Яблыкі, запечаныя ў духоўцы з рознымі начыннямі, — традыцыйны восеньскі дэсерт. Акрамя таго, яблыкі вельмі карысныя для арганізма, а ў запечаным выглядзе яны становяцца яшчэ больш карыснымі, бо засвойваюцца арганізмам значна лепш.
Садавіна павінна быць сярэдняга ці буйнога памеру, не чарвівай, пажадана салодкай. Калі ў вас пад рукой толькі кіслыя яблыкі, іх варта добранька падсаладзіць, таму што пры запяканні кіслыя яблыкі стануць яшчэ кіслей.
Блогер і гаспадыня харчэўні ў Тураве Алена Браніславаўна прапануе свой смачны рэцэпт запечаных яблык.
Печаныя яблыкі ў духоўцы
Інгрэдыенты
- Яблыкі (пажадана цвёрдых гатункаў)
- Гарбуз
- Тварог
- Мёд
- Масла сметанковае
- Па жаданню арэхі, рызынкі, ванілін, карыца
Спосаб прыгатавання
Гарбуз парэзаць на дробныя кавалачкі.
Абсмажыць на сметанковым масле да мяккасці.
Астудзіць і дадаць да тварагу.
Яблыкі памыць, у месцы, дзе мацуецца хвосцік, зрэзаць круглячшык у выглядзе накрыўкі. Нажом ці лыжкай выбраць з яблыка сярэдзіну, пакідаючы сценкі, але не вельмі тонкія.
Дадаць у тварог мёд па смаку, а таксама па жаданні арэхі, рызынкі, карыцу.
Нафаршыраваць яблыкі тварагом, накрыць. Запякаць пры 200 градусах 20-30 хвілін ( залежыць ад велічыні яблык).
Смачна есці!
