святамі вас! Смачна есці

Салаты на святочны стол. Топ-8 смачных рэцэптаў

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by

0

Я нарадзілася і жыву ў горадзе Мінску. З дзяцінства цягнулася да творчасці і прафесію выбрала незвычайную. У 2016 годзе скончыла біялагічны факультэт БДУ, 6 гадоў кар'ернага шляху звязала з лабараторнай дыягностыкай. Вывучала прынцыпы працы медыцынскага абсталявання і навучала лекараў і лабарантаў працаваць на ім. Пастаянна пісала і стварала кароткія кіраўніцтвы, памяткі, алгарытмы, аптымізуючы працу супрацоўнікаў для спецыялістаў ва ўстановах аховы здароўя. Цяпер я блогер, SMM-спецыяліст, вучу іншых людзей, як весці сацыяльныя сеткі. У мяне ёсць свой тэлеграм-канал з рэцэптамі і тэлеграм-канал па развіццю сацыяльных сетак.