Найсмачнейшая восеньская страва, калі шмат яблыкаў прывезлі з лецішча.
Інгрэдыенты:
Спосаб прыгатавання
Змяшаць яйка з цукрам і соллю. Моцна ўзбіваць не трэба, проста размяшаць, каб цукар і соль растварыліся.
У мікрахвалёўцы альбо на пліце злёгку падцяпліць кефір — да першага «булька». У яечную сумесь, бесперапынна памешваючы, паступова ўліваць цёплы кефір.
Прасеяць адмераную колькасць мукі ў асобную міску. У вадкую сумесь невялікімі порцыям уводзіць муку і ўмешваць венцам у адным кірунку, замясіць густое, аднастайнае цеста.
Цеста не павінна свабодна слізгаць з лыжкі. Калі атрымалаецца рэдкім — рэба дадаць мукі, калі моцна густое — кефіру, але вельмі па-малу, каб улавіць патрэбную кансістэнцыю.
І толькі ў гэты момант, па-над цестам прасеяць соду. Старанна, але хутка ўмяшаць яе ў цеста. Адразу ж пачынаюць з'яўляцца бурбалкі — гэта кефір гасіць соду, цеста становіцца паветраным, сітаватым, лёгкім.
Сода зробіць цеста лягчэй і крыху жыжэй. Разліваць такое цеста стане зручней. Даць цесту пастаяць 10 - 15 хвілін да актыўнага з'яўлення бурбалак, каб мука паспела разысціся і бурбалкі раўнамерна размеркаваліся ў цесце.
Больш цеста не змешваць, у лыжку набіраць акуратна з краю. Лыжку прамазаць алеем, тады аладкі не будуць прыгараць. На добра нагрэтую патэльню ўліць 1 ст л расліннага алею і прагрэць яго, зменшыць нагрэў да ўмерана сярэдняга.
У гэты час чысцім яблыкі і рэжам на кавалачкі. Сталовую лыжку акунуць у раслінны алей і зачэрпнуўшы цеста, выкладваць яго, дапамагаючы чайнай лыжкай, альбо вільготным пальцам. Наверх аладкі дадаем пару кавалачкаў яблыкаў. Смажым з двух бакоў.
Смажыць да румянага стану знізу і да з'яўлення дзірачак зверху. Затым перавярнуць і абсмажыць з іншага боку. Кожны раз змазваць скараводу.
Гатовыя аладкі выкладваць на папяровы ручнік, каб ён увабраў залішняе масла.
З яблыкам яны атрымліваюцца вельмі далікатнымі.
Вось некалькі сакрэтаў прыгатавання аладак:
https://bel.24health.by/aladki-na-snyadanak-top-4-prostyx-recepta-ad-kulinarnaga-blogera/
Заслужаны артыст Рэспублікі Беларусь Леанід Аляксандравіч Улашчанка служыць у ТЮГу 57 гадоў. Больш за 120 роляў у спектаклях, здымкі ў папулярных серыялах і мастацкіх фільмах, сотні агучаных радыёперадач у яго творчай скарбонцы.
Яшчэ Леанід Аляксандравіч – таленавіты казачнік. Яго казкі выдаюцца ў вядучых выдавецтвах, навагоднюю п’есу «Шукайма Завейку» ставіў ТЮГ, а «Беларусьфільм» у 2014 годзе паводле яго казкі зняў мультфільм «Песня жаўрука».
Кнігі Леаніда Улашчанкі можна адшукаць у бібліятэках. Я ж на сваёй кніжнай паліцы маю падараваныя мне аўтарам асобнікі. Казкі з іх перачытвала, рыхтуючыся пісаць у рубрыку. Па шчырасці, шмат якія нібы ўбачыла новымі вачыма. Не дзіва: ад першай сустрэчы з імі мінула амаль пятнаццаць гадоў. За гэты час змянілася я сама, змянілася жыццё – але вось жа цуд: каштоўнасці, якія абараняе сваёй творчасцю казачнік, за гэты час сталі яшчэ даражэйшымі! Сяброўства, узаемапавага, стаўленне да працы, слугаванне сваёй справе, неабходнасць знайсці сваё месца ў жыцці, смак хлеба – сталеючы і праходзячы праз жыццёвыя выпрабаванні, ты і сам нібы дарастаеш да новага ўспрыяцця рэчаў, якія ўчора выдавалі простымі – альбо зусім не задумваўся пра іх. З гадамі – і ў гэтым моц сапраўдных казак – вучышся адкрываць у іх новыя сэнсы і знаходзіш падказку.
Казкі Леаніда Улашчанкі менавіта такія – нібы ў шмат столачак загорнутыя. Дзіця заслухаецца, бо ўсё ў іх проста і зразумела, аповед дынамічны, жывы. Разумны дарослы задумаецца: у якіх жыццёвых варунках, з якіх назіранняў, суперажыванняў нараджаліся казкі.
Напрыклад, вось гэтая.
«Жылі-былі на свеце Акуляры і Кіёк. І быў у іх гаспадар – добры чалавек. Чаму добры? Ды таму, што чалавек павінен быць добрым. На тое ён і чалавек», — так пачынаецца казка «Акуляры і Кіёк» з аўтарскага зборніка «Хто галоўны» («Мастацкая літаратура», 2008).
Казка ж – на тое і казка, каб адбываліся ў ёй цуды і ператварэнні. Таму не дзіва, што Акуляры і Кіёк спрачаюцца, высвятляюць адносіны, даводзяць адзін другому, хто важнейшы – ды ўрэшце ламаюцца…
А вось ганарысты Гузік (герой казкі з такой самай назвай) у надзеі на выключнае жыццё збягае ад сваіх братоў, прышытых на паліто, боўтаецца па свеце – каб аднойчы апынуцца ў кішэні дворніка сярод мноства іншых згубленых гузікаў.
«Гузіку раптам падумалася: кожны з іх – напэўна, як і ён сам – шкадуе аб тым, што з такой лёгкасцю адарваўся ад сваіх паліто, світак, кашуль, ад сваіх братоў-гузікаў».
У казцы ж «Хто галоўны», якая і дала назву зборніку, разышліся і пачалі высвятляць, хто з іх лепшы, стравы на накрытым стале! Грэцкая Каша, Падліўка, Дранікі, Салата, Фаршыраваны Шчупак, Бульба, Цыбуля і Часнык – кожны ўважаў сябе найважнейшым! Нарэшце ля стала з’явілася Гаспадыня.
«– А мамкі мае, а зязюлькі! Гэта ж трэба – Хлеб не паставіла. Так закруцілася, што і пра галоўнае забылася!..
Усе стравы прыціхлі.
Хлеб! Ён ніколі не прыядаецца і ніколі не лішні, колькі б яго ні было. Ён і ёсць усяму галава».
Вось так — рэчы паводзяцца зусім як людзі і падаюць жыццёвыя ўрокі. У зборнік “Хто галоўны” уключаны дваццаць казак. Асобная асалода — ілюстрацыі Марыны Лагуновай і Аляксандры Стэльмашонак. Мару, што знойдзецца выдавец, які паўторыць гэтае выданне.
У 2016 годзе, зноў у «Мастацкай літаратуры», выйшла кніга Леаніда Улашчанкі «Ножкі сараканожкі» (мастак Павел Кандрусевіч).
…Малая Кацярынка збiраецца ў дзiцячы садок. Толькі куды падзеліся яе панчошкi. Мо, казачная сараканожка прыхавала іх для сябе? Дзед Лявон распавядае ўнучцы гiсторыю, як Сараканожка была Бязножкай. Яна не хадзiла, а кулялася з хваста на галаву. Не тое што слiмакі, смаўжы і чарвякі – у іх ногі былі.
«Смешна чарвякi хадзiлi: пярэднiя ножкi — тэп–тэп, а задняя — скок, пярэднiя — тэп–тэп, а задняя — скок». Калі ж яны набегалiся да стомы ды адкiнулi свае ножкi, каб адпачыць, Бязножка выпадкова iх i прысабечыла...
Казка пра Завейку, гiсторыя пра Страказу-падманшчыцу і Жабу — самыя сапраўдныя ўрокі жыцця. Глыбокія, мудрыя, бо ў казках Леаніда Улашчанкі дзівосы не дзеля дзівосаў. Яны дапамагаюць пагаварыць пра вельмі важныя жыццёвыя сітуацыі, тлумачаць важныя рэчы.
Казачніку ўдаецца расказваць, гуляючы. Не здарма ж ён – прафесійны акцёр! Больш чым паўстагоддзя служэння ТЮГу навучыла казачніка разумець дзяцей, іх рэакцыі, сакрэты ўтрымання ўвагі. Казкі Леаніда Улашчанкі чытаюцца як баяцца. Асабліва гэта адчувальна, калі чытаеш іх менавіта ўголас.
Зусім нядаўна мая паліца пабагацела яшчэ на адну кнігу «Леанід Улашчанка. Жыццё ў яве і на сцэне» («Адукацыя і выхаванне», серыя «Асобы»). Аснова яе – расказ Леаніда Улашчанкі пра сваё жыццё, шлях у прафесію, сям’ю, служэнне тэатру. Расказваюць пра артыста і яго сябры, дзеці, унукі.
Адрасавана кніга даросламу чытачу. Але ж колькі там цікавага, што можна пераказаць і дзецям. Я ўзяла кнігу – і не выпусціла з рук, пакуль не прачытала. Усім раю – не прапусціце! Даведаецеся не толькі пра тое, як вядомага артыста і цудоўнага казачніка жыццё песціць-галубіць, але і пра тое – чаму яму так шчасціць. Упэўнена: рэцэпты гэтага шанцавання кожнаму спатрэбяцца.
Падзялюся толькі дробачкам фактаў зорнай біяграфіі артыста.
Толькі пяць «зорных» фактаў, а іх у кнізе – на кожнай старонцы. Для мяне яны сталіся моцнай падтрымкай і жывым сведчаннем, што сумленне і талент упрыгожваюць любую працу, а ўпарты рух па шляху паклікання дае на ўсё сілы і дорыць магчымасці.
Перакананая, што кожны атрымае сваю порцыю пазітыву ад сустрэч з творчасцю Леаніда Улашчанкі. Што б ні ствараў гэты светлы чалавек – усё ў яго атрымліваецца са знакам якасці, бо робіцца з любоўю. Нібыта Казка вядзе Леаніда Аляксандравіча за руку – а ён крочыць за ёй і сваёй сонечнай усмешкай асвятляе шлях, які вядзе ў свет дабрыні.
Паміж Зембінам Барысаўскага раёна і Бягомлем, паблізу ад трасы Р3, знаходзіцца шэраг сакральных прыродных аб’ектаў — Святаянская Гара, крыніца Ёзусік, Здань-Камень, Князь-Камень, Камяні Быкі.
Ад саміх гэтых назваў патыхае архаічнымі старажытнымі паданнямі. У беларусаў ва ўсе часы ўшаноўвалі крыніцы, камяні, узгоркі… Бо такая беларуская душа – бачыць ва ўсіх прыродных праявах боскую прысутнасць.
Сённяшняе наша падарожжа пачнецца са старажытнага мястэчка Зембін Барысаўскага раёна Мінскай вобласці. Першая пісьмовая згадка пра яго датуецца 1526 годам. Але яшчэ да гэтага часу тут існаваў вялікі маёнтак, якім валодалі Радзівілы. У мястэчка даволі часта мяняліся ўладальнікі. Яно ведала перыяды росквіту і заняпаду. Апроч Радзівілаў, у розныя часы гаспадарылі тут Кішкі, Саковічы, Патоцкія, Война-Ясянецкія, Храптовічы, Ліхадзіеўскія, Хэлхоўскія. У Зембіне мірна ўжываліся праваслаўе, каталіцызм і юдаізм, вернікі наведвалі свае храмы: праваслаўную царкву, касцёл і сінагогу.
У 1640 годзе ў Зембіне быў заснаваны кляштар ордэна дамініканаў. Ініцыятарамі былі Адам Саковіч і яго жонка Мар’яна, народжаная Тышкевіч. Манахам перадалі драўляны касцёл Унебаўзяцця Дзевы Марыі, збудаваны ў 1609-м годзе. Яны заснавалі тут бібліятэку, якая была ў свой час самай багатай у краі. У 1790 годзе драўляны касцёл згарэў, і праз 20 гадоў на яго месцы быў узведзены новы манументальны будынак з цэглы. Скульптура Святой Панны стала галоўным упрыгожаннем франтона храма, а галоўны алтарны абраз Ісуса Хрыста быў аўтарства самога Яна Дамеля. Пры кляштары ўтварылася школа, а знакамітая бібліятэка згарэла падчас вайны 1812 года. Вядома, што ў гэты час праз Зембін адыходзіла ладна парадзелае пасля пераправы праз Бярэзіну войска Напалеона. Як апавядаюць архіўныя крыніцы, 29 лістапада 1812 года ён правёў ноч у мястэчку. Легенда кажа, што ў храме спавядаўся смяротна паранены французскі генерал, па іншых звестках – галоўны капелан вялікага войска. Тут ён памёр і нібыта быў пахаваны каля касцёла.
Касцёл дзейнічаў да 1932 года, потым яго закрылі. З таго часу храм разбураўся. Зараз ад яго засталася толькі франтальная сцяна са скульптурай Дзевы Марыі пад крыжам ды горы цэглы паміж рэшткамі муроў. Велічны некалі гмах, які мае статус помніка рэспубліканскага значэння, сёння знаходзіцца ў аварыйным стане.
Далей па дарозе на Глыбокае праз 20 кіламетраў знаходзіцца вёска Іканы, якая існуе з 18 стагоддзя. Адразу ж за ёй – паварот направа на вёску Смаляры. Побач узвышаецца сярод лесу гара, якую называюць Святаянскай або Святы Ян. На гэтай гары, вышынёй каля дваццаці метраў, яшчэ ў 30-я гады 20 стагоддзя стаяла драўляная капліца на мураваным падмурку, які крыху бачны і цяпер. У капліцы знаходзілася скульптура Святога Яна велічынёй у чалавечы рост.
На гары і ў наш час святкуюць Купалле. З-пад гары цячэ крыніца, якую называюць Ёзусік, Язусік або Святая крыніца. Яна ўзята ў цамбравіну. Раней побач стаяў вялізны драўляны крыж, і на Вадохрышча тут адбывалася вадасвяцце. Вада з крыніцы спрадвеку лічыцца лекавай ад розных хвароб. Паводле павер’яў, асаблівы чынам яна дапамагае перад Калядамі, у Чысты чацвер да ўзыходу сонца і перад Вялікаднем. Ушаноўвалі крыніцу і на іншыя святы народнага календара: на Яна, Міколу, Барыса і Глеба. Яшчэ ў сярэдіне 20 стагоддзя на свята Барыса і Глеба (6 жніўня) тут праходзілі вялікія кірмашы, куды з’язджаліся з усяго наваколля. Гару і крыніцу ўшаноўвалі як католікі, так і праваслаўныя. Гэта былі народныя святыні.
За 300 м на паўднёвы захад ад вёскі Смаляры, у лесе, ляжыць камень памерамі 3,5 х 2 метры і вышынёй 1,4 метры. Гэта ружова-шэры гранітны гнейс, пакінуты скандынаўскім ледавіком каля 200 тысяч гадоў таму. Валун называюць Здань-камень. Паданне гаворыць, што побач жылі здані, якія выглядалі прыгожымі дзяўчатамі. Калі позна ўвечары мужык вяртаўся з карчмы нападпітку, то на сцежцы аб’яўляліся дзве зданкі, ветліва бралі небараку пад рукі, вялі да каменя, распраналі і ўкладвалі спаць. Мужык засынаў, а калі раніцай прачынаўся, то са здзіўленнем бачыў сябе ў такім выглядзе. Пра балота, якое знаходзіцца побач, расказваюць, што ўвечары адтуль з розных бакоў чуецца іржанне коней і бляянне авечак. Калі хто ішоў на гэтыя гукі, то ўсю ноч блукаў па лесе.
А ва ўрочышчы Тур’і Горы або Смалярскі Бор, што каля вёскі Бярозаўшчына, якая да 1964 года звалася Божадары, ляжыць Князь-камень. Да каменя вядзе дарога пад назвай Падкняжа. Ягоныя памеры 2,7 х 2,2 і вышыня 2 метры. Гэта ружова-чырвоны дробназярністы граніт. Камень у народзе карыстаецца пашанай і ў наш час. На вяршыні нават можна ўбачыць дробныя манеты, якія кладуць у якасці ахвяраванняў. На камені праглядаюцца выбітыя на ім ініцыялы “Г. В”. і дата “1871”. Гісторыкі звязваюць іх з колішнім уладальнікам гэтых зямель – Генрыхам Валовічам.
Пра Князь-камень таксама існуе шэраг паданняў. Паводле аднаго з іх, некалі тут уладарыў злы князь. Людзі не вытрымалі і праклялі яго. Князь скамянеў, увайшоў у зямлю, і засталася толькі ягоная галава. Іншае паданне кажа, што ў мясцовасці Тур’і Горы раней была вёска, куды аднойчы на свята Юр’я напалі шведы і ўчынілі рабунак. Сяляне схаваліся ў храме. Ворагі падпалілі вёску і кінуліся да царквы, выбілі дзверы і ўбачылі, што людзі стаяць на каленях і моляцца. Шведскі князь і некаторыя з яго атачэння пачалі страляць ў абразы. У імгненне невядомая сіла адкінула варвараў назад, і яны пабеглі, а тыя, што стралялі, аслеплі. Сам жа князь ператварыўся ў камень каля царквы. Яшчэ адно паданне кажа пра скарб – прыхаваную каля каменя скрыню з золатам, якую нібыта ўжо адкапалі. Гэты камень знаходзіцца пад аховай дзяржавы як помнік прыроды і як помнік гісторыі і культуры.
Непадалёк, таксама каля вёскі Бярозаўшчына, ва ўрочышчы Лужа, размясціліся два валуны, якія нібыта зрасліся разам. Вакол драўляная агароджа. У народзе іх называюць Каменныя быкі. Іх з’яўленне тут таксама абумоўлена глабальным зледзяненнем 120–200 тысяч гадоў таму. Памер паўночнага валуна 3,0×1,8 метра, паўднёвага – 2,5×1,4 метры, агульная вышыня складае 2,1 метр, а важаць камяні каля 50 тон.
Гэты прыродны помнік адметны не толькі з геалагічнага, але і з біялагічнага пункту гледжання. На паверхні валуноў расце 21 від лішайнікаў, пры гэтым 4 з іх адносяцца да рэдкіх. Іх назва звязаная з легендай, паводле якой, селянін з вёскі Іканы ў першы дзень Вялікадня паехаў з быкамі араць поле. Жонка панесла яму абед, а за ёй пабег сабачка. Жанчына падышла да мужа і сказала “Дапамажы Бог!”. І адразу ж араты, быкі, жанчына і сабака скамянелі. З таго часу на тым полі людзі баяліся сеяць, і месца зарасло лесам.
Жыў-быў пад зямлёю Крот. Ён ніколі не бачыў ні яснага сонейка, ні тым больш чалавека, як і ўсёй зямной прыгажосці. Жыў сабе і лепшым сусветам за ўсё былі яго тунелі-лабірынты. Нават уявіць не мог, што над яго падземнымі хадамі-катакомбамі існуе паўнавартаснае жыццё з багатым раслінным і жывёльным светам.
Ён прызвычаіўся жыць адчуваннямі і слыхам. Дык хаця б так. Бо яго звычайнае быццам бы жыццё прыводзіла людзей у жах. Ніякае надвор’е не замінала Крату штодзённа працаваць на сваім падземным метро — ні летняя спёка, ні зімняя водліж.
Рые свае хады ён не толькі на лугах ды выганах, дзе адна шкода — перарытая сенажаць ды паша для жывёлы, але і да людскіх агародаў дабраўся. Каб хаця на сцежках ці міжраддзі, дык не — абавязкова грады як плугам пераарэ.
З раніцы гаспадыня выйдзе ў агарод і вачам сваім не паверыць: руцінная праца яе перакрэслена зямельнымі пірамідамі-выспачкамі. Увесь агарод дыбам стаіць. Свежая зямля дыхала ранкам. Толькі ні гаспадыні, ні пасаджанай ёю гародніне не да радасці.
Гаспадыня з тае злосці вілы схапіла і пачала разграбаць разгорнутую зямельку. Раскідвае, а калі і вілы ў падазроную выспачку ўторкне.
— Вось табе, нягоднік!
— Атрымлівай! — прычытала бабуля. — Усе адно не дам табе жыцця.
Але мінаў дзень-другі — і стары знаёмы зноў вяртаўся.
— Лаві крата! — чулася то на адным, то на другім панадворку.
Тым часам дзед Васіль пагадзіўся са сваёй гаспадыняй і распачаў абкошваць у садзе ды прамежкі.
Толькі ён узмахнуў касою колькі разоў, як яе лязо шоргнула па зямельнай пірамідзе. Дзед вылаяўся, а калі падняў касу паглядзець ці ўвагнаў шчарбіну, літаральна за пару метраў ад яго паперадзе расла-уздымалася свежая піраміда. І дзёран, і кветкі — усе на яго шляху рушылася. Нават легкакрылы матылёк Апалон, што прысеў на сінявокі званочак выпіць ранішняга салодкага нектару, ледзь не ўпаў ад нечаканых падземных штуршкоў падземнага будаўніка.
— Глядзі ты, які нахабнік! — прамовіў дзед.
Тым часам са свежай пірамідкі-выспачкі з'явілася чорная істота, з ружовым, расплюшчаным, як у маладога парасяці носам і вусамі на месцы вачэй. Агромністыя, як у плаваючай выдры вывернутыя вонкі лапы з доўгімі кіпцюрамі працягвалі корпацца ў траве, нібыта штосьці шукаючы.
Раптам на чырвоны яго нос-пятак сеў той самы няўрымслівы матылёк Апалон.
— Э-ээ! Як вас там?
— Я — матылёк Апалон. — А ты хто такі?
— А я самы лепшы метрабудавец, — прахрыпеў Крот.
— Во як! Першы шкоднік на прысядзібных участках, а выдае сябе за дабрадзея.
— Шкоднік ты!
— Чаму адразу так? Я рыхлю зямлю і, каб вы ведалі, спадар Апалон, знішчаю лічынкі агародных шкоднікаў.
— Каб толькі! — азваўся, падышоўшы дзед Васіль. — А хто шкодзіць агародным раслінам, якія гінуць з-за пашкоджаных карэньчыкаў. А яшчэ ты, Крот, знішчаеш карысных для агародаў дажджавых чарвякоў...
— Бывае і такое! — Ды не казычы, спадар Апалон! Я усё зразумеў. Мне здавалася, што я прыношу толькі карысць, таму і рыю сабе спакойна свае новыя хады-лабірынты.
— Хады-лабірынты! Хады—лабірынты! — перадражнілі яго Цыбулінка з Моркваю. — Ах ты, гад! Усе грады ўзняў уверх дном! Апраўдваецца яшчэ. Нездарма на цябе здавён палююць.
— Пачакайце, я зараз некага прывяду ў рэальныя пачуцці. Тут Аса села прама на чырвоны нос Крата і ўджаліла так, што падземны жыхар, быццам падсмалены, задаў нырца ў густую шаўкавістую траву.
— Лаві Крата! Лаві Крата! — чулася па ўсім наваколлі.
Усе прыціхлі. А праз хвіліну—другую крыху воддаль ад апошняга пад'ёму адна за другой пачалі з'яўляцца свежыя выспачкі- пірамідкі.
Крот так шпарка рухаўся пад зямлёю, што матылёк Апалон і Аса ледзь паспявалі пералятаць з кветкі на кветку, сочачы за яго шляхам.
— Во гэта дык падземны плывец! — Цыбулінка і Моркаўка пырснулі са смеху.
— Няхай гэты ўрок будзе яму навукай, — прамовіў дзед. — Але зараз мы павінны яго зноўку выманіць на паверхню, каб пазнаёміць і з нашым светам, і з нашымі жыццёвымі клопатамі.
— Ап-чхі! Ап-чхі! — чулася з-пад зямлі.
— Гэта, відаць, Крот падавіўся дажджавымі чарвячкамі, — казаў матылёк Апалон.
— Мы яму яшчэ пакажам хто тут гаспадар, а хто шкоднік, — у адзін голас прамовілі стрэлкі Часнаку. — Бачыце, нашыя галоўкі таксама вырыў. Цяпер мы няйначай загінем.
Гаў, гаў, гаў... - азваўся Пушок, пачуўшы гаману. — Я вас абараню ад гэтага самаўпэўненага метрабудаўца: высачу і ўпалюю. — Гаў, гаў!
— А я табе, Пушок, дапамагу, — падтрымаў памкненне чатырохногага сябра дзед.
Як толькі першыя зыркія промні слізганулі па страсе альтанкі дзед Васіль з Пушком былі ў поўнай гатоўнасці.
Толькі Пушок наставіў вушы, як дзед паказвае:
— Глядзі, Пушок, вунь і наш сябар шнуруе па ўчастку!
Пушок уміг аказаўся ля свежай выспачкі. Ён сваімі дужымі лапамі адным махам выкінуў на паверхню таго самага метрабудаўніка.
— А што, папаўся!
— Ай-яй-яй! Даруйце! — пішчэў, ажно падскокваў, чорны як смоль Крот. — Я больш ніколі не буду шкодзіць ні ў агародах, ні на сенажацях...
— А ведаеш, Крот, мы прапануем табе пажыць сярод нас, сярод расліннасці ды прыгожых кветак пад лагодным сонейкам.
— Дзякуй, але я не магу застацца сярод вашай прыгажосці. Я ж — сляпы і, па-другое, рухацца магу толькі пад зямлёю. — Абяцаю: больш ніколі не давядзецца на мяне паляваць, бо не буду шкодзіць. Самым дарагім — сваімі лапамі клянуся!
І, ці паверыце? Калі восень надышла збіраць ураджай — ніводная градка, ніводная гародніна пашкоджана не была. Гаспадары, а таксама іх памочнікі былі задаволены вынікам.
Але... Але рыць зямлю ён не перастаў, калі толькі на няўдобіцах ды ў бязлюдных месцах.
Хаця іншым разам чуецца:
— Лаві Крата! Лаві Крата!
Таксама чытайце іншыя казкі аўтара:
Чароўныя словы (казка) + аўдыё
Казка пра бульбінку + аўдыё
Прароцтвы лянівай Зязюлі (казка) + аўдыё
Сёлета верасень багаты на юбілеі знакамітых асоб. Так, прыхільнікі творчасці рэжысёра-пастаноўшчыка тэатра і кіно Барыса Іванавіча Луцэнкі з нагоды 85-годдзя ўспаміналі знакамітага творцу праз прызму спектакляў, фільмаў, цікавых гісторый.
Крытыкі кажуць, Барыс Іванавіч пабудаваў сваю незаменную сістэму тэатра. Яго рэжысёрскі почырк — індывідуальны, запамінальны і ўспрымаемы як выпадковым гледачом, так і прафесіяналамі.
Творца нарадзіўся 16 верасня 1937 года ў г. Майкопе, Краснадарскі край, Расія. Скончыў у 1967 годзе Беларускі дзяржаўны тэатральна-мастацкі інстытут (курс заслужанага дзеяча мастацтваў Рэспублікі Беларусь У.А.Маланкіна).
За 40 гадоў жыцця ў прафесійным мастацтве рэжысёр паставіў больш каля 100 спектакляў у тэатрах Беларусі, Расіі, Украіны, Латвіі, Літвы, Германіі, Швейцарыі, на Беларускім тэлебачанні стварыў шэраг фільмаў-спектакляў, зняў мастацкі фільм «Раскіданае гняздо» на кінастудыі «Беларусьфільм». І нарэшце выхаваў не адно пакаленне акцёраў і рэжысёраў. Шэкспір і Горкі, Брэхт і Меражкоўскі, Шылер і Гогаль, Макаёнак і Дудараў — вось далёка не поўны спіс блізкіх рэжысёру аўтараў.
Дзяцінства Барыса Луцэнкі прайшло на рацэ Белай станіцы Абадзекскай. Ён хадзіў у царкву, добра дэкламаваў вершы, любіў літаратуру і яму з дзяцінства падабаліся апладысменты. Пасля паступіў у чыгуначны кадледж. Калі скончыў, пачаў працаваць качагарам паравоза. І тым жа часам наведваў тэатральны кружок, спрабаваў самастойна паставіць спектакль.
Перад юнаком адкрываўся тэатральны свет і, калі з гарадскога тэатра Сызрані прыйшло запрашэнне заняць вакансію акцёра масавых сцэн, ён не вагаўся, упадабаючы сцэну і 40 рублёў грашыма паравознай будцы і зарплаце ў тры разы больш.
Кар'ера ў Сызраньскім тэатры раскручвалася імкліва. У масоўцы Барыс Іванавіч затрымаўся нядоўга, удала адпрацаваўшы некалькі эпізодаў і, неўзабаве дабраўся да галоўных роляў, сыграўшы смешнага цара ў спектаклі-казцы «Іван ды Мар'я».
У ёй жыў надзвычайны кактэйль менталітэтаў. Якой была артыстка Бэла Масумян
Паралельна, пры Доме культуры артыст Луцэнка вёў драматычны гурток і стаў сам ставіць спектаклі. Пасля паступіў на факультэт рэжысуры Беларускага тэатральна-мастацкага інстытута. Вучыўся, як кажуць, з поспехам. Усё падабалася: і выкладчыкі, і калегі-студэнты, і горад.
Рэжысёрская кар'ера пачалася ў Купалаўскім тэатры, дзе ён паставіў некалькі добрых спектакляў. Гэтак жа аншлагавы перыяд быў у Барыса Іванавіча ў Тэатры-студыі кінаакцёра, але родным домам назаўсёды стаў Рускі тэатр імя Горкага. У гэтым тэатры ён стаў лідарам, раскрыўся як рэжысёр і ператварыўся ў еўрапейскую знакамітасць.
Цяпер многія ўспамінаюць 1970-я як гады брэжнеўскага застою, але ў дадзеным выпадку іх можна назваць гадамі луцэнкаўскага росквіту, а значыць, і росквіту савецкага беларускага тэатра. Тэатралы, і не толькі яны, тэхнічная інтэлігенцыя, студэнцтва — здавалася, увесь Мінск прыходзіў на спектаклі Барыса Луцэнкі.
З 1973 па 1982 год Барыс Луцэнка ўзначальваў Дзяржаўны рускі драматычны тэатр Беларусі. Залатым перыядам Рускага тэатра называюць гады, калі Б.Луцэнка адзін за адным стварыў тры шэдэўра, якія сталі класікай беларускага тэатральнага мастацтва. «Макбет» У.Шэкспіра (1974) быў прызнаны адной з лепшых пастановак гэтай п'есы ў свеце і атрымаў гран-пры на Фестывалі ў Штутгарце. Спектакль «Трохграшовая опера» Б.Брэхта (1976) карыстаўся вялікай папулярнасцю ў гледачоў. Спектакль «Трагедыя чалавека» І.Мадача (1979) атрымаў гран-пры на Фестывалі венгерскай драматургіі, і тэатр быў запрошаны на гастролі ў Будапешт і Сольнак.
У 1980-я гады Барыс Іванавіч узначаліў тэатр-студыю кінаакцёра і вывеў яго ў самыя папулярныя тэатры Мінска. Самыя знакамітыя людзі краіны не раз наведвалі гэтую тэатральную пляцоўку, каб убачыць такія шэдэўры рэжысёра як: «Глядзіце, хто прыйшоў» У.Аро, «Шчасце маё» А.Чарвінскага, «Не баюся Вірджыніі Вулф» Э.Олбі, якія паднімалі вострасацыяльныя і маральныя праблемы, але ў той форме, якая была блізкая інтэлігенцыі, студэнцтву, ды і практычна ўсёй моладзі.
Таксама рэжысёр ажыццявіў шэраг пастановак за мяжой. Сярод іх спектакль «Рэвізор» М.Гогаля (1980) у Берлінскім драматычным тэатры імя М.Горкага, а таксама спектакль «Тры сястры ў Чарнобылі» А.Чэхава, С.Алексіевіч (2001). Гэтыя пастаноўкі былі высока ацэнены заходняй крытыкай. Спектаклі Барыса Луцэнкі ўдзельнічалі ў розных тэатральных фестывалях ва ўсім свеце і адзначаны ўзнагародамі і Гран-Пры. «Браты Моор», «Дэметрыус» былі на Шылераўскім фестывалі ў Мангейме, Веймары. Спектакль «У прыцемках» — на Расійскім фестывалі «Галасы гісторыі».
Бацькі і дзеці. Як новы спектакль віцебскага тэатра «Лялька» уплывае на сямейную псіхалогію
Другое прышэсце Барыса Луцэнкі ў Рускі тэатр адзначылася стварэннем цэлага шэрагу твораў, сугучных ужо новай эпосе і іншай публіцы.
Лідэрам наведвальнасці стала камедыя «Свабодны шлюб» Дарыа Фо і Франкі Рамэ, якая прэзентуе адносіны мужчыны і жанчыны, якія гледачы прымяраюць на сябе, размаўляючы з вядучым спектакля, п'юць шампанскае і нават галасуюць. Падзеяй у тэатральным жыцці Мінска сталі спектаклі «Дэметрыус» Шылера, «Амфітрыён» Мальера, «На змярканні» Аляксея Дударава і яшчэ многія спектаклі.
Творчасці Барыса Луцэнкі ўласціва імкненне да сцэнічнай метафарычнасці, псіхалагічнай дакладнасці ў характарыстыках персанажаў, пошук выразных пластычных рашэнняў.
Рэжысёр пайшоў з жыцця 5 лютага 2020 года пасля працяглай хваробы. Але ж памяць пра творцу жывая, у родным тэатры яго заўсёды ўспамінаюць і памятаюць, а гледачы застаюцца прыхільнікамі ўнікальнага таленту.
Жыватворная крыніца Студзянец, што бруіцца каля аднайменнай вёскі, авеяна сівымі легендамі. Велічны некалі, а цяпер у руінах Свята-Троіцкі храм, што месціцца ў забруджанай пасля Чарнобыльскай аварыі старажытнай вёсцы Саматэвічы Касцюкевіцкага раёна, малой радзіме народнага паэта Беларусі Аркадзя Куляшова. Гэта ўсё складнікі нашай непаўторнай і самабытнай культуры.
Ёсць у Касцюковіцкім раёне Магілёўскай вобласці вёска Студзянец. Такую назву яна атрымала ад студзёнай як лёд крынічнай вады, што выбіваецца з-пад зямлі непадалёк ад вёскі. Вада ў крыніцы спрадвеку лічыцца гаючай, вераць, што яна лекуе розныя хваробы, а асабліва дапамагае пры захворваннях страўніка і «рознай немачы». Таму і невыпадкова, што людзі пачалі сяліцца менавіта тут.
Паводле падання, крыніца першапачаткова выбівалася з-пад вялікага стогадовага дуба. На дрэве вісеў абраз Божай Маці, як сведчанне, што вада асвечаная вышэйшымі сіламі. Калі людзі сталі карыстацца гэтай вадой, то заўважылі, што пачалі пазбаўляцца хвароб. Тады і празвалі гэтую крыніцу Студзянец Святы. Цікавая гісторыя і дуба. Аднойчы ў яго шаты патрапіла маланка, і асілак пачаў засыхаць. Але з-пад пня прабіўся новы парастак, які неўзабаве вырас…
Цуд Навагрудчыны — крыніца з жывой і мёртвай вадой
Другое паданне адносіцца да канца XVIII стагоддзя. Паніч з роду Ціханавецкіх, які валодаў гэтымі землямі, вельмі доўга не меў дзяцей у шлюбе. Нехта са старцаў расказаў яму пра цудадзейную крыніцу. У Дзень Святога Духа ў 1896 годзе сям’я Ціханавецкіх арганізавала хрэсны ход да крыніцы. Муж і жонка памаліліся і выпілі святой вады. Тады паніч даў зарок над святыняй: калі ў яго з’явіцца спадчыннік, ён пабудуе над крыніцай капліцу. Пасля таго, як нарадзіўся сын, паніч выканаў абяцанне і ўзвёў над крыніцай капліцу. Яе асвяцілі ў Дзень Святога Духа. З таго часу на гэтае свята тут збіраецца шмат людзей. А крыніцу завуць яшчэ Свята-Духаўская.
Кажуць, што раней тут і сапраўды стаяла панская каплічка, але ў 1930-я гады яе спалілі. Спрабавалі засыпаць і крыніцу. Але вада кожны раз знаходзіла шлях і прабівалася на паверхню.
Сёння крыніца закутая ў жалезабетоннае кальцо з выхадам вады праз трубу. Арыгінальна зроблена сховішча для крыніцы — над ёй пабудавана цэлая хатка з двума ўваходамі. У першы трэба заходзіць, каб набраць вады, у другі – каб акунуцца ў купелі. Перад крыніцай на клумбе ўсталяваны вялікі праваслаўны паклонны крыж. Такі ж, толькі меншы, устаноўлены і побач з крыніцай. На яго вернікі падчас здзяйснення абрадаў навязваюць белыя ручнікі.
Нягледзячы на тое, што мясцовасць вакол крыніцы – з падвышаным радыяцыйным фонам, у 2002 годзе крыніца Студзянец была аб’яўлена гідралагічным помнікам прыроды мясцовага значэння. Агульная плошча помніка прыроды складае 0,01 гектар (100 м2).
Побач з вёскай Студзянец знаходзіцца вёска Саматэвічы, якая пасля Чарнобыльскай аварыі патрапіла ў забруджаную зону. Вёска мае для нашай краіны вялікае культурнае і гістарычнае значэнне. Як мястэчка гэтае паселішча згадваецца яшчэ ў 1585 годзе. У 1864 годзе тут было адкрыта народнае вучылішча, дзе навучаліся толькі хлопцы.
У мястэчку дзейнічалі вятрак, лякарня, бровар, запалкавая фабрыка, на якой працавала шэсць чалавек, габрэйскія крамы, карчма і пры ёй заезны двор. Мястэчка славілася сваімі ганчарамі, кавалямі і было вядома буйнымі кірмашамі, іх ладзілі два разы на год. У той час вёска належала Івану Галынскаму, правадыру Магілёўскага дваранства. Галынскія – старажытны беларускі шляхецкі род, які бярэ свой пачатак з-пад Навагрудка. Налічвае чатыры асноўныя галіны.
Сам Іван Галынскі быў каталіком, а ягоная жонка Анастасія – праваслаўная. Пасля смерці яе пахавалі каля царквы Святой Тройцы, якая ў тыя часы была яшчэ драўляным храмам. Пазней храм згарэў, і шляхціц вырашыў у памяць пра жонку ўзвесці на яго месцы цагляную царкву, запрасіў будаўнікоў з Санкт-Пецярбурга. Аднак, узвёўшы частку муроў, дойліды нешта не падзялілі са шляхціцам, і ўзводзіць астатнюю частку храма прыбыла брыгада з Масквы. Да 1842 года будаўніцтва храма было завершана. Анастасія Галынская была перапахаваная ў склепе, які знаходзіўся практычна ў цэнтры храма.
Збудавалі царкву сапраўды вельмі вялікіх памераў. Мяркуючы па ўсім, калісьці яна знаходзілася ў самым цэнтры тагачаснага немалога мястэчка. Вышыня святыні нават у наш час складае 30 метраў! Для параўнання: гэта вышыня тыповага дзевяціпавярховіка. Узведзены праваслаўны храм быў у візантыйска-рускім стылі – з’ява ўнікальная для Беларусі. Больш за тое, такія храмы не часта сустрэнеш і ў Расіі. Калі верыць старажылам, убранне новага храма было надзвычайным: залаты іканастас, падлога і дзверы з моранага дуба, каляровыя вітражныя вокны, меліся дзве мармуровыя табліцы, на якіх была выкладзена інфармацыя аб будаўніцтве храма. Сёння амаль усё гэта страчана незваротна...
У савецкі час царква была зачынена і ператворана ў збожжасховішча, а затым у лядоўню, дзе калгас захоўваў тушы забітых жывёл. Пасля аварыі на ЧАЭС людзей выселілі ў новы пасёлак, які назвалі Новыя Саматэвічы. А ў закінутую вёску пачалі наведвацца чорныя капальнікі, якія забралі ўсё, што маглі вынесці, а пасля падпалілі і царкву. Дзякуй Богу, яна не была знішчаная дарэшты, і сёння яе руіны – адзіная ацалелая каменная пабудова ў некалі буйной вёсцы, якая налічвала больш за 1500 дамоў.
Цяпер замест дамоў у Саматэвічах узгоркі, пад якімі і пахавана жытло. Некаторыя будынкі ўсё ж выстаялі, але іх вельмі мала. Раней тут працавалі некалькі крамаў, дзіцячы сад, бальніца, вузел сувязі, нават кафэ. Цяпер замест вялікай вёскі дзікае, глухое месца.
Аповяд будзе няпоўным, калі мы не згадаем, што ў вёсцы Саматэвічы нарадзіўся знакаміты беларускі паэт Аркадзь Куляшоў.
У 1913 годзе ў вёску прыехала на працу маладая сям’я настаўнікаў: Аляксандр Мікалаевіч Куляшоў і Кацярына Фамінічна Ратабыльская. Сям’ю Куляшовых пасялілі ў будынку былой старой карчмы, дзе ў 1914 годзе і нарадзіўся будучы паэт. Бацькі Аркадзя сябравалі з панамі Галынскімі. Апошнімі ўладарамі з роду Галынскіх тут былі сёстры Галынскія. Кажуць, што яны ўдзельнічалі ў выхаванні малога Аркадзя Куляшова.
У Саматэвічах хлопец сустрэў сваё першае каханне. Яму тады было 14 гадоў, а ёй – 16. Яе звалі Алеся. Памятаеце: «Пайшла, ніколі ўжо не вернешся, Алеся…»? Ад гэтага дзіцячага кахання ў Аркадзя нарадзіўся геніяльны верш «Бывай», які пазней кампазітар Ігар Лучанок паклаў на музыку. Атрымалася цудоўная песня «Алеся», якую выканалі нашы знакамітыя «Песняры». Сёння на месцы хаты, дзе нарадзіўся паэт, паставілі памятны валун. У 1984 годзе тут заснавалі Літаратурны музей імя Аркадзя Куляшова, але ўжо праз два гады ў музеі амаль не стала наведвальнікаў – у «зону» ездзілі неахвотна. Яшчэ праз чатыры гады экспазіцыю музея перанеслі ў Касцюковіцкі краязнаўчы музей.
Мястэчка рамеснікаў. Чаму Івянецкі музей традыцыйнай культуры лічыцца ўнікальным?
Зразумела, тыя аскепкі нашай культуры, што засталіся ў зоне адчужэння, сёння могуць наведаць не ўсе. Але жыць, ведаць, помніць і захоўваць памяць для нашчадкаў – ці не дзеля гэтага мы распавядаем вам пра выдатныя мясціны нашай Радзімы?
Прыгожы будынак віцебскага тэатра «Лялька» – нібы куфэрак з дзівосамі. Стаіць ён у самым цэнтры горада, на беразе Дзвіны. Ля ўвахода – бронзавая скульптура казачнага чарадзея Хатабыча. Аўтар знакамітай казкі («Старик Хоттабыч») Лазар Лагін (Гінзбург) нарадзіўся ў Віцебску, і ў 2017 годзе землякі ўшанавалі яго памяць адкрыццём гэтага помніка.
Хто чытаў казку, памятае: ажыццяўляючы жаданні, Хатабыч вырываў валасок са сваёй барады. Цікава, калі білетаў у «Ляльку» не дакупіцца (а такое часта бывае!) – чарадзейства Хатабыча дапаможа?
Скажу пад сакрэтам – мне дапамагло! Я мела моцнае жаданне трапіць у «Ляльку» на адкрыццё тэатральнага сезона – і патузала старога за бараду.
Так я апынулася ў файе, дзе віравала свята. Гасцей сустракаў элегантны канферансье, перад пачаткам спектакля артысты вучылі вадзіць лялек, кожны ахвотны мог атрымаць паперу і алоўкі, каб памаляваць. Пасля лепшых мастакоў узнагародзілі размаляванымі пернікамі, і пад спевы юных выхаванак дзіцячай мастацкай школы зладзілі вясёлыя скокі.
Па ўсім было бачна: за час адпачынку тэатр засумаваў па гледачах, а гледачы – па тэатру. Наперадзе ж чакала дзея, якая і сабрала ўсіх разам тым вераснёўскім днём: прэм’ерны паказ спектакля па п’есе Святланы Дарожкі «на адну дзею і шэсць малюнкаў» «Каля-Маля».
Занавес расхінуўся і цуд, дзеля якога давялося турбаваць чарадзея Хатабыча, пачаўся!
Хлопчык Віця – юны мастак. Ён не выпускае з рук алоўка і пэндзлі, таму і завуць яго ў сям’і Каля-Маля. Мама – строгая дагледжаная пані, заўжды не задаволеная сынам і тузае яго ўвесь час: у пакоі непарадкі, малюнкі раскіданыя. Раззлаваўшыся, яна аднойчы збірае і выкідвае іх у сметніцу.
Пасля гэтага Каля-Маля знікае з дому і апынаецца ў свеце сваіх малюнкаў -- так ён ратуецца ад Мамы.
Мама ж кідаецца шукаць сына, і следам за ім трапляе ў намаляваны свет. У гэтым свеце Мама таксама намаляваная — такой, якой бачыць і ўспрымае яе сын. Гэтай выявы палохаюцца нават Цмокі!
Калі нехта з дарослых на гэтых словах злякнецца і падумае: «Што ж там за мама такая?» — давайце падыйдзем да люстэрка і ўгледземся ў сваё адлюстраванне, шаноўныя бацькі. І калі адразу з вушэй у нас не шугане полымя і не адаб’ецца ў люстранай гладзі хвост, проста згадайма стасункі з уласнымі дзецьмі.
«Не руш, не чапай, не раскідвай, няма часу!» — колькі разоў раздражнённа выгаворвалася ўласнаму дзіцяці? Як часта прыпыняліся неадкладныя справы, каб услухацца ў расказы маленькага чалавека? А размаляваныя юнымі мастакамі шпалеры віталіся апладысментамі і ўхваленнямі — ці шлапакамі і крыкамі?
Калі адназначных адказаў не знаходзіцца, а наперабой спяшаюцца апраўданні пра нястачу часу, неабходнасць шмат працаваць, пра шматзадачнасць дзелавога і пабытовага жыцця -- вітаю! Пасля спектакля «Каля-Маля» робіцца ясна, як божы дзень: мы ў камандзе людзей, страшнейшых за цмокаў, бо менавіта такімі могуць бачыць нас нашыя дзеці!
Як спрактыкаваны псіхолаг, аналізуючы дзіцячыя малюнкі, можа па палічках раскласці не толькі стан дзіцяці, але і расказаць пра стасункі ў сям’і, узаемадачыненні паміж бацькамі і дзецьмі, так спектакль «Каля-Маля» дае магчымасць кожнаму з нас глянуць на сябе вачыма дзіцяці – і напаткаць горкія адкрыцці.
Але ж і выйсце падказваецца! «Каля-Маля» нібы яшчэ раз нагадвае (а некаму, магчыма, і ўпершыню давядзе): любіць – значыць прымаць чалавека, а не ламаць пад сябе і свае ўяўленні пра тое, як мае быць.
Вось і Мама знаходзіць у намаляваным свеце свайго Віцю, свайго любага Каля-Маля, як толькі пачынае гэта разумець. Яна вяртаецца дадому, у рэальны свет, дарэшты змененай. Па заканчэнні спектакля разам з Татам яны дапамагюць Каля-Маля і яго сяброўкам-Мастачкам рыхтавацца да выстаўкі …
Эмпатыя – моцная тэма «Каля-Маля», і працуе ў абодва бакі: «дарослыя-дзеці» і «дзеці-дарослыя». Юныя гледачы таксама мелі магчымасць пабачыць сваіх бацькоў збоку – і, магчыма, падумаць пра тое, што і дарослым часам патрэбная падтрымка і дапамога. Рэжысёру Віктару Клімчуку, мастаку-сцэнографу Крысціне Баранавай разам з акцёрамі ўдаўся сапраўдны цуд. Спектакль атрымаўся нiбы партал, праз якi дарослыя i дзецi атрымалі магчымамць здзейснiць падарожжа адзiн да аднаго — i паразумецца. Верыцца, што «Каля-Маля» палюбiцца, прыжывецца на сцэне i стане чаканым госцем на гастролях i фестывалях, а прафесійныя тэатральныя крытыкі не пакінуць яго па-за ўвагай.
Я ж, як захоплены глядач-тэатрал, кажу «Ляльцы» шчыры «дзякуй» за новы яскравы спектакль і шчыра раю паглядзець яго і дзецям, і дарослым.
https://bel.24health.by/muzej-pad-adkrytym-nebam-yakiya-mescy-u-polacku-vy-dakladna-ne-zabudzece/
Прафілактыка традыцыйна з'яўляецца адным з ключавых накірункаў сучаснай педыятрыі. Пытанні адэкватнага нутрытыўнага забеспячэння дзяцей рознага ўзросту як магутны прафілактычны рэсурс для захавання і ўмацавання здароўя, гарманічнага фізічнага і разумовага развіцця набываюць усё больш канцэптуальнае значэнне.
«Залатым стандартам» для дзяцей першага года жыцця з'яўляецца грудное выкормліванне. У больш старэйшым узросце на пярэдні план выступае разнастайны, збалансаваны рацыён, які максімальна задавальняе патрэбы дзіцяці ў макра- і мікранутрыентах. Асаблівая роля адведзена бялку – асноўнаму структурнаму кампаненту клетак, які вызначае асаблівасці росту, развіцця і станаўлення функцый усіх органаў і сістэм.
Пра тое, наколькі важны бялок у перыяды інтэнсіўнага росту, да якіх наступстваў можа прывесці яго востры дэфіцыт у дзіцячым і падлеткавым узросце, а таксама ў чым заключаецца тэорыя метабалічнага праграмавання, распавяла педыятр-неўролаг, асістэнт кафедры дзіцячай неўралогіі БелМАПА Аліса Кудлач.
У апошнія гады вялікую навуковую цікавасць уяўляе так званая тэорыя метабалічнага праграмавання, або праграмаванне харчаваннем. Згодна з гэтай тэорыяй, базісам індывідуальнага метабалізму з'яўляюцца генетычныя фактары, гэта значыць прыроджаная здольнасць у той ці іншай ступені прымаць, засвойваць і выкарыстоўваць макра- і мікранутрыенты, неабходныя для адэкватнага росту і развіцця.
Тым не менш, даследчыкі падкрэсліваюць, што фактары навакольнага асяроддзя, у прыватнасці, харчаванне, асабліва ў крытычныя перыяды «скокаў росту», аказваюць значны мадыфікуючы ўплыў на фарміраванне паказчыкаў здароўя. Пры пэўных умовах яны могуць нівеліраваць або пагоршыць наступствы генетычных «паломак», справакаваць развіццё набытых парушэнняў метабалізму і тым самым абумовіць аддаленыя і працяглыя расстройствы стану здароўя.
Прадвызначаюць утварэнне тых ці іншых бялкоў 20 амінакіслотаў, з якіх толькі 2 абсалютна заменныя, 8 – незаменныя, а здольнасць арганізма сінтэзаваць астатнія залежыць ад мноства знешніх фактараў. Крыніцай паступлення ўсіх незаменных амінакіслотаў для чалавека з'яўляюцца прадукты харчавання жывёльнага паходжання, а менавіта: мяса, малако, птушка, рыба, яйкі. Іх штодзённая прысутнасць у рацыёне дзяцей і падлеткаў у дастатковым аб'ёме прынцыпова важная.
Аліментарная (харчовая) бялковая недастатковасць часцей за ўсё развіваецца на фоне абмежаванага паступлення пратэінаў і незаменных амінакіслотаў з ежай. Але таксама можа быць выкліканая і іншымі прычынамі, падкрэслівае эксперт.
Напрыклад, бялкова-энергетычныя парушэнні могуць быць абумоўленыя хранічнай паталогіяй нырак, печані, страўнікава-кішэчнага тракта і кішэчніка ў прыватнасці, прыроджанымі парушэннямі засваяльнасці і абмену амінакіслотаў (фенілкетанурыю), узмоцненым распадам бялку на фоне цукровага дыябету, зацяжнымі інфекцыйнымі захворваннямі, злаякаснымі новаўтварэннямі...
Але часцей даводзіцца мець справу з сітуацыямі, калі «цяжкая» паталогія ці значныя змены ў лабараторных аналізах адсутнічаюць. Тым не менш, на фоне агульнага фізічнага і псіхічнага дабрабыту назіраюцца пэўныя адхіленні ў клінічным статусе (дысбаланс у параметрах росту-вагі, прыкметы зніжэння імунітэту, расстройствы стрававання) або парушэнні агульнага самаадчування дзіцяці.
У перыяды міжсезоння і пры павышаных разумовых нагрузках (на працягу навучальнага года) у дзіцяці могуць адзначацца зніжэнне апетыту, парушэнне канцэнтрацыі і запамінання, хуткая стамляльнасць, схільнасць да частых прастудных захворванняў.
У гэтым выпадку апраўданым з'яўляецца ўключэнне ў дзіцячае меню высокабялковых лёгказасваяльных прадуктаў, напрыклад, кісламалочных напояў з высокім утрыманнем бялку.
Яны могуць служыць дадатковай крыніцай паступлення ў арганізм незаменных амінакіслотаў, пратэіну ў высокай канцэнтрацыі, што ў сваю чаргу будзе садзейнічаць суладнай працы ўсіх органаў і сістэм, павышэнню ахоўных і рэзервовых сіл арганізма, які расце.
Па колькасці вітамінаў і мінеральных рэчываў грыбы з'яўляюцца карысным прадуктам харчавання. Апроч гэтага, збор грыбоў – займальны занятак, які можна прыраўнаць да пошуку скарбаў. А яшчэ гэта працяглыя шпацыры па лесе, фізічныя нагрузкі, спосаб абстрагавацца ад штодзённых клопатаў.
Але кожны грыбны сезон суправаджаецца новымі выпадкамі атручвання. Атручванні ўзнікаюць не толькі з-за ўжытку неядомых грыбоў, але і пры няслушнай апрацоўцы і кансерваванні грыбоў. Таму мы вырашылі напомніць вам пра некаторыя віды прыдатных да яды грыбоў, і іх гатаванне.
Баравік – адзін з самых палезных відаў грыбоў. Гэта смачны і пажыўны грыб. У яго вялікі мясісты капялюшык, і тоўстая ўздзьмутая белая ножка. Афарбоўка капялюшыка ў залежнасці ад узросту і месца вырастання можа быць светлай, жаўтлявай і светла-бурай. У грыбоў, якія растуць у хваёвым бору, капялюшыкі, зазвычай, цямней.
Баравік можа дасягаць досыць значных памераў – капялюшык да паўметра ў дыяметры, а ў вышыню да 30 сантыметраў.
У сушаных баравіках ёсць алкалоід герцэдын, які выкарыстоўваецца ў лячэнні стэнакардыі. У гэтым выглядзе яны найлепш захоўваюць свае смакавыя і пажыўныя ўласцівасці. Іх можна ўжываць без дадатковай апрацоўкі.
Таксама сушаныя баравікі выкарыстоўваюцца для прафілактыкі раку. А воднымі экстрактамі лечаць язвы і абмарожанні.
Вешанкі ў дзікай прыродзе звычайна растуць на дрэвах. Капялюшык такога грыба аднабокі ці круглявы, пласцінка «збягае» на ножку, як бы прырастаючы да яе. Адрозніць вешанку ад неядомых грыбоў нескладана, яна мае аксаміцісты навобмацак капялюшык. Капялюшык шэрага ці шаравата-карычневага колеру ад 5 да 20 сантыметраў у дыяметры. Ножка вельмі шчыльная і з-за сваёй калянасці ў ежу не ўжываецца. Растуць вешанкі букетам, у якім часам налічваецца да 30 грыбоў.
У ежу вешанкі ўжываюцца ў печаным, вараным і тушаным выглядзе, апроч таго гэтыя грыбы прыдатныя для салення. Пры гатаванні вешанак абавязкова патрэбна тэрмічная апрацоўка. Вешанкі ўтрымваюць хітын, які не засвойваецца чалавечым арганізмаў. Для таго, каб яго выдаліць, вешанкі трэба дробна парэзаць і гатаваць пры высокай тэмпературы. Смак гатовых вешанак уяўляе сабою нешта сярэдняе паміж сыраежкай і баравіком.
Вешанка валодае бактэрыцыднымі ўласцівасцямі, спрыяе выдаленню радыеактыўных элементаў з арганізма.
Гэта капялюшны грыб з роду малачаяў. Капялюшык грузда – 5—20 сантыметраў, у сярэдзіне ўгнуты, злёгку слізісты з кудлатым краем, бялёсага колеру з нярэзкімі канцэнтрычнымі зонамі. Ножка ў грыба кароткая, тоўстая і пустая. Мякаць грыба едкая.
Расце грузд у яловых, бярозавых і змяшаных лясах з пачатку лета да познай восені асобна і групамі.
Гэты вельмі каштоўны грыб адносіцца да першай катэгорыі ядомасці. Ужываюць грузды для марынавання і засолкі, але іх абавязкова папярэдне трэба працягла (мінімум суткі) вымочваць у салёнай вадзе, ваду, пры гэтым, перыядычна зліваюць. Усё таму, што грузды ўтрымваюць вельмі горкі млечны сок. Пасля вымочвання грыбы прамываюць, рэжуць і адварваюць цягам 30 хвілін. Далей соляць, раскладваюць па чыстых слоіках, чаргуючы з часнаком і лісцем хрэну. Закрываць салёныя грузі не рэкамендуюць.
Падвішань – капялюшны грыб з групы пласціністых. Мее капялюшык памерам 3—10 сантыметраў. У маладога грыба ён пукаты, потым робіцца ўціснутым, нават лейкападобным, з шырокім грудком па сярэдзіне, краямі няроўнымі, хвалістымі. Капялюшык грыба можа быць белым, бялёсым ці жаўтлявым.
Расце падвішань з ліпеня па кастрычнік у шырокалісцевых лясах, садах, гародах, часам на сенажацях. Сустракаецца грыб пад вішнёвымі дрэвамі, за гэта ён і атрымаў сваю назву.
Падвішань – ядомы грыб чацвёртай катэгорыі. Яго мякаць валодае прыемным пахам свежых агуркоў. Утрымвае грыб 35—45% карысных для чалавека фосфарных злучэнняў.
Пасля збору падвішань сушаць на сонцы, потым замочваюць на 40—50 хвілін . Скарыстоўваюць грыбы для выпечкі з начыннем, гатавання другіх страў, соусаў. Падвішань дапаўняе стравы прыемным водарам і смакам. Добра спалучаецца са стравамі з мяса.
Лясныя грыбы з ярка-жоўтай, радзей бледна-жоўтай афарбоўкай. Капялюшык памерам – 3—10 сантыметраў у выглядзе вывернутага парасона ці варонкі. Ножка практычна зрастаецца з капялюшыкам.
Знайсці лісічкі можна з пачатку лета да познай восені. Яны асабліва любяць хваёвыя лясы. Як і шмат якія грыбы, лісічкі растуць сем'ямі ці групамі. Галоўная каштоўнасць лісічкі ў тым, што гэта грыб практычна ніколі не бывае чарвівым. Лісічкі застаюцца некранутымі чарвякамі і рознымі вусякамі, дзякуючы таму, што ў целе грыба ўтрымваецца асаблівае рэчыва – хітінманноза, якое бурыць яйкі чарвякоў. Апроч таго, з лісічак адмыслова здабываюць хітіманнозу, каб скарыстаць яе пры вырабе медычных прэпаратаў.
Настоем з лісічак лечаць ангіну, нарывы, фурункулы. Грыбы ўтрымваюць у сабе вялікую колькасць вітамінаў А, В і РР, такія мікраэліменты, як медзь і цынк. Дзякуючы гэтаму лісічкі з'яўляюцца прафілактыкай вочных захворванняў, а таксама спрыяюць паляпшэнню зроку.
Смачней за ўсё печаныя лісічкі, іх змешваюць з бульбай, яйкамі, курыцай, спагеці, дадаюць у піцу ці пірог.
Маслякі – адзін з найболей пашыраных відаў ясных грыбоў. Растуць яны сем'ямі ў маладых ельніках і хвойніках. Гэта грыбы табуншчыкі, вядуцца яны і на адкрытых лужках, і на імхах, пясчаных пагорках.
Сваю назву грыб атрымаў з-за алеістага, слізкага навобмацак капялюшыка. Азнакі, якія адрозніваюць большасць відаў маслякоў ад іншых балетавых грыбоў, -- клейкая слізістая, скурка капялюшыка, якая лёгка здымаецца.
Па смаку і харчовай каштоўнасці маслякі практычна не саступаюць баравікам. Перад гатаваннем з капялюшыкаў здымаюць плёнку, таму што пры гатаванні яна робіцца цвёрдай і надае грыбам горкі смак. Пасля грыбы замочваюць на 20--30 хвілін у вадзе. Далей некалькі разоў прамываюць у падсоленай вадзе і адварваюць. Такі паўфабрыкат можна марынаваць, смажыць, саліць ці замарозіць на зіму.
Маслякі багатыя макра- і мікраэліментамі. У іх складзе ёсць вітаміны С, В1, В2, В6 і В9. А таксама ўтрымваецца жалеза.
Махавік адносіцца да роду трубчастых грыбоў і расце з пачатку лета да восені ў хваёвых, лісцяных і змешаных лясах асабіста ці невялікімі групамі. Грыбу падыходзяць розныя лясы, але часцей ён аддае перавагу пасяляцца менавіта ў хваёвых лясах. Махавік цалкам апраўдвае сваю назву, бо знаходзяць яго, зазвычай, у моху.
Капялюшык махавіка паўшаравісты, з часам робіцца пукатым, а потым плоскім. Зверху ён аксаміцісты, цёмна-зялёнага, карычневага ці бурага колеру. Губчаты пласт капялюшыка ярка-жоўтага колеру. Мякаць – цвёрдая, ярка-жоўтая. У старых грыбоў – белая. На заломе мякаць сінее.
Махавік – першагатунковы ясны грыб, які можа выкарыстоўвацца без папярэдняга адварвання для гатавання гарачых страў, для засолкі, марынавання, сушкі. Выкарыстоўваецца ўвесь грыб – і капялюшык, і ножка.
Махавік утрымвае вялікую колькасць лёгказасваяльных бялкоў, цукраў, ферментаў і эфірных маслаў. Грыбы багатыя экстракцыйнымі рэчывамі, якія надаюць адмысловыя смак і пах.
Апенькі збіраюць з канца жніўня і да маразоў. Грыбы любяць старыя пні, карані лісцяных дрэваў. Асабліва часта селяцца на дубовых і бярозавых пнях. Сустракаюцца апенькі нават у раёнах, дзе доўгія маразы.
Капялюшык апенькі мае выгляд шарыка, у маладога грыба ён пукаты, а пасля выпростваецца. Капялюшык аксаміцісты навобмацак, мае карычнева-жоўты колер. Ножка ў грыба кудзелістая і доўгая, ад жоўтага да карычневага колеру, звычайна цямней да нізу. У маладых грыбоў ножка злучана з капялюшыкам белай плёнкай, якая потым раздзіраецца і застаецца на ножцы белым кальцом. Мякаць восеньскай апенькі мясістая, белая, з прыемным грыбным пахам.
Апенькі ўніверсальныя грыбы, яны падыходзяць для ўсіх відаў апрацоўкі: іх вараць, смажаць, соляць, марынуюць, сушаць. У ежу, галоўным чынам, ідуць капялюшыкі, бо ножкі занадта кудзелістыя.
Апенькі адрозніваюцца нізкай каларыйнасцю – на 100 г 22 ккал. Таксама апенькі – гэта прыродныя антыбіётыкі, яны валодаюць супрацьмікробным дзеяннем, памагатыя ў змаганні са стафілакокамі і кішачнай палачкай.
Для імунітэту асабліва карысныя бярозавыя апенькі, якія маюць пашыраны вітамінавы склад.
Падбярозавік адносіцца да роду абабак і расце спачатку лета да позней восені ў светлых лісцяных, галоўным чынам, бярозавых і змяшаных лясах. Растуць грыбы асобна і групамі. Часта падбярозавік можна знайсці на краю лясных дарог.
Капялюшык падбярозавіка можа быць да 15 сантыметраў у дыяметры. Ён шарападобны, падушачкападобны, голы або тонкавойлачны. Сустракаецца рознага колеру, ад шэрага да цёмна-бурага, практычна чорнага. Мякаць грыба белая, на разломе колер не змяняе. Яна ружаватага адцення, мае прыемны грыбны пах. Ножка падбярозавіка можа быць доўгай, да 25 сантыметраў, а дыяметрам – да 3 сантыметраў. Яна суцэльная, цыліндрычная, унізе ледзь пашыраная, бялёсага колеру, пакрыта лускавінкамі ад шэрага да цёмна-карычневага колеру.
У старых грыбоў цвёрдая кудзелістая ножка. Мякаць падбярозавіка вельмі хутка робіцца рыхлай, таму лепш у лесе браць маладыя грыбы.
Пры цеплавой апрацоўцы і сушцы падбярозавікі моцна цямнеюць. Грыбы выдатна падыходзяць для нарыхтоўкі на зіму.
У падбярозавіках утрымваецца незаменныя амінакіслоты: глутамін, тыразін, лейцын і аргінін. Іх галоўная перавага ў тым, што яны не меюць патрэбу ва ўплыве стрававальных сокаў, каб расшчэпіцца, а самі лёгка ўсмоктваюцца ў кішэчнік.
У падбярозавіках практычна столькі ж вітаміну РР, як у печані і дражджах. Таксама ў складзе грыбоў ёсць вітаміны В1 і В2, С, Е і D. Падбярозавік на 35% складаецца з бялку і на 25% з клятчаткі.
Чырвонагаловік, як і падбярозавік, адносіцца да роду абабак. Грыбы растуць у лісцяных, змяшаных і хваёвых лясах з чэрвеня па кастрычнік. Асабліва любяць маладыя асіны.
Капялюшык чырвонагаловіка можа быць да 30 сантыметраў дыяметрам. У маладых грыбоў капялюшык шаравісты, шчыльна прылягае да ножкі. Пазней ён робіцца пукатым, плоскім. Звычайна капялюшык сухі, мясісты і аксаміцісты навобмацак. Афарбоўка грыба можа быць ад бялёсай да ярка-памяранцавай. Мякаць чырвонагаловіка белая, на разломе ледзь ружавее, сінее, зелянее, а пасля чарнее. Не мае адметнага паху і смаку. Ножка чырвонагаловіка расце да 20 сантыметраў у даўжыню, дыяметрам да 5 сантыметраў, суцэльнай, цыліндрычнай формы.
Чырвонагаловікі ў час сушкі чарнеюць, пры марынаванні – робяцца шаравата-бурымі.
У чырвонагаловіках утрымваецца шмат калію, жалеза і фосфару. А па колькасці вітаміну В грыбы нічым не саступаюць зерневым культурам. У чырвонагаловіках больш бялку, чым у мясе. Аднак патрэбна ўлічваць, што засвойваюцца гэтыя бялкі горш, чым жывёльныя.
Калі чырвонагаловікі добра згатаваныя, то іх засваяльнасць павялічваецца. Грыбы можна варыць, смажыць, сушыць, марынаваць. Булён з сушаных чырвонагаловікаў у некалькі разоў каларыйней за мясны. Але ён добра засвойваецца чалавечым арганізмам.
Рыжык адносіцца да роду малачай, сям'і сыраежкавых, групе пласціністых. Расце з ліпеня па кастрычнік у хваёвых і іншых лясах з вялікім дамешкам хвой, асабліва ў маладых хвойніках і пераважна ў пясчанай глебе.
Капялюшык рыжыка дыяметрам да 15 сантыметраў, мясісты. У маладых грыбоў ён пукаты, а пазней робіцца лейкападобным з злёгку загорнутымі ўніз краямі. Колер капялюшыка памяранцавы або чырвона-памяранцавы. Мякаць рыжыка тоўстая, шчыльная. Мае крэмава-памяранцавы колер, на разломе чырванее, потым зелянее і вылучае ярка-памяранцавы млечны сок са смалістым пахам, які на паветры зелянее. Ножка рыжыка расце ў даўжыню да 10 сантыментаў і дыяметрам да 3 сантыметраў. Ножка цыліндрычнай формы.
Рыжык утрымвае шмат карысных рэчываў і адносіцца да найболей каштоўных грыбоў. Рыжыкі багатыя амінакіслотамі і вітамінамі, а таксама жалезам. Яны ўтрымваюць у сваім складзе антыбіётык – лахтаравіслін, які валодае моцным супрацьвірусным дзеяннем. Ужытак рыжыкаў зніжае халестэрын і ровень цукру, нармалізуе артэрыяльны ціск і частату сардэчных скарачэнняў.
Рэкамендуюць ужываць рыжыкі пасля тэрмічнай апрацоўкі. Грыбы вараць, смажаць, тушаць. Для апрацоўкі досыць 20—30 хвілін. Некаторыя гурманы ўжываюць рыжыкі і ў свежым выглядзе. Таксама папулярныя ў кулінарыі салёныя і марынаваныя рыжыкі.
Класіфікавана больш за 2500 прадстаўнікоў дадзенай сям'і, вялікая частка гэтых грыбоў якасная, але ёсць і атрутныя прадстаўнікі. Радоўка можа расці на пясчанай глебе ў хваёвых ці змяшаных лясах. Плоданосіць са жніўня па кастрычнік.
Для ўжытку ў ежу лепш збіраць маладыя грыбы. У спелых радовак ёсць горкі прысмак.
Гэтыя грыбы з’яўляюцца высокай каштоўнасцю для хворых на сухоты, але ўжываць іх варта толькі пасля кансультацыі з урачом. У радоўках утрымваецца значная колькасць вітамінаў В1 і В2, марганец, цынк і медзь. Апроч гэтага грыбы валодаюць антыбактэрыйнымі ўласцівасцямі.
Ясны грыб мее вельмі прыемных смак. Яго соляць, марынуюць, смажаць, папярэдне апрацаваўшы. Пры ўздзеянні высокіх тэмператур грыбы робяцца светла-шэрымі і набываюць насычаны смак. Радоўкі добра спалучаюцца з печанай цыбуляй, мясам, бульбай.
Смаржкі адносяцца да групы сумкаватых грыбоў. Яны растуць ранняй вясной у хваёвых і змяшаных лясах на ўрадлівай і гнойнай глебе, багатай вапнай, на старых гарэлішчах, лясных высечках, уздоўж лясных дарог, на ўзлеску.
Капялюшык у смаржкоў да 15 сантыметраў вышынёй і да 10 сантыметраў у дыяметры. Форма капялюшыка яйкаватая, круглявая, пустая. Мае вохрыста-жоўты, жоўта-буры, карычневы колер. Капялюшык смаржка з вочкамі, якія напамінаюць пчаліныя соты.
Ножка смаржкоў пустацелая цыліндрычная даўжынёй да 10 сантыметраў і таўшчынёй да 5 сантыметраў. Мае бялёсы ці жоўта-буры колер.
Ужытак смаржкоў спрыяльна ўплывае на стан зроку, папярэджвае памутненне крышталіка вока, мацуе вокавыя цягліцы. У грыбах утрымваюцца вітаміны D і D2, а таксама вітаміны групы В.
Адвар са смаржкоў адносяць да добрага танізавальнага і аздараўленчага сродку. Ён спрыяльна ўплывае на працу СКТ.
Настой з капялюшыкаў смаржкоў выкарыстоўваецца пры рэўматызме і іншых захворваннях суставаў.
У свежым выглядзе смаржкі ўтрымваюць атрутныя рэчывы – гірамітрыны, якія могуць выклікаць сур'ёзнае атручванне. Таму перад ужыткам іх трэба адварваць не меней 15 хвілін у трохразовым аб'ёме вады. Потым адвар патрэбна зліць і старанна прамыць грыбы. Пасля гэтага смаржкі можна смажыць, тушыць і замарожваць.
Смаржкі не марынуюць, не соляць, але сушаць. Есці іх можна праз тры месяцы пасля сушкі.
Ваўнянка расце з сярэдзіны лета па кастрычнік у лісцяных і змяшаных лясах. Аддае перавагу пасяляцца поруч з немаладымі бярозамі. Часам ваўнянкі з'яўляюцца густымі групамі на ўзлеску.
Дыяметр капялюшыка 5—10 сантыметраў, колер – ад жаўтлява-памяранцавага да светла-арэхавага, часцей сустракаецца ружавата-чырвонага адцення. У маладых грыбоў капялюшык пукаты, у спелых – плоскі, уціснуты ў цэнтры з загорнутымі краямі. Ножка ў грыба пустая, мае цыліндрычную форму, памерам – 3—7 сантыметраў. Ножка ў ваўнянкі звычайна трохі святлейшая за капялюшык. Мякаць у грыба белага ці бела-ружовага колеру, ломкая і рыхлая.
У ваўнянках утрымваецца вялікая колькасць карысных рэчываў, якія дадатна ўплываюць на стан валасоў, пазногцяў, скуры. Яны дапамагаюць мацаваць імунітэт. Ваўнянкі зніжаюць халестэрын і стабілізуюць узровень глюкозы. Яны добра чысцяць сасуды, паляпшаю працу суставаў, нярвовай сістэмы, органаў зроку.
Ваўнянкі ўжываюцца ў салёным і марынаваным выглядзе, часам свежымі ў другіх стравах. Асабліва шануюцца ў засоле маладыя грыбы з дыяметрам капялюшыка не больш за 3—4 сантыметры.
Перад гатаванне грыбы патрабуюць стараннага вымочвання.
Польскі грыб расце ў змешаных і хваёвых лясах пад немаладымі дрэвамі, на пясчаных глебах і ў моху, у нізінах. Сустрэць польскі грыб можна са жніўня па кастрычнік.
У польскага грыба капялюшык карычневага ці каштанавага колеру. У сырое надвор'е капялюшык грыба цямнее і робіцца слізкім. Ніз капялюшыка сітаваты, бялёса-жоўтага ці жёлта-зялёнага колеру. Пры націсканні на жаўтлявую трубчастую паверхню капялюшыка з'яўляюцца сінявыя, сіне-зялёныя, блакітнаватыя ці свідра-карычневыя плямы.
Мякаць у польскага грыба шчыльная, мясістая, бялёсага ці жаўтлявага колеру з прыемным фруктовым ці грыбным пахам. Ножка грыба мае жаўтлявае, светла-карычневае адценне, па форме падобная на цыліндр.
У польскага грыба няма атрутных двайнікоў. Але ёсць віды, з якімі яго лёгка можна пераблытаць. Вельмі часта збіральнікі блытаюць яго з баравіком.
У складзе польскага грыба 22 амінакіслоты. Яны паляпшаюць памяць, павялічваюць разумовую актыўнасць, бяруць удзел у абнаўленні нярвовых клетак, зніжаюць рызыку развіцця атэрасклерозу.
У польскіх грыбах знаходзіцца амінакіслата L-цеанін, якая таксама знаходзіцца у зялёнай гарбаце.
Каб захаваць максімальную карысць грыба, патрэбна ўлічваць, што ў сушаных грыбах захоўваецца большая колькасць антыаксідантных уласцівасцяў, чым пасля бланшавання.
Водныя выцяжкі з польскіх грыбоў утрымваць водарастваральныя поліцукрыды, якія ўплываюць на клеткі імуннай сістэмы і павялічваюць проціпухлінную рэзістэнтнасць арганізма.
Шануюць польскія грыбы за іх смак. Яны асабліва смачныя познай восенню. Польскі грыб можна смажыць, варыць, марынаваць, сушыць, тушыць. Пры гатаванні афарбоўка мякаці грыба знікае.
Таксама чытайце па тэме:
Расла ў садзе яблынька. Яна была маладзейшая за сваiх сябровак, але ў гэта лета ўжо песцiла свайго першынца — маленькi зялёны яблычак. I яе зусiм не засмучала, што ён адзiны, бо ведала: будуць мiнаць гады, яна падрасце і падужэе і калi-небудзь яе голле сагнецца да зямлi пад цяжарам мноства яблыкаў — яе дзетак.
А пакуль тое, яна жыла першым клопатам мацi: гайдала яблычак на сваiх галiнках, паiла салодкай ранiшняй расой. Яблычак рос, падстаўляючы сонцу свае яшчэ зялёныя бакi. Ён быў цiкаўны, хацеў бачыць усё, што рабiлася навокал. І яблынька, калi ён вельмi ўжо разгойдваўся на галiнцы, ласкава ўшчувала яго:
— Не спяшайся, гарэза! Ты яшчэ малы i зялёны, а павiнен выспець, налiцца сокам.
Ды яблычак не надта рваўся са сваёй галiнкi. Прастору i cонца яму хапала, а што яшчэ патрэбна такой малечы?.. Ён і падрастаў паціху.
Вусень чуў усё, што казала яблынька свайму пестуну. Ён жыў непадалёк на кветцы дзьмухаўца, нiкога не чапаў, грэўся на сонцы i пра нешта марыў… Але апошнiмi днямi яго характар прыкметна сапсаваўся. Вусень адчуваў нейкую незразумелую незадаволенасць жыццём, злосць i санлiвасць. Яго так i падмывала зрабiць нешта гадзенькае, каб навакольны свет не здаваўся вельмі шчаслiвым. Ды што можа зрабiць такая казяўка? I ўласная нязначнасць раздражняла вусеня яшчэ больш.
Вось у такую нядобрую часiну яму на вочы трапiўся яблык.
— Вiсiць сабе таўстун, радуецца. Пачакай жа, вось я цябе … з’ем, — вусень на iмгненне завагаўся, ацэньваючы памеры яблыка, але жаданне атруцiць каму-небудзь жыццё перамагло. — Ну, не з’ем, дык пакусаю! – i вусень рашуча накiраваўся да яблынькі. — Пакусаю, пакусаю, — падганяў ён сам сябе пагрозлівым мармытаннем.
У яблыка ад страху аж дыханне заняло. Тузануўся раз-другі, імкнучыся збегчы, выратавацца ад гэтага гнуткага зялёнага чарвяка, які марудна, але няўмольна набліжаўся. Ды маладая пімпачка надзейна трымалася за галінку. Яблык затрымцеў усімі сваімі семачкамі, што таіліся ў глыбіні яго цельца.
— Ратуйся! — шапнула яблынька і асцярожна падштурхнула яго ў густую лістоту, павярнуўшы да вусеня самым зялёным бокам.
Яблыку пашанцавала: якраз ў гэты момант на шляху вусеню трапілася перашкода, адцягнуўшы ўвагу.
— Ну, пачакай! — раз’юшыўся вусень, ўбачыўшы, што яблык знік.
— Не ў неба ж ты паляцеў! — і вусень утаропіўся на дрэўца, аж у вачах зелена стала.
Ды дарэмна! Лісце і галінкі аказаліся надзейнай схованкай.
Караскацца по кожнай галінцы, перабіраючы лісточкі ў пошуках здабычы, яму не хацелася — пераважала стома, але і адступаць вусень не збіраўся.
— А-а, даражэнькі, я цябе аблогай вазьму. Падпільную, нікуды не дзенешся!
І вусень стаў мясцюрыцца на сухой галінцы, што ляжала непадалёк. А каб было зручней, сплёў сабе кокан і прыціх у ім. Некалькі хвілін ён яшчэ цешыў сябе ўяўленнем аб тым, як дабярэцца да яблыка і ўп’ецца ў яго гладкі бок. Але неўпрыкмет да вусеня падкраўся сон...
Міналі дні за днямі. Вусень ціхенька соп у сне, а яблык рос, наліваўся сокам. Ён стаў такім вялізным і чырвоным, што лісце яблынькі ўжо не магло засланіць яго ад зялёнага злыдня. І яблык з трывогай чакаў, што будзе далей.
Аднойчы ён пачуў, як нешта ў кокане лузнула і адтуль — вось дзіва! — выбраўся на свет сінякрылы матылёк. Ад неспадзёўкі яблык ажно войкнуў. А матылёк расправіў свае прыгожыя лёгкія крыльцы, соладка пацягнуўся… і ўбачыў яблык. Як далекі сон успомніў матылёк, што калісьці быў вусенем і хацеў з’есці гэты вялізны сакавіты яблык.
— Але ж я цяпер не злосны вусень, а вясёлы прыгожы матылёк! І не маю жадання каго-небудзь крыўдзіць.
— Бывай здаровы, яблык!
І матылёк узвіўся ў празрыстую сінь. Яблык уздыхнуў з палёгкай:
— Пранесла!
А да восені было яшчэ так далёка…
Вось так, мой дружа. Бывае, нешта не ладзіцца ў жыцці, табе самотна і няўтульна. І хочацца адпомсціць усяму свету за свае няўдачы. Успомні тады, што ў тваёй душы ёсць светлага і чыстага. Магчыма, твае намеры зменяцца.
Таксама чытайце і слухайце казкі аўтара:
Падарунак ад праменьчыка
Наяда марская*, або Услед за песняй
Выкраданне з бОльніцы
Аб вадзяных млынах і млынарах расказваюць ў казках, паданнях і песнях. Аршанскі млын здаўна лічыўся таямнічым, зачараваным месцам, а млынары, якія працавалі на ім, па павер'і, абавязкова знаходзіліся ў змове з нячыстай сілай, якая дапамагала ім у працы.
Людзі, якія змалолі збожжа, хрысціліся і спяшаліся хутчэй пакінуць гэты будынак. Хадзіла павер'е, што кола само не можа круціцца. Людзі не маглі растлумачыць гэтую з'яву з пункту гледжання фізікі і верылі, што ў гэтым млынару дапамагаюць вадзянікі і русалкі.
Помнік архітэктуры пачатку XX стагоддзя, які служыў да 1960-х гадоў млыном, а пазней аддадзены пад аршанскі этнаграфічны музей «Млын», у верасні адзначае сваё 120-годдзе.
Гэты каменны будынак з'явіўся ў Оршы на беразе Дняпра ў 1902 годзе на грошы мясцовай управы, а да гэтага ў горадзе быў драўляны млын. Першапачаткова млын быў вадзяным рухавіком у 50 конскіх сіл, на ім працавалі 10 чалавек. Праз 10 гадоў кола ў ёй круцілася ўжо з дапамогай пары, а з прыходам электрычнасці тут усё стала працаваць на энергіі току. Да 1960 года млын выконваў сваю непасрэдную функцыю, а потым у Оршы пабудавалі мелькамбінат (цяпер гэта Аршанскі камбінат хлебапрадуктаў), і неабходнасць у «перажытку мінулага» адпала. У будынку арганізавалі склад, пасля яго выкарыстоўвалі і ў якасці кухні, а некаторы час ён пуставаў і прышоў ў непрыдатнасць.
https://bel.24health.by/turystychnaya-orsha-shto-paglyadzec-u-goradze-za-adzin-dzen/
Раней становішча млынара спараджала пэўнае адчужэнне паміж ім і астатнімі сялянамі. Як правіла, млынары былі гэткімі негаваркімі асобамі. Ім нават не абавязкова было адказваць на прывітанні, можна было толькі ківаць галавой у адказ. Адным са сродкаў наладжвання адносін млынара з абшчынай выступала прафесійная магія, якая спрыяла ўладжванню канфліктных сітуацый — у выпадку няспраўнасці і паломкі млына, страты збожжа, гібелі ў млына людзей і хатніх жывёл, у спрэчках з нагоды якасці збожжа і мукі, нават пры лоўлі рыбы ў млынарнай сажалцы.
Рыбачылі ў млына толькі з дазволу млынара, які выступаў пасярэднікам паміж людзьмі і вадзяніком. Па павер'ях за «ліцэнзію» нячыстая сіла патрабавала ахвяру гарэлкай або тытунем. Лічылася, што пры пабудове падмурак млына трэба акрапіць крывёй — інакш даходу не будзе. Для замацавання выніку штогод паўтаралі пэўны рытуал: кожную восень на Дзень Святога Марціна (заступнік млынароў) на Аршанскім млынавым коле заколвалі гусака.
Аж да XIX стагоддзя хадзілі чуткі аб чалавечых ахвярах. Існавала павер'е, што трэба сіротку «закласці». Тым, хто прыводзіў сіротак, нават плацілі грошы, бо нікому не хацелася «у госці» да вадзянога. Зрабіць заклад —значыць паабяцаць нячыстай сіле ахвяру. Меркавалася, што вадзянік забярэ яе сам.
Што да пазнейшых часоў, то «млынавыя» рытуалы згубілі жорсткасць. Сутнасць «дамовы» заключалася ў тым, што паскуддзе не павінна было баламуціць ваду, ствараючы перашкоды ў працы млына. Для чаго цалкам дастаткова было пасяліць на млыне чорнага ката і чорнага пеўня, закліканых «вырашаць пытанні» са злымі духамі.
Будынак ранейшага гарадскога млына стаіць на штучна створаным канале, які злучае дзве ракі Аршыцу і Дняпро. Уютны музей не толькі знешне. Унутры пах дрэва, беларускі лён, аўтэнтычная кераміка, прылады працы і прадметы побыту ствараюць асаблівую атмасферу цеплыні і загадкавасці. Тут практычна няма навароба і стылізацыі, а ў асноўным — рэчы і прадметы, якія выкарыстоўваліся нашымі продкамі ў у перыяд з другой паловы XIX стагоддзі і часткова да XXI.
Мястэчка рамеснікаў. Чаму Івянецкі музей традыцыйнай культуры лічыцца ўнікальным?
Пасля распаду СССР цікавасць у суверэннай Беларусі да сваёй гісторыі ўзрасла, і старажытны будынак вырашылі адрамантаваць і пусціць у справу.
Цяпер у музеі экспануюцца гістарычныя артэфакты. Асноўную частку з іх, а гэта больш за 500 экспанатаў, навуковыя супрацоўнікі музея сабралі ў этнаграфічных экспедыцыях. Толькі невялікі куток адведзены пад сучасныя вырабы народных майстроў мясцовай хаты рамёстваў.
Экскурсія, як правіла, стартуе ад фрагмента каменнай зерняцёркі — прыстасаванні, якім карысталіся да з'яўлення млыноў. Некалі вельмі распаўсюджаная саха зараз з’яўляецца рэдкасцю, яе складана сустрэць дзе-небудзь, акрамя музея. А вось конскі вупраж адрозніваецца ад сённяшняга толькі больш сучаснымі матэрыяламі.
Пры будаўніцтве сядзіб у Падняпроўі выкарыстоўвалі ў асноўным замкнёныя планіровачныя схемы. Макет уяўляе сядзібу распаўсюджанага на дадзенай тэрыторыі вяночнага тыпу — такую маглі дазволіць сабе заможныя сяляне. Побач — традыцыйны інтэр'ер хаты. Насупраць печы, якая таксама валодае цікавай сімволікай, — самае святое месца ў хаце — чырвоны кут.
Млын на рацэ быў сімвалам сямейнага шчасця і дабрабыту, а круцельныя млынавыя жорны — знакам вернага кахання. Каб уявіць, якія павінны былі быць жорны ў будынку млына, паглядзіце на звычайныя ручныя жорны і павялічце іх разумова ў дыяметры да росту чалавека. Як іх вынеслі адсюль і куды падзелі — да гэтага часу загадка. Адны кажуць, што жорны зараз у рацэ, іншыя — што ў падмурку нечага дома.
Большая частка другой залы – мяккая этнаграфія: ткацтва, вышыўка, рукадзелле. Пільная ўвага ў экспазіцыі надзелена апрацоўцы лёну. У цэнтры залы — ткацкі станок з кроснамі. Раней уменне ткаць было для жанчыны неабходным навыкам. Дарэчы, раней лічылася, што нельга рыхтаваць аснову для ткацкага станка позна ўвечары — нячыстая сіла можа пераблытаць ніткі.
Ёсць у музея і сучасныя гісторыі, у тым ліку рамантычныя. Адна з іх звязана з кашуляй аршанскага ладу. Аднойчы ў музей прыйшоў ліст ад дзяўчыны з Санкт-Пецярбурга, якая прасіла даслаць ёй узоры вышыўкі, распаўсюджанай на Аршаншчыне. Яна хацела ўпрыгожыць ёю кашулю для свайго каханага з Оршы. Работнікі музея запрасілі жыхарку паўночнай сталіцы Расіі на экскурсію, і тая не проста змагла ўбачыць аршанскую вышыўку, але і даведалася пра асаблівасці мясцовага ладу. І вось сёлета ў жніўні ў музей прыйшла закаханая пара, а на хлопцу была апранута тая самая кашуля.
Прыхільнікі тэатра назаўжды запомнілі асобу артысткі тэатра Бэлу Масумян як сонечную, цікавую, інтэлегентную жанчыну, якая магла і ўмела захапіць аўдыторыю адным толькі позіркам.
Бэла Амаўна пайшла з жыцця ў 2020 годзе. Гэтая навіна стала для многіх прыхыльнікаў таленту артысткі нечаканасцю, ад таго боль не сціхае і да сённяшняга дня. Селета ў верасні артыстке споўнілася б 85 год. Давайце ўспомнім, пра ролі і жыццёвыя цікавасці ў самым прамым сэнсе душы Нацыяльнага акадэмічнага драматычнага тэатра імя М.Горкага.
Бэла Масумян прысвяціла сцэне амаль 60 гадоў жыцця, сыграўшы каля сотні яркіх роляў. Нінку ў «Правадах белых начэй», Варвару ў «Паднятай цаліне», Машу ў «Трох сёстрах», Ружовая дама і яшчэ дзясяткі самых розных вобразаў. У адным з інтэрв’ю артыстка прызналася, што проста не можа жыць без тэатра.
Бэлу Масумян не палохалі ні эксперыменты, ні звыклая класіка: яна ахвотна працавала ва ўсіх кірунках. Менавіта таму ў яе жыцці было так шмат разнастайных і запамінальных роляў.
Жыццё Бэлы Амаўны часта было парадаксальным. Яе мама была полька, бацька — армянін. Нарадзілася артыстка ва Украіне, вучылася ў літоўскай школе, а жыла на беларускай зямлі. Пры гэтым працавала ў рускім тэатры. Ролі выконвала ў англійскіх, французскіх, амерыканскіх, шведскіх п'есах. У ёй жыў надзвычайны кактэйль менталітэтаў. Калегі называлі артыстку — праўдзівы чалавек свету.
Бацька Бэлы Масумян быў лётчыкам-выпрабавальнікам. Магчыма, цяга да палётаў фантазіі, да вяршыняў натхнення ў яе была з дзяцінства. Адну з першых роляў, у якой яна жыла больш за 20 гадоў, артыстка сыграла ў спектаклі «Двое на арэлях» на сцэне Рускага тэатра ім. Горкага.
Адна з самых цікавых роляў Бэлы Амаўны дзіўная асоба па мянушцы Кенгуру ў спектаклі «Я веру ў гараскопы». Бачачы прыгожую, паспяховую, заўсёды з сонечнай усмешкай актрысу, беларускі драматург Андрэй Карэлін, дэбютуючы на сцэне Рускага тэатра, не мог нават думаць, што артыстка зможа сыграць нешта падобнае. Але Бэла Масумян была вельмі таленавітая і неаднойчы бралася за складаныя ролі.
У знакамітым спектаклі «Бабiнае царства» іграла нямую жанчыну. У целагрэйцы і хустцы — была выразная настолькі, што нямую запаміналі лепш, чым жанчыну, якая можа размаўляць. І толькі сама Бэла Амаўна ведала, як туга часам пераплятаюцца ў жыцці — сваё і чужое. Аднойчы ёй далі ролю сакратара абкама. Яна запанікавала — не ведала жыцця і адчуванняў партработніка. І паехала ў беларускую глыбінку, дзе сакратаром працавала жанчына. Пражыла там тыдзень, назіраючы за ёй, прысутнічала на паседжаннях парткама.
Адной з першых любімых роляў у актрысы была Вольга Нікіціна ў спектаклі — «Аб'ява ў вячэрняй газеце». Гэта быў дэбют драматурга Алены Паповай і рэжысёра Мікалая Пінігіна. Верагодна, таго, пра што з такой пяшчотай расказвалі артысты, насамрэч у жыцці быць не магло. Ну каму прыйдзе ў галаву задума вярнуцца з сучаснай кватэры ў пасляваенны барак, якога, як апынецца, ужо не існуе. Ідэя з абвяшчэннем у газеце і запрашэннем былых жыхароў дома сабрацца разам належыць Вользе.
Злучэнне прыгажосці і жаноцкасці з мужчынскай сілай і нежаночай дзёрзкасцю прымусілі яе аднойчы паспрабаваць сябе ў ролі прынца Дацкага. Ёй заўсёды падабаліся моцныя характары. Невыпадкова такімі атрымліваліся ў яе і жаночыя вобразы.
На працягу ўсёй кар'еры актрысе паступала мноства прапаноў з тэатраў Масквы і Санкт-Пецярбурга, але Бэла Амаўна абрала тэатр Горкага. Роляў было шмат, усе былі любімымі. Актрыса казала: «Па-сапраўднаму жыву толькі дзве гадзіны на сцэне, астатні час — іграю. Бо ў тэатры — усё зразумела. Вось перад табой чалавек, твой партнёр, які на гэтыя дзве гадзіны стаў цэнтрам сусвету. Значыць, вакол яго ўсё круціцца. А жыццё складаецца з дробязяў. Іншая справа, што гэтыя дробязі вучаць жыццю. Акцёрская прафесія — даследчык душы, якая дае шмат у духоўным і адукацыйным сэнсах. Гэта комплекс уражанняў, успрыманняў, якіх не хочацца пазбаўляцца. Ад гэтага нельга стаміцца, гэтым немагчыма аб'есьціся. Кожная новая праца нясе новы зарад, што заўсёды вельмі цікава».
Бэле Масумян ад нараджэння прадпісаны рысы царскія, арыстакратычныя. Пры яе з'яўленні ў нячастых кампаніях навакольныя не дазвалялі сабе вольнасцяў. Яна была добразычлівая, але не балбатлівая і стрыманая. Прымушала думаць аб утоеных таямніцах.
Паступала ў медыцынскі, а стала народнай артысткай. Старонкі жыцця Соф’і Друкер
15 верасня у Музеі гісторыі тэатральнай і музычнай культуры, які знаходзіцца ў Верхнім горадзе, пачала працу выстаўка «Жыццё, аддадзенае тэатру», прысвечаная 85-годдзю з дня нараджэння народнай артысткі Беларусі.
На выстаўцы прадстаўлены фотаздымкі народнай артысткі, сцэны са спектакляў з яе ўдзелам, афішы і праграмкі. Экспазіцыя будзе працаваць да 25 верасня.
One fine body…