Крэм-суп — смачная страва з прыемнай кансістэнцыяй. Правільна прыгатаваны, ён адрозніваецца насычаным сметанковым смакам і мае шаўкавістую аднастайную структуру.
Стравы з грыбоў
Грыбны крэм-суп з шампіньёнаў з'яўляецца адным з самых папулярных сярод астатніх крэм-супаў. Ён зарадзіўся ў Францыі. Затым заваяваў папулярнасць у іншых краінах. Сёння яго падаюць як у маленькіх кавярнях, так і ў вытанчаных рэстаранах.
Пастаяны аўтар Слушна Святлана Карніцкая прапануе нам свой пакрокавы рэцэпт крэм-супа з шампіньёнаў і бульбы. Атрымліваецца сытны, духмяны, карысны, лёгкі суп хуткага прыгатавання.
Інгрэдыенты
- Бульба — 2-3 шт
- Рэпчатая цыбуля — 1 шт
- Шампіньёны — 120-150 г
- Часнок — 1-2 зубчыка
- Сліўкі 20% — 200 мл
- Сметанковы алей — кавалачак
- Раслінны алей — для падсмажвання
- Соль, молаты чорны перац — па гусце
Спосаб прыгатавання
Дробна парэзаць 2 буйныя бульбіны, каб яна хутчэй зварылася. Пакласці бульбу ў ваду, паставіць варыцца. Трошкі пасаліць ваду.
Цыбулю дробна пэрэзаць.
Патэльню нагрэць і дадаць у яе сметанковы алей. Абсмажыць цыбулю на сметанковым алеі да празрыстага залацістага колеру.
У гэты час наразаем грыбы.
Дадаць грыбы да цыбулі, туды ж дадаем трохі расліннага алею, а пасля заправу: соль, сумесь перцаў, грануляваны часнок.
Наразаем часнок. Спачатку яго трэба раздавіць, пасля пасекчы на дробныя кавалачкі. Смажым з цыбуляй і грыбамі.
Смажыць да гатоўнасці грыбоў, увесь час памешваючы, каб не прыгарэла.
Калі бульба зварыцца, зліць ваду, але можна, на ўсялякі выпадак, пакінуць шклянку вады, у якой варылася бульба. Аўтару вада дадаткова не спатрэбілася, яна практычна зліла ўсю яе.
Дадаць грыбы з цыбуляй у бульбу, дадаць сліўкі, соль, перац і здрабніць блэндэрам. Калі вам здаецца, што суп густаваты, дадаць тую самую ваду, якую пакінулі пасля варкі.
Есці можна з грэнкамі. Падавайце упрыгожыўшы зелянінай, а таксама можна пакласці пару лустачак грыбоў.
Смачна есці!
https://bel.24health.by/strava-dlya-dobraga-vosenskaga-nastroyu-idealny-garbuzovy-sup/?preview_id=130189&preview_nonce=bedc008fe2&_thumbnail_id=130190&preview=true
