Найсмачнейшая восеньская страва, калі шмат яблыкаў прывезлі з лецішча.
Інгрэдыенты:
- Мука — 240 гр
- Кефір (тлустасць можна любую) — 250 мл
- Яйкі — 1 шт
- Цукар (без горкі — зняць нажом) — 2 ст л
- Соль па гусце
- Сода харчовая (ложка мерная, без горкі) — 0.5 г л
- Раслінны алей (на патэльню для смажання і потым даліць) — 3 ст л
- Пара яблыкаў (2-3 вялікіх) ачысціць ад лупіны і парэзаць на невялікія кавалачкі
Спосаб прыгатавання
Змяшаць яйка з цукрам і соллю. Моцна ўзбіваць не трэба, проста размяшаць, каб цукар і соль растварыліся.
У мікрахвалёўцы альбо на пліце злёгку падцяпліць кефір — да першага «булька». У яечную сумесь, бесперапынна памешваючы, паступова ўліваць цёплы кефір.
Прасеяць адмераную колькасць мукі ў асобную міску. У вадкую сумесь невялікімі порцыям уводзіць муку і ўмешваць венцам у адным кірунку, замясіць густое, аднастайнае цеста.
Цеста не павінна свабодна слізгаць з лыжкі. Калі атрымалаецца рэдкім — рэба дадаць мукі, калі моцна густое — кефіру, але вельмі па-малу, каб улавіць патрэбную кансістэнцыю.
І толькі ў гэты момант, па-над цестам прасеяць соду. Старанна, але хутка ўмяшаць яе ў цеста. Адразу ж пачынаюць з'яўляцца бурбалкі — гэта кефір гасіць соду, цеста становіцца паветраным, сітаватым, лёгкім.
Сода зробіць цеста лягчэй і крыху жыжэй. Разліваць такое цеста стане зручней. Даць цесту пастаяць 10 - 15 хвілін да актыўнага з'яўлення бурбалак, каб мука паспела разысціся і бурбалкі раўнамерна размеркаваліся ў цесце.
Больш цеста не змешваць, у лыжку набіраць акуратна з краю. Лыжку прамазаць алеем, тады аладкі не будуць прыгараць. На добра нагрэтую патэльню ўліць 1 ст л расліннага алею і прагрэць яго, зменшыць нагрэў да ўмерана сярэдняга.
У гэты час чысцім яблыкі і рэжам на кавалачкі. Сталовую лыжку акунуць у раслінны алей і зачэрпнуўшы цеста, выкладваць яго, дапамагаючы чайнай лыжкай, альбо вільготным пальцам. Наверх аладкі дадаем пару кавалачкаў яблыкаў. Смажым з двух бакоў.
Смажыць да румянага стану знізу і да з'яўлення дзірачак зверху. Затым перавярнуць і абсмажыць з іншага боку. Кожны раз змазваць скараводу.
Гатовыя аладкі выкладваць на папяровы ручнік, каб ён увабраў залішняе масла.
З яблыкам яны атрымліваюцца вельмі далікатнымі.
Вось некалькі сакрэтаў прыгатавання аладак:
- Пышныя аладкі атрымліваюцца толькі з густога цеста.
- Яйкі і малочныя прадукты браць пакаёвай тэмпературы.
- Цеста абавязкова павінна настаяцца, каб насыцілася кіслародам і стала больш лёгкім.
- Замешваць цеста ў адзін бок — яно атрымаецца гладчэйшым і глянцавым.
- Дабавак шмат не ўводзіць, каб цеста змагло падняцца.
- Порцыі цеста — не больш за сталовую лыжку, інакш будзе цяжка прасмажвацца.
- Уводзіць муку невялікімі порцыямі, для лепшага мяшання.
https://bel.24health.by/aladki-na-snyadanak-top-4-prostyx-recepta-ad-kulinarnaga-blogera/
