Свята хоць кожны дзень
Калі на постсавецкай прасторы пачалі адчыняцца першыя крамы для дарослых, стаўленне грамадства да іх кліентаў вагалася дзесьці паміж асуджэннем і дакорам. І гэта нягледзячы на тое, што пакупнікоў было хоць адбаўляй. Сёння сітуацыя змянілася кардынальна.
У Беларусі даволі развітая сетка рэальных і віртуальных сэкс-шопаў. Гандаль у іх ідзе актыўна і бесперабойна. Асартымент тавараў цалкам задавальняе попыт. І людзі гатовыя плаціць за разнастайнасць і пікантныя адчуванні роўна столькі, наколькі высока ў іх асабістай пірамідзе пераваг каштуе патрэба ў сэксуальнай асалодзе і задавальненні. Адразу скажам: шмат.
Ала Пірумава працуе прадаўцом-кансультантам у краме для дарослых «Каханне» крыху менш за год. Пра тавар ведае дасканала (службовыя інструкцыі абавязваюць) і ўжо паспела скласці ўласнае меркаванне аб сэксуальных патрэбах і перавагах беларусаў.
– Чамусьці абывацеляў цікавіць адно і тое ж пытанне: хто карыстаецца паслугамі сэкс-шопаў, – паціскае плячыма Ала Пірумава. – Тэма сэксу дзесяцігоддзямі была пад табу, і гэта наклала свой адбітак на агульнае ўяўленне, што ў крамы для дарослых ходзяць людзі адзінокія або з ненармальнымі фантазіямі. Зусім не. Больш за тое, так званага партрэта пакупніка таксама няма. Сярод нашых кліентаў людзі ад 18 гадоў да 60+, юнакі і дзяўчаты, мужчыны і жанчыны, сямейныя пары і адзіночкі, з сярэднім дастаткам і вельмі заможныя. Адзінае, што іх, мабыць, аб'ядноўвае: пэўная доля сарамлівасці. Гэта значыць, разуменне сваіх сэксуальных патрэбаў ёсць, але любая размова пра сэкс па-ранейшаму фарбуе ў чырвань. Так што без тонкага псіхалагічнага чуцця і навыкаў эфектыўнай камунікацыі тут не абысціся.
Яшчэ большай далікатнасці патрабуе катэгорыя людзей, якія прыходзяць у краму не па разнастайнасць, а па рэальную дапамогу. Для іх вырашальным аргументам набыць спецыфічны сэксуальны тавар становіцца, напрыклад, палавое бяссілле або немагчымасць дасягнуць аргазму традыцыйным спосабам.
Зараз у сэкс-шопах гарачая пара. Напярэдадні любых святаў, кажа Ала Пірумава, заўсёды адзначаецца ўсплёск сэксуальных фантазій і павышаны попыт на сэкс-цацкі. Сэксолагі лічаць, што ў гэтым няма нічога ганебнага.
Напрыклад, наш эксперт Васіль Шаўлякоў, псіхатэрапеўт, сэксолаг Рэспубліканскага сэксалагічнага цэнтра, перакананы, што прымяненне розных практык, у тым ліку з выкарыстаннем цацак сэксуальнага характару, каб палепшыць інтымны складнік жыцця і, напрыклад, захаваць адносіны – прыкмета эмацыянальнай сталасці.
Галоўнае, у нейкі момант не «пераіграць», не грэбаваць правіламі бяспечных паводзінаў і інтымнай гігіены. Інакш сэкс, безумоўна карысны для здароўя, можа стаць прычынай сур'ёзных захворванняў.
Усё тое здаровае, што не заразнае
Магчымасць падчапіць інфекцыю праз сэксуальныя цацкі пры іх няправільным выкарыстанні, неналежным доглядзе і захоўванні абсалютна рэальная. Але неспадзяванка ў тым, што інфармацыі аб прынцыповай важнасці асабістай інтымнай гігіены і аб бяспечных сексуальных паводзінах вельмі шмат. А вось у лікбезе па выкарыстанні і доглядзе тавараў для дарослых на фоне попыту на іх, які расце, утварыўся вялікі разрыў.
Існуе памылковае меркаванне, што калі ўжо цацка індывідуальнага карыстання, дык сам сабе чалавек нашкодзіць нічым не можа.
Наш эксперт Уладзімір Сталяроў, дэрматавенеролаг Гарадскога скурна-венералагічнага дыспансэра г.Мінска, абвяргае гэты міф.
– Акрамя класічных, традыцыйных відаў сэксу, некаторыя практыкуюць таксама анальны і аральны. Тут трэба заўважыць, што мікрафлоры ў прамой кішцы, у роце і ў похве абсалютна розныя. Спалучаць усе гэтыя тэхнікі, скажам так, у адным падыходзе – вялікая рызыка інфіцыравання, і ў першую чаргу для жанчыны. Няправільнае і негігіенічнае выкарыстанне цацак цягне за сабой для яе шырокі набор інфекцый, якія перадаюцца палавым шляхам, і запаленчых захворванняў мочапалавой сферы.
Напрыклад, на паверхні зубоў жыве Спірахета дэнталіс. Пры кантакце з геніталіямі яна выклікае язвы, падобныя на сіфілітычныя.
Ні да чаго добрага не прывядзе і абмен пры аральна-вагінальным сэксе вірусамі простага герпесу 1 тыпу (лабіяльнага, які характарызуецца, як правіла, герпетычнымі высыпаннямі на слізістай рота) і 2 тыпу (генітальнага).
А вось асноўную мікрафлору прамой кішкі ўяўляе Эшэрыхія колі (кішэчная палачка). З-за анатамічных асаблівасцяў будовы палавой сферы ў жанчын патагенны мікраарганізм можа патрапіць у похву нават пры недастатковай інтымнай гігіене. Сэкс-цацка ў гэтым выпадку і ўвогуле можа выступіць «транспартам» для мікраарганізмаў.
– Нават калі прадметы сексуальнага характару выкарыстоўваюцца ў інтымных адносінах унутры сям'і, захаванне правілаў асабістай гігіены і гігіены наогул павінна быць першарадным, – падкрэслівае Уладзімір Сталяроў. – Шмат разоў павялічваецца рызыка падчапіць інфекцыю, калі адна цацка выкарыстоўваецца пры групавым сэксе. Без крыўдаў, але ў такіх забаўках вядучую ролю адыгрываюць падкоркавыя сэксуальныя інстынкты. Наўрад ці хтосьці стане бегаць, каб памыць і апрацаваць цацку, як трэба, пасля кожнага новага партнёра. А калі яшчэ да традыцыйнага палавога акту дадаюцца анальны і аральны сэкс, рызыкі падвойваюцца.
Калі хаця б адзін з групы з'яўляецца носьбітам інфекцыі або, горш за тое, венерычнага захворвання, ва ўсіх удзельнікаў, хто апасродкавана кантактаваў з ім, практычна няма шанцаў выйсці з гульні чыстымі. Тут ужо спіс таго, што можна атрымаць у нагрузку да сэксуальнага задавальнення, сапраўды шырокі: хламідыі, міка- і урэяплазмы і іншыя ІППШ (інфекцыі, якія перадаюцца палавым шляхам); венерычныя захворванні: трыхаманада, пранцы, ганарэя; вірусы герпесу і папіломы чалавека (што асабліва актуальна для жанчын, паколькі ВПЧ уяўляе небяспеку з-за высокай анкагеннасці); ВІЧ, гепатыт, якія таксама могуць перадавацца палавым шляхам.
Пра бяспеку дэвайсу для сэксуальных уцех можна казаць тады, калі ён ужываецца выключна індывідуальна, пры гэтым старанна захоўваюцца меры яго правільнага выкарыстання, апрацоўкі, дэзінфекцыі і захоўвання.
7 правілаў бяспечнага выкарыстання сэкс-цацак
Калі вы досыць разняволеныя ў сэксуальным плане, эмацыянальна сталыя і не баіцеся смелых эксперыментаў альбо проста шукаеце спосаб кампенсаваць некаторыя праблемы ў інтымным жыцці, які б ні быў матыў паходу ў сэкс-шоп – гэта ваш выбар і ваша рашэнне. Але памятайце: правільная эксплуатацыя, догляд і захоўванне сэксуальных цацак забяспечаць ім доўгае жыццё і не паставяць пад удар сэксуальнае здароўе.
Мы папрасілі Уладзіміра Сталярова і Алу Пірумаву пералічыць асноўныя правілы граматнага карыстання і належнага догляду сэкс-цацак:
- Любую цацку сэксуальнага характару абавязкова трэба мыць перад першым выкарыстаннем і пасля кожнага выкарыстання (прычым адразу, а не на наступны дзень)!
- Шкляным і металічным прадметам падыдуць любыя спосабы апрацоўкі: мыццё ў цёплай мыльнай вадзе, у пасудамыйцы, нават кіпячэнне. Іх можна і трэба апрацоўваць дэзінфіцыруючымі сродкамі (напрыклад, хлоргексідынам).
- Вырабы з АВС-пластыку таксама непераборлівыя ў доглядзе і лёгка перанясуць мыццё ў цёплай вадзе з мяккім мылам. Пластык, як правіла, фарбаваны, таму выкарыстанне грубых чысцячых кампанентаў у складзе мыйных сродкаў можа прывесці да аблузвання фарбы. Напрыклад, гаспадарчае мыла дакладна не падыходзіць, хаця гэта выдатны сродак, які, дзякуючы шчолачнаму складу, эфектыўна спраўляецца з мноствам патагенных мікраарганізмаў.
- А вось цацкі з полівінілхларыду, тэрмапластычнага эластану і сілікону патрабуюць далікатнай апрацоўкі. Мыць іх трэба таксама пад цёплай праточнай вадой з мяккім мыйным сродкам без аддушак, апрацоўваць антысептыкам. Захоўваць вырабы варта, старанна апрацаваўшы адмысловымі сродкамі: талькам або пудрай, прызначанымі канкрэтна для гэтых мэтаў. Ніякай мукі і дзіцячай прысыпкі, падкрэслівае Ала Пірумава і кажа, што прэцэдэнты былі. Матэрыялы дастаткова порыстыя і могуць засмечвацца. Выкарыстанне для догляду падручных сродкаў прывядзе да таго, што ўжо неўзабаве з цацкай давядзецца развітацца: яе знешні выгляд будзе безнадзейна сапсаваны, а сам выраб стане небяспечным для здароўя.
- Кіберскура (кіберскін) – самы няпросты ў доглядзе матэрыял, з якога вырабляюць максімальна рэалістычныя па вонкавым выглядзе і тактыльных адчуваннях сэксуальныя цацкі. Яны могуць перанесці мыццё ў цёплай вадзе, але патрабуюць дадатковай апрацоўкі адмысловымі сродкамі, у тым ліку з абеззаражвальным эфектам. Сродкі па доглядзе, як правіла, прадаюцца ў сэкс-шопах і суправаджаюцца дакументамі, якія пацвярджаюць іх якасць і бяспеку. Таксама перад захоўваннем абавязкова трэба апрацоўваць вырабы з кіберскуры адмысловым спрэем або талькам.
2. Калі цацкі аснашчаны батарэйкамі або іншымі элементамі сілкавання, неабходна не дапускаць іх кантакту з вадой. Выключэнне складаюць воданепранікальныя тавары, якія працуюць на usb-зарадцы. Usb-уваход надзейна зачынены, і такія цацкі можна браць з сабой у ванну і ў душ.
3. Пасля апрацоўкі выраб неабходна старанна высушыць, захоўваць у індывідуальнай упакоўцы ў цёмным месцы. У вільготным асяроддзі (асабліва, калі прадмет быў нядбайна вымыты і на ім засталіся сляды фізіялагічных вылучэнняў) узбуджальнікі інфекцый могуць даволі доўга захоўваць сваю актыўнасць. Аптымальна, каб цацкі сохлі пры натуральнай тэмпературы. А вырабы з кіберскуры яшчэ і ў ізаляваным месцы, якое праветрываецца, паколькі матэрыял мае ўласцівасць чапляць на сябе ўсё: поўсць жывёл, мікрачасцінкі пылу, варсінкі тканіны. Выціраць цацкі з кіберскуры катэгарычна нельга! Батарэйкі і здымныя элементы сілкавання, калі яны ёсць, перад захоўваннем неабходна даставаць.
4. Строга захоўвайце тэрміны эксплуатацыі сэксуальных цацак, асабліва тых, якія выкарыстоўваюцца непасрэдна для пранікнення. У большасці выпадкаў пры належным доглядзе і захоўванні бяспечна карыстацца імі можна на працягу 1 года, калі прадмет выраблены з сілікону – не больш за 2 гады. Ні ў якім разе нельга выкарыстоўваць сэкс-аксэсуары, калі на іх з'явіліся бачныя пашкоджанні (мікратрэшчыны, драпіны, сколы) і/або непрыемны затхлы пах.
5. Выкарыстоўвайце правільныя лубрыканты. Дадатковая змазка абавязкова патрэбна, нават калі здаецца, што сваёй хопіць. Гэта дапаможа мінімізаваць рызыку мікратрэшчын і ранак похвы. Пры гэтым лубрыканты трэба выбіраць тыя, якія падыходзяць да матэрыялу цацкі. Універсальны (на воднай аснове) падыходзіць пад усе сэкс-аксэсуары, а вось лубрыканты на сіліконавай аснове могуць нашкодзіць вырабам са шкла і металу. Алейныя сродкі ідэальныя для традыцыйнага сэксу без выкарыстання сэкс-цацак і для інтымнага масажу.
6. Абавязкова выкарыстоўвайце прэзерватывы! Вытворцы прама паказваюць гэта на ўпакоўцы тавару. Прэзерватыў – гэта не толькі сродак кантрацэпцыі (што ў выпадку з сэкс-цацкамі не актуальна), але і эфектыўны бар'ер для большасці інфекцый.
7. Абсалютна кожная рэч з асартыменту сэкс-шопаў (за выключэннем хіба што лубрыкантаў) – строга індывідуальнага карыстання. Як зубная шчотка. Любыя варыянты «з рук у рукі» павінны быць выключаны, калі толькі ў вас няма мэты калекцыяніраваць інфекцыі, якія перадаюцца палавым шляхам.
– Але ведаеце, што самае цікавае? – кажа Ала Пірумава. – Гэта ўсяго толькі рэкамендацыі, хаця мы абавязкова прамаўляем іх кожнаму нашаму кліенту. Прыслухацца да іх ці не – асабістая справа кожнага і яго ж асабістая адказнасць за сваё здароўе і здароўе партнёра. Але, трэба прызнаць, пакуль у беларусаў гэта не самае моцнае месца: толькі за 1 месяц у беларускім сегменце сеткі інтэрнэт было 11 запытаў на набыццё сэкс-цацак, якія былі ва ўжыванні. Як ёсць.
Фота – Віталь Гіль.
https://bel.24health.by/muzhchiny-i-seks-ne-vse-to-pravda-vo-chto-xochetsya-verit/
