Што ні кажыце, а Новы год з усіх свят самы чароўны. І як бы не мянялася наша жыццё, як бы мы не перажывалі наконт цяжкасцяў лёсу, але пераднавагоднія клопаты — падрыхтоўка святочнага стала і ўпрыгожванне ёлкі — застануцца самымі прыемнымі ў любы час.
Традыцыя ўпрыгожваць ёлку дастаткова старажытная. Даўней упрыгожваннямі служылі арэхі, яблыкі, пернікі, якія сімвалізуюць дабрабыт і дастатак у надыходзячым годзе. Шкляныя ўпрыгожанні, шары, каралі былі вельмі дарагія.
Цяпер кожны ўпрыгожвае ёлку па сваім меркаванні, але ў многіх дамах строга выконваецца правіла — каб у новым годзе былі толькі ўдалыя дні, сярод ёлачных цацак абавязкова павінна прысутнічаць некалькі новых.
Усё неабходнае для сваёй навагодняй прыгажуні можна знайсці ў магазінах, у спецыялізаваных аддзелах.
Наборы розных шароў, беласнежныя анёлы, вясёлыя дракончыкі — сімвал надыходзячага года, ёлачныя вяночкі, разнастайныя гірлянды, мішура. Спачатку ўпрыгожым ялінку гірляндай з вясёлымі агеньчыкамі або загадкава мігатлівымі свечкамі. Затым на верхнія галінкі павесім гэты абсыпаны шкляным цукрам шар, сюды — цёмна-бардовы з прыгажунамі-аленямі, тут салатавы з хаткамі, а там — малюсенькія рознакаляровыя, тут — серабрыстыя арэшкі, цацкі з дзяцінства. На самыя ніжнія галінкі павесім пацешных снегавікоў, лісічак, мядзведзікаў, якія не б’юцца, і тады можна не баяцца, што кот захоча памацаць іх лапкай. Апошні штрых — асыплем ёлку бліскучай мішурой: залатой, срэбнай, вітай ды струменістай.
Навагодняе свята з ёлкай праходзіць ва ўсіх дамах, ператвараючы любое жыллё ў цёплае, утульнае, ззяючае агнямі, усмешкамі.
Пры святле люстраў зіхацяць куфлі, бясшумна льецца віно, страляе шампанскае. І вакол музыка, і танцуючыя пары!
Гэта зіготкія сняжынкі. Гэта святло навагодніх зорак. Гэта бляск святочных свечак. Гэта ззянне шчаслівых вачэй.
Дык не шкадуйце ж намаганняў для навагодняй ночы! Яна павінна быць цудоўнай. Бо з вамі збяруцца самыя дарагія і блізкія вам людзі і будуць чакаць цуд, які абавязкова адбудзецца!
Якія падарункі на навагоднія святы змогуць уразіць вашых мужчын?
