Бярозавы сок — гэта раслінны прадукт, які ўвесь час спараджае гарачыя дыскусіі. Ці сапраўды ён карысны? Ці шкодзіць нарыхтоўка соку дрэвам? І як рэгулюецца гэты працэс — дзе можна, а дзе нельга збіраць бярозавы сок?
У народзе бярозавы сок лічаць панацэяй ад усіх хвароб. За сезон раяць выпіць каля 10 літраў свежага соку бярозы, каб заставацца здаровым на працягу года.
Бярозавы сок нарыхтоўваюць ранняй вясной, сезон доўжыцца прыблізна з сярэдзіны сакавіка да сярэдзіны красавіка, да распускання нырак. Дакладны час залежыць ад кліматычнай зоны і канкрэтных сутачных тэмператур. У адной і той жа мясцовасці гэты час можа адрознівацца на 2 ці нават 3 тыдні ў залежнасці ад таго, наколькі ранняя вясна.
Чым багаты бярозавы сок
Бярозавы сок — цэлая скарбніца вітамінаў і мінералаў. Ён змяшчае солі магнію, калія, кальцыя, крэмнія, натрыю, медзі, алюмінія, фосфару, цынку, цырконія. Калій, натрый і хлор рэгулююць асматычны ціск і падтрымліваюць солевы склад крыві. Кальцый патрэбен для касцей і зубоў, а калій — для нармальнага функцыянавання нервовай сістэмы і цягліц. Бярозавы сок таксама багаты на арганічныя кіслоты, ферменты, фітанцыды.
Бярозавы сок умацоўвае імунітэт
Яго варта ўжываць, каб аднавіць сілы арганізма, асабліва гэта карысна пасля зімы, калі прастудныя захворванні знізілі імунітэт. Ён выдатна спраўляецца з вясновай дэпрэсіяй і стомленасцю, павялічвае гемаглабін. А фітанцыды, якія змяшчаюцца ў ім, забіваюць бактэрыі і абараняюць ад вірусных інфекцый.
Калі выпіваць шклянку соку штодня на працягу месяца, то ніякая прастуда і дрэнны настрой не сапсуюць выдатных вясновых дзён.
Бярозавы сок — здаровыя ныркі
Бярозавы сок надзвычай карысны пры хваробах нырак, у прыватнасці пры лячэнні запалення. Ён спрыяе расчапленню камянёў у нырках і выводзіць з іх пясок. Але трэба быць асцярожнымі, піць не больш за 2 літры ў дзень, бо камяні могуць пачаць рухацца і затрымацца ў мачавыводзячых шляхах, а гэта выкліча моцны боль.
Здаровыя зубы
Лекары сцвярджаюць, што лядзяшы і салодкія сіропы, вырабленыя з бярозавага соку, прадухіляюць узнікненне карыесу. Таму для прафілактыкі варта ўжываць бярозавы сок, спалучаючы яго з шыпшынай або сокам журавін.
Беражом зубы з маленства: як змагацца з карыесам у дзяцей і падлеткаў?
Бярозавы сок дапамагае пазбавіцца ад ацёкаў
Дзякуючы вялікаму ўтрыманню соляў натрыю бярозавы сок валодае мачагонным дзеяннем, з-за чаго яго рэкамендуюць пры вадзянках і розных ацёках. Нават падчас цяжарнасці, каб пазбавіцца ад ацёкаў, варта піць бярозавы сок, калі няма алергіі.
Бярозавы сок чысціць арганізм
Сок бярозы здольны чысціць кроў і ўплывае на выпрацоўку чырвоных крывяных цельцаў, выводзіць таксіны і іншыя шкодныя рэчывы.
Здаровае сэрца
Бярозавы сок карысны для сардэчна-сасудзістай сістэмы, бо змяшчае солі кальцыя і магнію. Ён умацоўвае крывяносныя сасуды, чысціць кроў, павялічвае ўзровень гемаглабіну, павялічвае эластычнасць крывяносных сасудаў. Урачы раяць ужываць бярозавы сок для прафілактыкі атэрасклерозу.
Бярозавы сок дапамагае скінуць вагу
Бярозавы сок дапаможа скінуць лішнюю вагу. Ён паляпшае абменныя працэсы ў арганізме, выводзіць шлакі і дадатна ўплывае на страўнік. Проста заменіце бярозавым сокам каву і гарбату, можна спалучаць яго з сокам апельсіна ці лімонам. Бярозавы сок нізкакаларыйны, у 100 грамах змяшчаецца ўсяго 25 калорый.
Паляпшае страваванне
Біялагічна актыўныя рэчывы і ферменты, якія змяшчаюцца ў бярозавым соку, паляпшаюць працу страўнікава-кішачнага тракта. Яго дазволена піць нават людзям, якія пакутуюць на панкрэатыт. А цяжарным ён дапаможа пазбавіцца таксікозу.
Добрая скура і здаровыя валасы
Бярозавы сок вельмі распаўсюджаны ў касметалогіі, бо на яго аснове вырабляюць разнастайныя сродкі для твару і валос. Неабходна толькі праціраць бярозавым сокам скуру, і яна зноў будзе мець здаровы, свежы выгляд. Такі ласьён выдатна чысціць і танізуе, нармалізуе салавыдзяленне. Праціраючы скуру сокам бярозы, можна пазбавіцца ад пігментных плям. Таксама бярозавы сок карысны для валасоў.
Ён выдатна змагаецца з перхаццю і выпадзеннем валасоў. Можна бярозавы сок выкарыстоўваць замест бальзаму і праз некалькі працэдур вы заўважыце вынік. А яшчэ ён дапамагае паскорыць рост валасоў.
Выпадзенне валасоў: норма ці крок да лысення?
Каму бярозавы сок можа нашкодзіць
Галоўнае супрацьпаказанне да ўжывання бярозавага соку — алергія на яго кампаненты, што можа выяўляцца ў выглядзе скурнага сыпу, свербу, чырвані вачэй, а ў цяжкіх выпадках нават анафілактычнага шоку.
Бярозавы сок змяшчае натуральныя цукры, таму яго колькасць у рацыёне людзей з цукровым дыябетам павінна быць дазаванай (у сярэднім — не больш за 200 мл у суткі). Для таго, каб зразумець, ці не перавышана індывідуальная норма прыёму бярозавага соку, можна правесці даследаванне глюкозы крыві праз дзве гадзіны пасля яго ўжывання ў невялікай колькасці, арыентуючыся на індывідуальныя мэтавыя паказчыкі глюкозы крыві, рэкамендаваныя ягоным урачом.
Дзе можна збіраць бярозавы сок
Бярозавы сок прынята збіраць прыкладна з сярэдзіны сакавіка, калі пачынаецца рух соку (у паўднёвых раёнах — раней, на поўначы — пазней), і прыкладна да канца красавіка, пакуль не раскрыліся ныркі. І, канешне, месца трэба выбіраць чыстае.
Нельга збіраць яго ў пасадках, размешчаных паблізу магістраляў, прамысловых прадпрыемстваў. Дрэвы лепш выбраць здаровыя, не пашкоджаныя, і не вельмі маладыя.
З адной бярозы можна сабраць прыкладна два літры соку. Больш не варта, каб не нашкодзіць дрэву. І, вядома, пасля збору трэба зачыніць ранку.
Як захоўваць бярозавы сок
Многія збіраюць сок на выходных на дачы і вязуць з сабой у горад.
Захоўваць яго ў халадзільніку можна не даўжэй трох сутак. Кіпяціць, каб павялічыць тэрмін захоўвання, бессэнсоўна. Калі жадаеце захаваць запас пабольш — можна замарозіць. Піць можна і ў чыстым выглядзе, і дадаючы ў іншыя напоі (лепш не гарачыя) — зялёную гарбату, адвар шыпшынніка і г.д.
Кансерваванне бярозавага соку. Незвычайныя рэцэпты
Кожная гаспадыня мае свае сакрэты нарыхтовак, але не ўсе ведаюць, як правільна кансерваваць сок бярозы. Класічныя рэцэпты кансервавання бярозавага соку дазволяць без лішніх клопатаў захаваць напой да самай зімы, а аўтарскія варыянты прыгатавання — парадаваць сябе і навакольных непаўторным густам.
Максімальная колькасць вітамінаў і мінералаў захоўваецца ў нарыхтоўках, якія не падвяргаюцца кіпячэнню. Акрамя гэтага бярозавы сок лічыцца нізкакаларыйным напоем, а ўзровень калорый у нарыхтоўках з гэтага прадукта можна самастойна кантраляваць пры даданні цукру.
Класічны бярозавы сок з садавінай (рэцэпт без кіпячэння)
На 3 літры бярозавага соку спатрэбіцца:
- цукар — 5 ст л
- разынкі — 10 шт
- цэдра сушаная (лімонавая, апельсінавая) — 5 г
На тры літры бярозавага соку ўзяць 5 сталовых лыжак цукру. Гэта не строгая норма — арыентавацца лепш на асабістыя смакавыя перавагі і насычанасць цукрам самага прадукта, бо чым бліжэй да лета быў сабраны сок бярозы, тым менш у ім звычайна ўтрымоўваецца цукры.
Перад тым як пачаць падрыхтоўку, сок неабходна прапусціць праз чыстую марлевую тканіну. Разынкі памыць і прасушыць.
На наступным кроку ў ёмістасць трэба дадаць падрыхтаваныя разынкі, цукар і высушаную цэдру лімона.
Сок старанна перамяшаць некалькі разоў, зверху накрыць сухой чыстай тканінай. Ёмістасць з напоем пакінуць на 24 гадзіны пры пакаёвай тэмпературы.
Сок павінен настаяцца, а затым неабходна разліць яго па стэрылізаваных слоіках і прыбраць у цёмнае халоднае месца.
Для захоўвання нарыхтовак добра падыдзе склеп, ці іх можна паставіць у халадзільнік. Прыгатаваны такім чынам напой варта захоўваць у цёмным месцы не больш за 6 месяцаў.
Бярозавы сок з разынкамі без кіпячэння
На 3 літры бярозавага соку спатрэбіцца
- цукар — 5 ст л
- разынкі — 70 г
Разынкі — вельмі папулярны варыянт, іх часта дадаюць у бярозавы сок: сушаны вінаград дазваляе надаць далікатны фруктовы смак напою, дапамагае соку забрадзіць. У выніку атрымліваецца злёгку газіраваны напой, падобны на ліманад.
Для нарыхтоўкі соку бярозы па такім рэцэпце варта адразу падрыхтаваць прастэрылізаваныя паўлітровыя слоікі.
У кожную ёмістасць насыпаць па лыжцы цукру і разынкі па 5-7 штук, наліць сок, змяшаць і пакінуць у цёплым месцы на 2 дні. Потым пераставіць сок у цёмнае прахалоднае месца.
Дарэчы, бярозавы сок выдатна спалучаецца і з іншымі прадуктамі — пладамі шыпшынніка і барбарыса, мелісы, мяты і нават карамелькамі — калі ёсць жаданне ўдасканаліць рэцэпт, то можна эксперыментаваць на ўласны густ.
Лімонны бярозавы сок
На 3 літры бярозавага соку спатрэбіцца
- цукар — 200 г
- лімон з лупінай — ½ шт
- кіслата лімонавая — ½ г л
Гэты рэцэпт нарыхтовак павінен паспрабаваць кожны! Цытрусавыя ноткі надаюць соку бярозы прыемны смак і водар, напой узбагачаецца вітамінам С, набывае прыгожы жоўты колер.
Сок неабходна працадзіць у рондаль праз чыстую марлевую тканіну, каб прыбраць дробнае прыроднае смецце.
Наступным крокам трэба насыпаць цукар у напой і лімонавую кіслату.
Лімон вымыць, нарэзаць разам з лупінай кольцамі таўшчынёй не меней 4 мм, дадаць да соку.
Давесці да кіпення стала памешваючы, а калі на паверхні з'явяцца першыя бурбалкі — зняць з агню.
Гарачы напой разліць па слоіках, не забыўшыся ў кожны пакласці хаця б па адным кавалачку лімона.
Слоікі закатаць, пакінуць пры пакаёвай тэмпературы на суткі. Потым перамясціць у прахалоднае цёмнае месца. Даданне цытрынавай кіслаты дазволіць падоўжыць тэрмін захоўвання бярозавага соку да аднаго года.
Замест лімону можна выкарыстоўваць апельсін, грэйпфрут ці лайм. Бярозавы напой з цукрам у спалучэнні з сакавітымі цытрусамі дапаможа падвысіць імунную сістэму чалавека, палегчыць плынь язвавай хваробы ці нават стаць сродкам для абязбольвальных кампрэсаў.
Бярозавы сок з мёдам
На 3 літры бярозавага соку спатрэбіцца:
- мёд — 1 ст л
- разынкі — 70 гр
Мёд выдатна падыходзіць у якасці замены цукру — нягледзячы на тое, што мёд утрымоўвае менш глюкозы, ён саладзей і мае ў сваім складзе карысныя мінералы. Такі напой — сапраўдная знаходка для ўсёй сям'і, якая спадабаецца як дарослым, так і дзецям. Для прыгажосці ў слоік можна пакласці лісце маліны ці парэчкі.
Як і ў папярэдніх рэцэптах для нарыхтовак варта выкарыстоўваць свежазабраны сок бярозы, працадзіўшы яго праз марлевую тканіну.
Наліць сок у рондаль, змяшаць з мёдам. Напой давесці да кіпення, увесь час памешваючы.
Разынкі вымыць, пакласці на дно слоікаў і заліць гарачым сокам.
Слоікі закатаць і пакінуць да поўнага астывання пры пакаёвай тэмпературы. Потым прыбраць у прахалоднае месца далей ад сонечнага святла.
Сок бярозавы з сухафруктамі
На 3 літры бярозавага соку спатрэбіцца
- сухафрукты — 120 г
У якасці сухафруктаў пры кансервацыі бярозавага соку добра падыдуць сушаныя яблыкі і грушы. Насычанасць густу будзе дасягнута, калі пакласці чарнасліў ці курагу. Можна выкарыстоўваць сушаныя плады вішні і трускаўкі, аднак варта пераканацца, што яны не пакрытыя сіропам або глазурай. Такія дабаўкі дапамогуць узбагаціць смак напою, зрабіць яго духмяным.
Сухафрукты у розныя часы года. Як выбіраць, захоўваць, сушыць
Працэджаны праз марлю сок наліць у эмаляваны рондаль і давесці да кіпення.
Сухафрукты перабраць, апусціць у гарачы напой і разліць яго па слоіках. Слоікі закатаць і пакінуць да поўнага астывання.
https://bel.24health.by/shypshyna-ad-yakix-xvarob-vyratue-lekavaya-raslina/
