Тэрапеўты, кардыёлагі, эндакрынолагі, рэўматолагі, рэнтгенэндаваскулярныя хірургі, пульманолагі, гастраэнтэролагі, эндакрынолагі і іншыя спецыялісты абмеркавалі сучасныя лячэбна-дыягнастычныя магчымасці і дасягненні ў кардыялогіі, пытанні пераемнасці паміж кардыялагічнай і тэрапеўтычнай службамі, прафесійнай падрыхтоўкі спецыялістаў. Акрамя пленарнага і секцыйных пасяджэнняў прайшлі выступленні маладых навукоўцаў.

Сёлета на кангрэсе створана прынцыпова новая канцэпцыя камарбіднага пацыента, які мае некалькі захворванняў, сярод якіх дамінуе, як правіла, кардыялагічная паталогія. Наконт лячэння такіх пацыентаў практычна адсутнічаюць буйныя сусветныя рэкамендацыі. Іх распрацоўка толькі вядзецца, што вызначае высокую актуальнасць абмеркавання падобных пытанняў.

На кангрэсе працуюць 3 секцыі: кардыялогіі, тэрапіі і камарбідных станаў. Яшчэ адна асаблівасць форуму ў тым, што да ўдзелу ўсё больш прыцягваюцца рэгіёны.

Праблема дыягностыкі і лячэння сардэчна-сасудзiстых захворванняў актуальная не толькі для Беларусі, але і ва ўсім свеце. Гэта звязана з павелічэннем працягласці жыцця насельніцтва і, адпаведна, ростам захворванняў жыццёва важных органаў і сістэм (перш за ўсё сэрца і сасудаў).

Цяперашні навукова-практычны форум стаў не толькі пляцоўкай для шырокага абмеркавання і абмену думкамі, але і даў новы імпульс далейшаму развіццю высокаэфектыўнай медыцынскай дапамогі жыхарам Беларусі.

Фота, відэа - Генадзь Сукач.

Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by