Адной з праблемаў у пытанні распаўсюджвання хатняга гвалту, на думку экспертаў, стала недасведчанасць жанчын і мужчын пра тое, што такое здаровыя адносіны. Тыя ўзоры, якія прапануе сусветная мастацкая літаратура, кіно, вядомыя песенныя хіты, часта ўсхваляюць неўратычныя, нездаровыя адносіны з мноствам узлётаў і падзенняў, эмацыянальнымі арэлямі, жарсцямі. У сям'і многім таксама не ўдалося атрымаць паўнавартасны ўзор адносінаў.
Ці можна стварыць шчаслівую і гарманічную пару ў сучасным свеце і як адрозніць сямейны крызіс ад сітуацыі дэструктыўных, разбуральных адносінаў? На што звярнуць увагу ўжо пры знаёмстве?
Пра гэта журналіст Слушна пагутарыла з дацэнтам кафедры псіхалагічнага забеспячэння прафесійнай дзейнасці Інстытута псіхалогіі БДПУ імя М.Танка Святланай Месніковіч.
Сямейныя адносіны
Высокая статыстыка разводаў, на думку Святланы Анатольеўны, кажа не столькі пра тое, што сем'і ствараюцца дрэнныя, колькі пра тое, што людзі першапачаткова не разумеюць, для чаго ім патрэбны гэты саюз.
Этапы выбару партнёра
-
Разуменне сябе
Яшчэ да таго, як вы вырашылі ўзаемадзейнічаць з іншым чалавекам і ўступіць у адносіны, трэба разабрацца з сабой. На жаль, гэты пункт, які насамрэч з'яўляецца базавым, многія штораз прапускаюць і прыходзяць да яго толькі пасля неаднаразовых няўдалых спробаў.
-
Адчуванні цела
Быццам бы чалавек усім добры і прыемны, а ўнутры ўсё крычыць: «Уцякай!» З вамі такое здаралася? Ужо ў самыя першыя хвіліны стасункаў цела часта падае нам сігнал, які мы не ўмеем слухаць, заглушаем яго голасам розуму.
-
Стаўленне да жыцця
-
Стаўленне да цябе
-
Наколькі вам добра разам
Прыкметы здаровых адносінаў
Калі вы калі-небудзь глядзелі серыялы, дык, напэўна, заўважылі, што ў іх заўсёды прысутнічаюць гарачыя закаханыя, вакол якіх сканцэнтраваныя скандалы, інтрыгі і расследаванні, і пара іх сяброў, якія проста заўсёды застаюцца разам, падтрымліваюць адзін аднаго і нярэдка весяляцца.
Вось гэтыя «сумныя» адносіны часцей за ўсё і ёсць тыя, якія можна назваць здаровымі. Вядома, там кіпіць жыццё, узнікаюць праблемы і крызісы. Але сёе-тое ў іх усё ж адрозніваецца. Якія крытэры здаровых адносінаў можна назваць?
-
Саюз дарослых людзей
Многія людзі выйшлі з дзяцінства, а вось дарослымі так і не сталі, затрымаліся ў стане пераходу. Адным з першых паказчыкаў даросласці можна лічыць сепарацыю, якая адбылася ад бацькоўскай сям'і.
-
Каханне
-
Стратэгічнае партнёрства
-
Уменне вырашаць канфлікты
Варта прызнаць, што ідэальныя сям'і існуюць толькі ў рэкламе. Канфлікты ёсць ва ўсіх. І іх існаванне – прыкмета таго, што вам не ўсё роўна. Але тое, што адрознівае здаровую сям'ю, – уменне вырашаць канфліктныя сітуацыі, без пераходу на асобы, абразы і без «ўколаў» у балючыя месцы.
-
Давер
Гаворка ідзе не пра сляпую веру ў тое, што цябе не падмануць. Гэта пра тое, калі ты ведаеш, што здольны справіцца з наступствамі сваёй адкрытасці. І таму не атручваеш сваё жыццё пастаянным сачэннем і падазрэннямі.
-
Шчырасць
-
Лёгкасць
Яна не азначае павярхоўнасць. Гэта больш пра спакойнае стаўленне да сварак: «адбыўся канфлікт – пагаварылі, высветлілі – памірыліся – далей жывем спакойна».
-
Гатоўнасць працаваць над адносінамі
-
Адсутнасць страху
Калі варта насцярожыцца?
Нядаўна мы ўздымалі тэму хатняга гвалту. Мяркуючы па тым, што колькасць такіх злачынстваў не памяншаецца, а асабліва цяжкіх нават расце, да гэтага часу вельмі актуальным застаецца пытанне, як выявіць «званочкі», калі адносіны яшчэ не зайшлі занадта далёка. І як адрозніць сямейны крызіс, якіх у жыцці пары можа быць нямала, ад сітуацыі, калі трэба тэрмінова сыходзіць?
Калі адносіны дакладна трэба скончыць?
- Фізічны гвалт. Рукапрыкладства ў любым выглядзе – нагода адразу ж разарваць адносіны, асабліва калі ў сям'і ўжо ёсць дзеці.
- Псіхалагічны гвалт. Праяўляецца ў сістэматычных абясцэньваннях, прыніжэннях, татальным кантролі над жыццём партнёра. Пры гэтым могуць гучаць сказы тыпу: «Куды ты пойдзеш, каму ты патрэбны» і г.д.
- Немагчымасць данесці свой пункт гледжання, паўплываць на ўсталяванне хатніх правілаў. Складанасць сітуацыі ў тым, што ў чалавека адбіраюць права голасу і магчымасць уплываць на сваё становішча. Усе яго прапановы і размовы абвяшчаюцца не вартымі ўвагі, «трызненнем» і г.д.
Вядома, сфера адносінаў індывідуальная. Апісаць усе тонкасці ў адным матэрыяле немагчыма. Але ёсць некаторыя правілы, абапіраючыся на якія, можна зразумець: ці атрымаецца з чалавекам пабудаваць па-сапраўднаму здаровыя адносіны, ці гэта той выпадак, калі трэба бегчы.
