Калі набыты ці выгадаваны вамі гарбуз ніяк не ператвараецца ў карэту, прыгатуйце яго! Гэтая гародніна — натуральны сродак ачышчэння арганізма. Гарбуз ўжываюць у праграмах лячэбных дыет, для паляпшэння зроку, абмену рэчываў, пры гіпертаніі, сухотах. У прафілактыцы анкалогіі ён таксама эфектыўны.
Таму з гарбуза гатуюць самыя розныя стравы. Напрыклад, духмяны суп з мясам ды гароднінай, гарбузовыя кексы з цытрынавым крэмам, рагу са свінінай і гарбузовым пюрэ...
Гэтым разам давайце прыгатуем кексы па рэцэпце блогера і гаспадыні харэўні ў Тураве Алены Браніславаўны.
Інгрэдыенты
- Гарбузовае пюрэ — 300 гр.
- Мука — 250 гр.
- Алей — 70 гр.
- Цукар — 150 гр. (або па смаку)
- Яйкі — 2 шт.
- Разрыхояоьнік —1 ч.л. + сода 0,5 ч.л.
- Кефір (смятана, ёгурт) — 70 гр.
- Спецыі (мускатны арэх,цынамон,імбір,кардамон, ванільны цукар) — па смаку
- Ссоль
Спосаб прыгатавання
Для пюрэ трэба запекчы гарбуз, перабіць яго блэндарам або перацерці праз сіта.
У пюрэ дадайце цукар і кефір.
Затым спецыі і алей.
Пасля яйкі.
Дадайце муку. Яе можа спатрэбіцца больш ці меньш, усё залежыць ад гушчыні пюрэ.
Цеста павінна атрымаццца як смятана.
Пераліць у форму для кекса ( 10/20 см).
Выпякаць 50-60 хвілін. Астудзіць, пасыпаць цукровай пудрай . Можна ўпрыгожыць шакаладам, глазурай.
Смачна есці!
Матэрыялы на сайце slushna.by носяць інфармацыйны характар і прызначаныя для адукацыйных мэтаў. Інфармацыя не павінна выкарыстоўвацца ў якасці медыцынскіх рэкамендацый. Ставіць дыягназ і прызначае лячэнне толькі ваш урач. Рэдакцыя сайта не нясе адказнасці за магчымыя негатыўныя наступствы, якія ўзніклі ў выніку выкарыстання інфармацыі, размешчанай на сайце slushna.by