Чысты халадзільнік патрэбны для захавання свежасці і бяспекі прадуктаў. Правільны догляд і слушнае захоўванне прадуктаў дапамогуць падоўжыць іх тэрмін прыдатнасці.
Даведайцеся, як чысціць, даглядаць і захоўваць прадукты ў халадзільніку, каб падтрымліваць яго працаздольнасць і гарантаваць бяспеку ежы.
Чаму трэба размарожваць халадзільнік?
Размарожванне халадзільніка патрэбна, бо з часам на змеевіках выпарніка ў сярэдзіне маразільнай камеры можа ўтварацца шэрань і лёд. Гэта можа зменшыць эфектыўнасць працы халадзільніка, бо шэрань і лёд дзейнічаюць як ізалятары і абцяжарваюць падтрыманне патрэбнай тэмпературы. У выніку халадзільнік можа працаваць інтэнсіўней, спажываць больш энергіі і даўжэй астуджаць прадукты.
Рэгулярнае размарожванне халадзільніка дапамагае падтрымліваць яго працаздольнасць, падоўжыць тэрмін службы і захаваць свежасць і бяспеку прадуктаў.
Розныя халадзільнікі маюць розныя механізмы размарожвання. Некаторыя халадзільнікі абсталяваныя функцыямі аўтаматычнага размарожвання, якія растапляюць шэрань і лёд на змеевіках выпарніка з дапамогай награвальнікаў, а потым зліваюць утвораную ваду ў паддон ці латок, які можна апаражніць. У іншых халадзільніках можа спатрэбіцца ручное размарожванне, калі халадзільнік трэба адключыць ад электрычнасці і даць яму адтаць натуральным спосабам ці з дапамогай адмысловага рэжыму размарожвання.
Але нават халадзільнікі з сістэмамі No Frost і De Frost патрэбна размарожваць раз на год, вызваляючы ад усіх прадуктаў. Калі халадзільнік без No Frost, яго патрэбна размарожваць 1 раз у 3—4 месяцы.
Як правільна размарожваць халадзільнік?
Працэс размарожвання халадзільніка шмат у чым залежыць ад пэўнай мадэлі і асаблівасцяў пэўнага халадзільніка. Таму важна выконваць інструкцыі вытворцы для пэўнай мадэлі халадзільніка, каб правільна падтрымліваць яго аптымальную прадуктыўнасць
Але існуюць і агульныя крокі, якія можна распачаць для правільнага размарожвання:
- Падрыхтоўка
Перад тым як пачаць працэс размарожвання, варта падрыхтавацца, прыняўшы некаторыя патрэбныя меры засцярогі. Першае, пераканайцеся, што халадзільнік адключаны ад электрычнасці, каб пазбегнуць небяспекі пашкоджання электрычным токам. Потым дастаньце ўсе прадукты з халадзільнага і маразільнага аддзяленняў і пакладзіце іх у халаднаватае месца, каб не сапсаваліся. Вы таксама можаце пакласці анучы ці кілімкі, якія ўбіраюць вільгаць, вакол халадзільніка, каб сабраць ваду, якая можа ўтварыцца ў працэсе размарожвання.
- Забяспечце натуральнае адтаванне
Калі ў вашым халадзільніку няма функцыі аўтаматычнага размарожвання, найболей пашыраны спосаб размарожвання – проста даць халадзільніку адтаць натуральным спосабам. Пакіньце дзверцы халадзільніка адкрытымі, каб шэрань і лёд на змеевіках выпарніка расталі самі па сабе. Гэты працэс можа заняць некалькі гадзін ці нават ноч, у залежнасці ад колькасці назапашанай шэрані.
- Паскорыць адтаванне з дапамогай цяпла
Калі вам трэба паскорыць працэс размарожвання, вы можаце выкарыстаць мяккае цяпло, каб распаліць шэрань і лёд. Вы можаце паставіць рондаль з гарачай вадой на паліцу маразільнай камеры ці скарыстаць фен на нізкім рэжыме для падачы цёплага паветра ў маразільную камеру. Будзьце асцярожнымі, не выкарыстоўвайце празмернага цяпла, бо яно можа пашкодзіць халадзільнік ці выклікаць дэфармацыю пластыкавых дэталяў.
- Выдаліце лішкі вады
По меры раставання шэрані і лёду ў халадзільным і маразільным аддзяленнях будзе запасіцца вада. Скарыстайце анучкі ці губкі, каб увабраць лішнюю ваду, і апаражніце зліўны паддон ці латок, калі гэта патрэбна.
- Ачысціце і высушыце
Калі шэрань і лёд растануць, ачысціце ўнутраную паверхню халадзільніка і маразільнай камеры слабым мыйным растворам. Пратрыце ўсе паверхні, улучаючы паліцы, скрыні і сценкі, каб выдаліць рэшткі ці плямы вады. Абавязкова старанна прасушыце аддзяленні, каб пазбегчы ўтварэння новай шэрані.
- Перазапусціце халадзільнік
Пасля ачысткі і сушкі ўключыце халадзільнік у разетку і ўсталюйце патрэбную тэмпературу. Пачакайце, пакуль халадзільнік астудзіцца да патрэбнай тэмпературы, перад тым як ізноў загружаць яго прадуктамі.
У халадзільніку ёсць мікробы і запасяцца розныя пахі, а выкарыстанне адмысловых сродкаў ад падобных нязручнасцяў не скасуюць размарожвання і не гарантуюць поўнага ачышчэння халадзільніка, таму размарожванне — гэта яшчэ і адзін са спосабаў выканання санітарных нормаў.
Як даглядаць за халадзільнікам?
Каб ежа ў халадзільніку як мага даўжэй не псавалася і захоўвала максімальную карысць, а прадукты даўжэй былі свежымі, патрэбна падтрымліваць тэмпературу ў халадзільніку на ўзроўні 4°C ці ніжэй, а ў маразільнай камеры -18°C. Падтрыманне прыдатнай тэмпературы ў халадзільніку дапамагае замарудзіць узрост бактэрый і іншых мікраарганізмаў, якія могуць сапсаваць прадукты.
Таксама правільна мясцуйце прадукты ў халадзільніку, каб забяспечыць добры паветрапамен і пазбегнуць перакрыжаванага забруджання.
Напрыклад, захоўвайце сырое мяса і морапрадукты асобна ад іншых прадуктаў, каб колькасць бактэрый не павялічвалася. Апроч таго, практыкуйце ратацыю па прынцыпе «першым прыйшоў — першым сышоў», калі старыя прадукты выкарыстоўваюцца раней за новыя, каб пазбегнуць нерацыянальнага выкарыстання прадуктаў.
Каб халадзільнік быў чыстым, рэгулярна мыйце ўнутраныя паверхні халадзільніка і маразільнай камеры. Неадкладна выцірайце халадзільнік, калі ў ім нешта разлілося, каб не з'яўляўся непрыемны пах і не размнажаліся бактэрыі. Таксама чысціце вонкавую паверхню халадзільніка, улучаючы ручкі дзярэй, каб не запасіўся бруд.
Яшчэ важна час ад часу правяраць ушчыльнікі. Дзверныя ўшчыльнікі, ці пракладкі, халадзільніка павінны ствараць шчыльнае прыляганне, калі дзверы зачыненыя, каб халоднае паветра праходзіла ўсярэдзіну. Рэгулярна правярайце ўшчыльненні на наяўнасць пашкоджанняў ці расколін і чысціце іх ад смецця. Калі ўшчыльненні не функцыянуюць належным чынам, магчыма, іх патрэбна замяніць для падтрымання аптымальнай тэмпературы ў халадзільніку.
Не перагружайце халадзільнік вялікай колькасцю прадуктаў, бо гэта можа абцяжарыць паветраны струмень і зменшыць эфектыўнасць астуджэння. Забяспечце дастатковую прастору паміж прадметамі, каб стварыць належную цыркуляцыю паветра, якая дапамагае падтрымліваць сталую тэмпературу і даўжэй захоўваць свежасць прадуктаў.
Не адчыняйце дзверы часта і надоўга, бо гэта можа выклікаць ваганні тэмпературы і зменшыць эфектыўнасць працы халадзільніка. Апроч таго, трымайце халадзільнік найдалей ад прамых сонечных прамянёў, крыніц цяпла і скразнякоў, каб падтрымваць сталы тэмпературны рэжым.
Прытрымлівайцеся рэкамендацый вытворцы па рэгулярным тэхнічным абслугоўванні, напрыклад, замене вадзяных фільтраў і ачыстцы змеевікоў кандэнсатара (калі гэта магчыма), каб халадзільнік працаваў эфектыўна.
Як трэба захоўваць прадукты ў халадзільніку?
- Усе прадукты ў халадзільніку павінны быць спакаваны і зачынены.
Для захоўвання прадуктаў у халадзільніку выкарыстоўвайце герметычныя кантэйнеры ці герметычную пластыкавую плёнку, каб розныя пахі не распаўсэджваліся і прадукты захоўвалі свежасць.
- Не трэба захоўваць адкрытыя рондалі і талеркі з ежай.
Таму што ў халадзільніку могуць быць розныя прадукты, бактэрыі ад якіх у выніку трапяць у адкрытыя ёмістасці. Згатаваную ежу патрэбна перакладаць у ёмістасці з матэрыялаў, якія рэкамендуюць для захоўвання.
- Ежу не трэба захоўваць у посудзе з алюмінію, а ў посудзе з нержавелай сталі надоўга ежу лепш не пакідаць. Падыходзяць ёмістасці з керамікі, шкла. Посуд без накрывак трэба накрываць ці харчовай плёнкай, ці фольгай.
Але гэта не значыць, што іх дапускаецца захоўваць у зачыненым поліэтыленавым пакеце з крамы. Як мінімум яго патрэбна адкрыць, але лепш гародніну і садавіну дастаць з пакета, працерці папяровым ручніком, бо надмерная вільгаць будзе паскараць працэс гніення, а пасля скласці ў адсек для гародніны і садавіны або кантэйнер. Гародніну і садавіну патрэбна падзяляць.
- Мыць зеляніну лепш непасрэдна перад ужываннем.
Зеляніну можна абгарнуць у папяровы ручнік, бо яна ўтрымлівае вільгаць, а потым пакласці ў пакет. Таксама можна выкарыстаць адмысловы кантэйнер для зеляніны, у які заліваецца вада. Адзіны мінус такога бокса – немагчыма змясціць шмат зеляніны. Замест адмысловага кантэйнера можна скарыстаць шклянку ці банку з вадой, апусціць карэньчыкі зеляніны ў ваду і паставіць у халадзільнік. Так зеляніна даўжэй захаваецца.
- Яйкі лепш захоўваць на верхняй паліцы халадзільніка.
На верхняй і ніжняй паліцах халадзільніка самыя нізкія тэмпературы, да таго ж на верхняй – бяспечней. Мыць яйкі трэба непасрэдна перад ужыткам. Калі памыць яйкі загадзя, то ахоўная плёнка са шкарлупіння знікне і паступленне розных бактэрый значна павялічыцца.
- Хуткапсавальныя прадукты, такія як малочныя прадукты, мяса і рэшткі ежы, таксама захоўвайце ў самых халодных частках халадзільніка.
- Астуджаныя мяса і рыбу трэбна мыць перад гатаваннем.
Калі загадзя памыць іх, а пасля прыбраць у халадзільнік, то гэта паскорыць працэс псавання рыбы ці мяса. Астуджаныя мяса і рыбу не трэба захоўваць у халадзільніку даўжэй за 1—2 дні.
- Сырыя прадукты не рэкамендуюць класці ў адкрытым выглядзе, іх патрэбна абгарнуць ці папяровай сурвэткай, ці пергаментам, або пакласці ў шкляны кантэйнер і зачыніць накрыўкай ці фольгай.
- Сярэднія паліцы ў халадзільным аддзяленні маюць стабільнейшую тэмпературу, таму на іх можна месцаваць гатовыя стравы, а таксама кансервы.
- Самае цёплае месца ў халадзільніку – дзверцы, таму не трэба там захоўваць малако і малочную прадукцыю, а таксама яйкі. Туды лепш класці прадукты з вялікім тэрмінам прыдатнасці ці тыя, што патрэбна захоўваць у халаднаватым месцы.
- Маразільная, як і халадзільная, камера таксама мае розніцу тэмператур.
Найчасцей верхняя паліца – самая цёплая, там тэмпература каля -10°С. Там рэкамендуюць складаць замарожаную гародніну, садавіну, зеляніну.
На другой паліцы тэмпература ў сярэднім дасягае -15°С, яна падыходзіць для захоўвання паўфабрыкатаў.
У ніжняй скрыні, самай халоднай, захоўваюць замарожаныя мяса і рыбу. Пры гэтым мяса і рыбу лепш адлучаць.
Якія прадукты не захоўваюць у халадзільніку?
Ёсць некалькі відаў прадуктаў, якія, зазвычай, не рэкамендуецца захоўваць у халадзільніку, бо халодная тэмпература можа негатыўна паўплываць на іх ці пагоршыць іх якасць.
Гэта тычыцца нерафінаванага алею, круп і макаронных вырабаў, мёду, какосавага і топленага масла.
Арэхі і насенне можна захоўваць у халадзільніку толькі пасля таго, як іх замачылі і высушылі, на той тэрмін, у які іх патрэбна з'есці, недзе 1—2 тыдні. Для працяглага захоўвання насення і арэхаў выкарыстоўваюць палатняныя мяшэчкі ці шкляныя ёмістасці.
Таксама ў халадзільніку не захоўваюць экзатычную садавіну, гранат, хурму.
У дадатак, цэлыя кавун і дыню не захоўваюць у халадзільніку, бо пад уплывам нізкай тэмпературы яны могуць стаць кашападобнымі і страціць свой смак. Найлепей захоўваць іх пры пакаёвай тэмпературы, пакуль яны не паспеюць, а потым астуджаць астатнія разрэзаныя кавалачкі.
З гародніны ў халадзільніку не захоўваюць бульбу, цыбулю, часнок, баклажаны і перцы. Бульбу найлепей захоўваць у халаднаватым, цёмным і сухім месцы, напрыклад, у каморцы ці шафе. Захоўванне ў халадзільніку можа прывесці да таго, што крухмал, што змяшчаецца ў бульбе, ператворыцца ў цукар, з-за чаго смак бульбы стане саладзейшым, а яе тэкстура больш зярністай пры гатаванні.
Цыбулю трэба захоўваць у халаднаватым, сухім месцы з добрай вентыляцыяй, але не ў халадзільніку. Вільгаць у халадзільніку можа прывесці да таго, што цыбуля стане мяккай і зацвіце. Найлепей захоўваць яе ў сецістым мяшку ці кантэйнеры, які добра праветрываецца, у халаднаватай каморы ці шафе.
Не рэкамендуюць захоўваць у халадзільніку і таматы. Пры захоўванні ў халадзільніку яны могуць страціць свой смак і стаць мучністымі па кансістэнцыі. Найлепей захоўваць іх пры пакаёвай тэмпературы, удалечыні ад прамых сонечных праменяў, пакуль яны не паспеюць, а потым адразу ж выкарыстоўваць.
Бананы і авакада таксама лепш не захоўваць у халадзільніку, таму што яны вылучаюць газ этылен, які здольны сапсаваць прадукты. Недаспелыя авакада варта захоўваць пры пакаёвай тэмпературы, каб яны даспелі як след. Калі яны паспеюць, іх можна змясціць у халадзільнік, каб запаволіць працэс паспявання, лепш у асобным кантэйнеры. Але самы надзейны спосаб – выкарыстаць авакада цягам аднаго-двух дзён.
Таксама ў халадзільніку не рэкамендуюць захоўваць яблыкі і грушы, іх лепш захоўваць у цёмным халаднаватым месцы.
Халадзільнік не падыходзіць для захоўвання хлеба. Ён там высыхае і чарсцвее хутчэй. Найлепей захоўваць хлеб пры пакаёвай тэмпературы ў хлебніцы ці каморцы.
Не захоўваюць у халадзільніку і каву, гарбату, спецыі, таму што будзе ўтварацца кандэнсат і яны стануць сырымі.
Важна адзначыць, што рэкамендацыі па захоўванні могуць вар'іравацца ў залежнасці ад такіх фактараў, як клімат, вільготнасць і асабістыя перавагі.
https://bel.24health.by/yak-zekanomic-na-praduktax-bez-shkody-zdarouyu/?preview_id=124096&preview_nonce=a54d3e5711&_thumbnail_id=124098&preview=true
